انحدار الرباب رائعة الشاعر المبدع سلطان الركيبي

[سارا خالد]

انحدار الرباب

شاعر مبدع يرسم بالكلمات اسمى الاحسايس لينقلنا من عالم الى عالم اخر سلطان الركيبي شاعر نجم بكل ماتحمل هذه الكلمه من معنى اقروءه في هذه الرائعه.

بعت ثنتين لجلك بس ماتفهمين
ومت وانا المح مير مامن جواب

واجمل العمر لجلك راهنه من سنين
راهنه لك وكني ناثره في تراب

لعنبو قلبك اللي من حجر مايلين
كم تقاسى وشرع للتساهيد باب

ان شكيتك على الوقت الردي قال زين
وان تجاهلت احس بطعن شلفا ذياب

وصرت بين الطعون وبين دنياي لين
رحت في رجلها من دون حتى حساب

دنيتي بالمواجع راسها والف دين
في دروبك تجرني كؤوس العذاب

وانتي لابنت عم ونربطك في يمين
لا.. ولاانتي تخافي من ذنوبك عقاب

كن لك في بقايا العمر مطلب ودين
لاتتوبين من جرحه ولا منك تاب

وان نخيت العزوم النيف ردت منين
قوة ٍ للمشاعل في انحدار الرباب

تاهت سنين من عمري وحبك دفين
لاذبحني ولا اعتقني ولا الجرح طاب




هايم ٍ في غلاك لوين مدري لوين
بس انا ادري حدودي بين جرح وعتاب




بعت عمري عشانك وبنتظر لو سنين
بس انا اللي دخيلك لايطول الغياب





. سلطان فيحان الركيبي

[يوران]

بعت عمري عشانك وبنتظر لو سنين = بس انا اللي دخيلك لايطول الغياب

صح الله لسانش ولسان سلطان

ولاهنتي على القصيده

[سارا خالد]

يوران شكرا على لطفك........

[سارا خالد]

وين تعليقاتكم ومشاركتكم؟

[سارا خالد]

??????????????

[الفرس]

صح لسان الشاعر ...


قصيده مؤثره جدا .. لقلوب جامده ..


سارا لاهنتي على الاختيار الروعه وصح لسان شاعرها ..

[سارا خالد]

الفرس شكرا لك
سعدت بمرورك

[مسعطر]

اختي سارا خالد ,,

اخترتي فأبدعتي ,,
و أنتقيتي فأجدتي ,,

صح لسااانش و لساااان الركيبي ,,

تقبلي مروري ,,

[أميرة الإحساس]

صح الله لسانج ولسان سلطان ..

ولاهنتي على القصيده الرائع والمميزه ..

يعطيج العافية ..