أحـترت بـ آلـعنوان .. ولــكنه مبـدع ..!

[عايض الوقدان]

مساء الخير ..




شاعر مبدع ...


أخترت من قصائده أثنتين ليست الاجمل / ولكنها راقت لي اتمنى ان تروق لكم كذالك ..


.

.

.

عمري رساله قبـل القـى لهـا ساعـي=غدرنـي الوقـت بظـروفـه وقطّعـهـا
خانتني الريح .. مدري الخاين شراعـي=من غير الآمـال ماتـت قبـل اجمعهـا
انام واحلم : متى تتعـدل اوضاعـي ..!=واذا صحيت .. آخـذ احلامـي اشيعهـا
اضحك مع الناس واخفي عنهم اوجاعـي=وان شافني واحد اضحك قـال : بايعهـا
من بعد ماراحت اغلى نبض فأضلاعـي=وانا المواجـع تصارعنـي واصارعهـا
كنت انتظرها وانا في نومتـي.. واعـي=اخاف لا أحلم بهـا واصحـي واضيعهـا
كانت معي تشطب الظلمي مـن شعاعـي=والفجر يوقف علـى البـاب ويشجعهـا
كانت .. تجي مثل صوت الناي للراعـي =من كثر شوقـي ادورهـا وانـا معهـا
كنت اشتكيهـا لحـزن الليـل والداعـي =واوصـي البـعـد لاجـاتـه يرجعـهـا
من كثر مااحـس معهـا قمـة ابداعـي:=مااحس روعة قصيدي .. قبـل اسمعّهـا
اقول : لاماتـت ايامـي مـن الناعـي ؟=وتقـول : الايـام تنعيـهـا مواجعـهـا
واقول : وجروحك اللي مالهـا داعـي ؟=وتقـول : خـل الجـروح الله يقلعـهـا
.زرعتهـا حـب ياخذنـي لمربـاعـي=ونبتت لغيـري وانـا للعمـر زارعهـا
خلتني آعيش بيـن الحـزن وضياعـي=مستقبلـي ضيّعـتـه .. الله يضيعـهـا
مااذكر بكيت .. البكا ماهو من اطباعـي=اليـن مامـرت الـذكـرى بشارعـهـا
ولاكنت احسب السنين بتلـوي ذراعـي=الا بعـد حطـت ( الدبلـه ) فأصابعهـا
يالحزن.. رح يمّهـا دام انتـه الساعـي=واخـذ معـك كلمتيـن لـزوم تسمعهـا
ان كان ندمت بعد ماعرفـت اوضاعـي=فهمهـا بـأن النـدم ماعـاد ينفعـهـا
وان كانها في شهر .. قدرت على وداعي=انا اربع سنين .. مدري كيف اودعها ..

.
.
.
.

نبدا.هنا نحكي حكاية بنت في عمر الزهور =حلوه , رقيقه .. تحترق بالدمع لو تسمع هواش
تغيب .. يوقف عقرب الساعه , واذا طلّت يدور=يعني إنتظارك فالنهايه غير قابل للنقاش
في أي حفل تكون به هالبنت .. شف شكل الحضور=تصبح ملامحهم .. ترقب , خوف , رهبه , إندهاش
تضحك لذيك .. وتبتدي هذي من (الغيره) تثور=متواضعه .. تنسى إنها الأولى .. يذكّرها الفلاش
أنفاسها لاسولفت .. أحلى دعايه للعطور=عيونها قصة رجل من جا على الدنيا وعاش
لاجت تنام .. أحلامها فوق السرير تصف دور=وتصيح فيهم : يايجيني حلم مثلي .. يابلاش
نامت وحلمْت بانها ورده .. يميّلها الغرور=وكلما يميّلها الغرور تزيد نشوه , وإنتعاش
وجات أمها تهزها : قومي ياماما ( نور نور=وبدت تفكّ عيونها بشويش .. ويطير الفراش

الشاعر العذب / محمد الوسمي

[خالد وبس]

من كثر شوقي ادورها وانا معها
من كثر شوقي ادورها وانا معها
من كثر شوقي ادورها وانا معها



الله على الشطر هذا .. ما ابلغه رغم بساطته
وهنا يكمن الابداع والحرفنه ..!


عايض الوقدان

انت مبدع .. [شعر وذائقه]
صح السان الوسمي
وتسلم يمناك !



تحياتي واحترامي

[ناثرة الورد]

{{ عــايض الوقـدان }}

,
,

آآبداع غير مستغرب
دمــت بهذا الرقي

تقديري ..,

[الغروب]

عــايض الوقـدان

امتعتنا بهذا الاختيار الراقي

وصح لسان شاعرها

ولك شكري وتقديري.

[اسامه الرشيدي]

عايض الوقدان


صح لسان الشاعر الوسمي

وصح لسانكـ يا بو محمد وسلمت اناملك على النقل


والاختيار المبدع لقصيده رائعه وجزله


تقبل تحيتي

[ليــه يازمـــن]

لاهنت على النقل الرائـــع

الله يعطيك العافيه

تقبل تحيتي

[حـــوران]

وان كانها في شهر .. قدرت على وداعي=انا اربع سنين .. مدري كيف اودعها !!

ااالله يعين


اما القصيدة الثانية , رسمه غير قابله للتقطيع والتجزئـه


,., عايـض ,.,


غصت في جزل القصايد وجبت الدانات الثمينه , الله على فكرك وذوقك
صح لسـان الوسمي , وصح ذوقـك
إختيار غير مستغرب منك , ولاعاد تبطي علينا بجديدك
إحترامي وتقديري

[" مــــابه جديــــد "]

كنت اشتكيها لحزن الليل والداعي
واوصي البعد لاجاته يرجعها

الله الله

صح السان الوسمي

ولااهنت يا عايض على النقل الرايع

[عايض الوقدان]

المشاركة الأصلية كتبت بواسطة خالد وبس

من كثر شوقي ادورها وانا معها
من كثر شوقي ادورها وانا معها
من كثر شوقي ادورها وانا معها



الله على الشطر هذا .. ما ابلغه رغم بساطته
وهنا يكمن الابداع والحرفنه ..!


عايض الوقدان

انت مبدع .. [شعر وذائقه]
صح السان الوسمي
وتسلم يمناك !



تحياتي واحترامي

^
^


هلا ومرحبا يا خالد ..


وانت بعد مبدع شعر وحضور ..



تسلم على المرور اللي أسعدني

[عايض الوقدان]

المشاركة الأصلية كتبت بواسطة ناثرة الورد

{{ عــايض الوقـدان }}

,
,

آآبداع غير مستغرب
دمــت بهذا الرقي

تقديري ..,

.......




ناثرة الورد



تسلمين على المرور


والمتصفح راقي بوجودك ووجود الآخرين