مشعل العز وعبدالله عبيان اليامي الليلة في نجران تعالوا للإبداع والمتعه هنا..

[عاشق الأماكن]

بسم الله الرحمن الرحيم

السلام عليكم ورحمة الله وبركاته

من منا لايعرف الشاعر العذب الشاعر الجميل / عبدالله عبيان إليكم قصيدته في حفل تكريم الأهالي لأمير المنطقة / مشعل بن عبد الله بن عبد العزيز الذي أقيم مساء هذا اليوم الأربعاء 18/5/1430هــ أترككم مع الإبداع مع / مشعل العز في بلاد رجال يام وهمدان بن زيد ...


على العز يا نور(ن) يسوق السحايب سوق= سرى في سما نجـران والخيـر عانقهـا

على ضوح برقه هيجنوا كاسبيـن النـوق= وراعي الدبش مع فـزة الصبـح رافقهـا

يغني جنـوب الـدار و تغـرد أم الطـوق= على ارض زهت بالمجد والهيل عاشقهـا

ديار(ن) جبلها من شهر للنجـوم يتـوق= وسهلها لشوفـة مشعـل العـز يسبقهـا

هلا مرحبا يالشامـخ الواثـق المرمـوق= طليـق الحجـاج اللـي ينـور مشارقهـا

ولد من خلد بسم البلد واعتلى بـه فـوق= شلع وانتزع راس الجشع بأمـر خالقهـا

لو العدل يمشي مثل ما يمشـي المخلـوق= عشـق ميلـة عقالـه ووقـف وطبقهـا

ملكنا ليا ثار الفشـق والصفـوف فـروق= نوقـف علـى شانـه ونشعـل حرايقهـا

هلا يا سليل أهل الظفر والقلوب صـدوق= تجـدد عهدهـا والـوفـا دوم سايقـهـا

كنوز الحضارات القديمـة تـزف الشـوق= وعلى راس (أبو همدان) ترفـع بيارقهـا

ديار الجنابي لاشتعل في الحـدود بـروق= وصاحـت لأهلهـا واستشاطـت بنادقهـا

يبرهن ولانا الصدق في دمنـا المدفـوق= ليـا خندقـوا بالـذل دسـنـا خنادقـهـا

عزوم الرجال خيول عز(ن) تشـد المـوق= عرقهـا بصيحـات العـزاوي ينشقـهـا

نشوف الوطن نخوة جدود وجسد وعـروق= ومواثيـق مـع صقرالعروبـه نوثقـهـا

زعيم (ن) تحت ظله حشا ماشكينا العـوق= عطاك الثقـة ياسيـدي وأنـت منطقهـا

لنا فيك ما للمجد من سيفـه الممشـوق= ولـك عندنـا مـا للشمـوخ بشواهقهـا

لفيت وضحك بدر الجنوب لهوى المعشوق= وليالي المسـرة داعبـت نـوض بارقهـا

تحييك يا مشعل وثـوب الدجـى مشقـوق= وكـل المطالـب بـإذن ربـي تحققـهـا

لك المجد يكفخ ويتغنـى بـك الطـاروق= وشعري عيونـه فـي النوايـف معلقهـا

مثل طيرحر(ن) له شموخ ووكر وسبـوق= ليـا هـد فـي جـول الحبـاري يفرقهـا

يجيب السمين لراعي الصيـت والمنطـوق= وجزيل المكـارم فـي سمـوك يلاحقهـا

ربا في ظلال اللي لهـم منزلـه وحقـوق= رجال لـو يضيـق الفضـا مـا نفارقهـا

نهار المنايا مـا نبالـي نطـب السـوق= وراية بلدنـا فـي سمـا العـز نطلقهـا

تحت رأي أبو متعب وسلطان نبقى فـوق= نبـاري النجـوم وللمعالـي نسابقـهـا

[shmoo5_ al_ajmy]

عاشق الاماكن

طرح غاااية في الروعة

جميل مانقلته لنا في متصفحتك الرائعة

شاكرة لك مجهودك المميز

لك مني أرق التحايا واعذبها

[العـــسر]

يا سلااام
لاهنت يا عاشق الأماكن على هذا النقل الجميل

وصح لسان بن عبيان



تحياتي لك

[صالح أل صليع]

عاشق الاماكن
تحياتي لك
ولى بن عبيان