علمووووه اني من أسبابه بكيت ***

[تناهيد جنوبية]

أقدم لكم هذه المتواضعة واتمنى من الله عزوجل ان تنال على اعجابكم **

علموه اني مـن أسبابـه بكيـت=وان دمع العين جرح لـي النظـر
وخبروه بحالتـي انـي انكويـت=وان حالي شان مـن قـو القهـر
وقولوا انه من ظلمني ماشتكيـت=ولادرى ابحالتـي أيــة بـشـر
وعلموه اني كتبت القـاف بيـت=وان دمعي صـار باوراقـي حبـر
وإن جفني يشتكي يبغـا المبيـت=وان برواز انكسـاري يحتضـر!!
أشهد ان الحـظ حظـه مستميـت=طر جيبي كيف للشدة صبـر ؟؟؟
ليتني ثم ليتنـي بنـت السبيـت=لادمـوع ولاهمـوم(ن) تنـذكـر!
خبروووه اني من الفرقـا بكيـت=من ديار الشام لى اقصـى مصـر
ومن ديار العز والخير الكويـت*=لي ديار المملكـة عـز الفخـر*
كم دقيقة جيت بحكـي وماحكيـت=وكم سؤال(ن) جال في البال وخطر
هو ظلمني أو ظلمته مادريـت؟؟!!=يلعن الشيطان فى لحظـة ضجـر

وسلامتكم ..

[محمد فهد العرجاني]

هو ظلمني أو ظلمته مادريـت؟؟!!
يلعن الشيطان فى لحظـة ضجـر


ياسلام ياتناهيت وصح الله السانش

قصيده راائعه جدا ياتناهيت رغم مافيها من الحزن والأسى.

ماجووره ولاباس عليش

ودعتش الله

[حمود بن فطيس]

وعلموه اني كتبت القـاف بيـت
وان دمعي صار باوراقـي حبـر

صح السانك ياتناهيد

بيت ولكن يجمع جميع شتات المحبه في ذكريات مؤلمه

صح السانك مره اخرى

تقبلي تحيات مودعك

حمود بن فطيس

[سالم ال مخلص]

ليتني ثم ليتنـي بنـت السبيـت
لادمـوع ولاهمـوم(ن) تنذكـر

بيت اعجبني لان فيه نوع من الفكاهه وجاء وسط نص حزين
وهذا من الاساليب الجيده

علا العموم صح لسانش ياتناهيد الجنوبيه

وبدايه موفقه

وخلي صدرش شمالي

[أم مشاري]

صح الله لسانش يا تناهيد جنوبيه وسلمت بنانش ..
قصيده طيبه وأكثر بيت اعجبني الي ختمتي به جعلش العافيه..
الله يوفقش يا بنتي ومثل ما قال ابن مخلص خلي صدرش شمالي ..

[بندر العجمي]

صح الله لسانش يا تناهيد جنوبيه




قصيده طيبه والله لايشينك

[عبدالله بن قنيفذ]

هاضني الطاري وسلهمت وطريت=يازمان راح من ضمن الدهر
والبيوت اللي لمعناها قريت=هوجست بي في معاليق وفكر
كنت هادي مستريح ومستبيت=والتناهيد ازعجت موج البحــر

صح لســانش ياتنـــاهيــد ***

تحياتي ,,,

[حمد المخيال]

قصيده رائعه سبق لي وان صافحتها

صح لسانك ياتناهيد

دمتي كما تحبين

[هامات عز]

وإن جفني يشتكي يبغـا المبيـت
وان برواز انكسـاري يحتضـر!!
أشهد ان الحـظ حظـه مستميـت
طر جيبي كيف للشدة صبـر ؟؟؟
ليتني ثم ليتنـي بنـت السبيـت
لادمـوع ولاهمـوم(ن) تنذكـر!

صح الله لسانش يابنت الاجواد .... والحمد لله ما انتي بنت السبيت... والا ماكان جات ذا القصيده.....وجعل افرااحش دايمه...


تقبلي فائق الاحترام والتقدير

[فيصل أل هتلان]

أشهد ان الحـظ حظـه مستميـت
طر جيبي كيف للشدة صبـر



تناهيد جنوبية صح لساانش ابيات جزلة وبمعنى الكلمة



وبنتظار جديدش