مجالس العجمان الرسمي

العودة   مجالس العجمان الرسمي > ~*¤ô ws ô¤*~المجالس الأدبية~*¤ô ws ô¤*~ > مجلس قصائد قيلت في قبيلة العجمان ويام كافة

مجلس قصائد قيلت في قبيلة العجمان ويام كافة يعنى بقصائد التي قيلت في امراء وفرسان واعيان قبيلة العجمان وقبائل يام كافة وذكر مفاخرهم

رد
 
أدوات الموضوع طرق مشاهدة الموضوع
  #1  
قديم 22-05-2007, 10:36 PM
جشم بن يام جشم بن يام غير متصل
 
تاريخ التسجيل: Dec 2006
المشاركات: 7
معدل تقييم المستوى: 0
جشم بن يام is on a distinguished road
قصيده من الشيخ / محمد بن مهدي القحطاني إلى حسين بن أحمد رجب آل مشرف اليامي [155بيت]

بسم الله الرحمن الرحيم

السلام عليكم ورحمة الله وبركاته ..

طحت على هذي القصيده في موقع وقلت انقلها لكم لعلها تحوز على رضاكم مثلما حازت على رضا محدثكم .. هي مدح في حسين ومدح في كافة يام ..


هذا نص القصيده مع مقدمة الشاعر :




إهداء خاص إلى الأخ العزيز
حسين أحمد بن مشرف آل مشرف اليامي
مع الشكر والتقدير

أنا الشيخ / محمد بن مهدي بن زربة من شعراء قحطان ، لقد قمت بزيارة لمدينة نجران وكان حسين بن أحمد بن رجب آل مشرف يذكر ووصلت إلى منزله ومعي الشيخ / محمد حميد جوبان لسلوم واستقبلنا وأكرمنا ... وأقمنا عنده ثلاثة أيام ... ولا جزاء الإحسان إلا الإحسان وأنا أهدي له هذه القصيدة لعلها تحوز على رضاه ورضا الأصدقاء وأهل الشهامة والكرامة.


يالله يا قادر القدرة بمقدوره=يا عالم الغيب كله رب الإنساني
سبحان عز الجلال مصور الصوره=ومكون الكون رب العرش رحماني
رب البشر والشجر واللب وصخوره=اللي لما راد شيء قال كن كاني
اللي كفا نوح سو الموج وخطوره=وعيسى بن مريم نطق في المهد بلساني
وانجيت موسى خطر فرعون وشروره=وأغرقت فرعون وجنوده وهاماني
ورديت يوسف على يعقوب ببشوره=وأرسلت طه محمد نسل عدناني
يرشد هل الدين والكفار محشوره=ومن يتقى الله يلقى روضه جناني
وأمنت باللي رفع موسى على طوره=وبحكمته قد جعل عصاه ثعباني
والمسلم يونسه من وحشة قبوره=ومن طاع ربه لقى جنه وغفراني
أطلبك يالله عسى السيات مغفوره=والحمد والشكر للمعبود سبحاني
من بعدها يا هجوس الشعر وشعوره=غني وهني على المعنى بالإلحاني
ونقي من عذوق ذوق النخل وتموره=والرازقي والعسل مخلوط قيفاني
هاتي غرايب فنون الشعر ودروره=أبكار وخيار من جزلات وسماني
أبيات تبقى مع التاريخ مسموره=تقرى وتحفظ مع الأجيال حسباني
منوه ونوه ومنحوته ومصخوره=عذبات الأبيات وسط القلب تنخاني
بالود والحب والتقدير مسروره=كنها عسل سدر شمعه نوب جرداني
ومن العنق والمكلا يقطف زهوره=صافي مصفى لذيذ منه أسقاني
دق الوتر وأنعش الخاطر ومخطوره=قام يتهنفل بزين الشعر طرباني
والطير يشدو ولاحا جملة طيوره=زغرد بصوته طرب غنا ودنداني
وردد وغرد بذوق الشعر زغروره=عنى بصوته على لدنان الأغصاني
جزلات الأشعار باتعب فيه وأدوره=ما دام له منهج ما هوب يخافاني
وأبنيه لرجال ممدوحه ومشهوره=أهل الحسب والنسب من صلب شجعاني
كسابه المدح والعدوان مقهوره=ذربيين الأفعال جمع طيور حوراني
جمع آل مشرف بعلم الطيب مذكوره=أحرار وخيار عند الضيف والعاني
كسابه المدح والناموس له دوره=دور الكرم والشيم شايب وشباني
كل أبلج قرم من رايه ومن شوره=يرقا برأس الطويل الزامي وباني
بالفن نبني فروع القاف وجذوره=أبني على ساس من تصنيف بنياني
ما دام للشعر نبراس بمدروره=بانظم بها زيج هيض وهز وجداني
هز الهواء الصلف راقي كل مشعوره=روس الرجوم الطويلة باحت أشجاني
دنيت قاف يهول العقل بسطوره=يطرب هل الذوق من ذربين الأيماني
ساسه سبايك ذهب من القلب معصوره=يشبه حليب العرابا قبل حيراني
أجني ثمر ورده الريحان وزهوره= من العيلم اللي تصدر كل عطشاني
من موج بحر لمنه هاج من جوره=ترسي عليه البواخر كل الأحياني
من سلسبيل نشانيش وممطوره=من سد مأرب يسقي كل ضمياني
من شاعر لو يطول القاف دكتوره=وأنا المعالج وأنا دكتور قيفاني
أبني على ساس والقيفان مصهوره=تشبه لصب الذهب في كل ميزاني
في مدح من يستحق المدح ويدوره=قرم يدور الجمايل والوفاء باني
حسين تم الوفاء بالصوت والصوره=على فعول الجدود أكمل بالإحساني
قم يا رسولي على اللي حن ماطوره=ألفين وأثنين والتصميم ياباني
فيكس بالدي ومعها الواي والفوره=بالفور وأيد وتصنيفات بهواني
والفور فائف دبل زيرو على زوره=فل أكترونيك مطلوب على شاني
منصاه راعي الوفاء حسين أخو نوره=حسين بن أحمد للمدح عنواني
ابن مشرف عليه البيض منشوره=من لابه فعلها ينشاف ويباني
وأخوانه اللي بعلم الطيب مذكوره=كل أبلج وقرم شواش وبطراني
عيال من بان علمه وارتفع شوره=من عهد عبد العزيز وجيش الأخواني
الشيخ ابن مشرف قد بان بعصوره=بعصر الأوايل كسب بالمدح برهاني
وأيدينه الطايله ما هي بمقصوره=قرم تمركز مع الأجناب والعاني
في ديرته ينعرف مباه وقصوره=من بين يام الحلال وبين همداني
بن مشرف سعد لضيفانه بميسوره=بروس الطويلات صقر هز جنحاني
وأنجب عفاطير قوم وعز طابوره=سيوف وقوف لها وقع وبرهاني
والطيب ساسه ورأس الطيب مقدروه=قد له على الطيب تقدير وله شاني
وجده من آل مشرف بالتعريف منصوره=قد له على الطيب تقدير وله شاني
وجمع آل مشرف هم رأس الشور وحضوره=من لابه فعلها بنشاف ويباني
وأنتم رجاجيل ممدوحه ومنعوره=معرفه عند حضر وعند بدواني
هل هيت تشبع السرحان ونسوره=كل أبلج لو يمس الهجن وحصاني
نركب على الخيل يوم الحرب وسبوره=من عهد نوح لنا بالمدح نيشاني
وحسين فعايله بالمدح مشهوره=شهم وشجاع وصميدع قرم قوماني
مثل الجبل بين في الخير وشروره=ما ينتزحزح جبل ييماء ونهراني
قاسي وراسي ومنه عداه مكسوره=ميزان الأحساني بيده دوم روياني
يا طيب أبو حمد والمدح دستوره=بالعلم والحلم والناموس شبعاني
ويا طيب أبو حمد والصدق له دوره=والصدق مبدأ تماثيلي والألحاني
ومن طيب فعله يجود الشعر بزغوره=يزغر على البال ذرب وجزل وزياني
قصايد تنعرف ما هي بمنكوره=ما ينكر الصدق مهما كان لو كاني
ومن شاف فعل الوفاء ما غص حنجوره=لازم يقول الحقائق وين ما كاني
وحسين له في الكرم سيرات مشهوره=وبيته بقلب الأثايبة معروف ويباني
وترحيبته من الضمير تيجيك مسروره=ما ينعقد ناضره ليجاه ضيفاني
يعرف من أقصى الديار إلى رأس تنوره=وله بالكرم قصر منصاء قاصي وداني
سعد الضيوف الذي قافيهم غبوره=تبشر بخيل وخرفان وقعداني
ودلال رسلان وسط النار منحوره=والهيل والعود وسط دلال رسلاني
والبن من سوق صعده تم مصدوره=صدر على علب من المنشأ لنجراني
وشراه حسين ولاهم مخسوره=الهيل من الهند وما البن خولاني
وله مركز بالشهامة محكم سوره=على ثلاثين محور رش ويباني
وبيت الشعر في القصر ورافع طوره=بعمال خدام تكرم من نصاء عاني
يكرم به الضيف بغيابه وبحضوره=وضيافته حط فيها أنوار علماني
تشاف من عرق خرب وسنح وقهوره=أنوار يمشي بها التايه لما غاني
ويدل قصر بن مشرف من نظر نوره=وضيافته زارها بدو وحضراني
وحسين وصايفه في الطيب مكثوره=يا مبعده عن فلان وسيرة فلاني
يشبه لحاتم مقدم طي بعصوره=ويشبه سلامة أبو زيد كرماني
والمدح سير أبو حمد لف بسيوره=واللي يجاري حسين يصير تعباني
سباق لحاق والأوفاق مقدوره=لباس تاج الخفر في كل ميداني
يشير ويشار وأيضاً وافي شوره=له بالعلاء رمز والناموس برهاني
وأخوانه كل سنافي طالت شبوره=عضد لبوحمد في كل الأحياني
أحد لربعه كما هداج وغزوره=هداج تيما بماه الكل روياني
وأحد لربعه عماء عين وقذروره=بعيون كل الرفاقة مثل دخاني
وحسين للناس منهل ورد وصدوره=بيت الكرم والشيم ما هوب مناني
سنافي وافي وشافي والكرم دوره=له الكرم يبتسم دائم بالأسناني
ليث وضرغام أسود أن مسك بظفوره=يدمي الضريبة برأس السيف وسناني
ويفداه نصاب كذاب وكندوره=ما شغله إلا النميمية بين عرباني
ومركز حسين عليه البيض منشوره=تنشر لبو حمد وربعه والأخواني
وحسين عداء بحور المدح وجسوره=له بالكرم طبع عالجني وشافاني
والنفس في مدحها الوافين معذوره=أعذر النفس تمدح كل بطراني
والنفس في مدحها الوافين مجبوره=ولا الردي ينقصر من المدح عقاني
ولا نمدح إلا صناديد ومحجوره=محجورة بالصراحة مع هل الشاني
ولا الصعاليك منسية ومخسوره=ومن يبغي الربح منهم صار خسراني
والرعرعه مع هل التزييف محسوره=تغتار من مدح راع الكار ليحاني
وأهل الرياء من الوفاء والطيب مدحوره=لا استقامة لهم في كل الأزماني
أما أنت قد شمت والحساد مدموره=لك بالمعاني مكان بالتمكاني
ولا غيرت طبعك الأيام وشهوره=وذبيت بالطيب روس رجوم ضلعاني
وبيت الشعر زايد شكله بنافوره=وذبيت بالطيب روس رجوم ضلعاني
والبيت معمول فنه رسم ديكوره=ومشب نار بجمر السمر ملياني
والنار وسط المشب وفيه سموره=وضيافته للنشاما عقر الضاني
ورجال عقال وأهل المدح وتدوره=بمجلس شيوخ لفت والنجر رناني
وافين شافين جباره ومستوره=من روس الأخيار من عارف وفهماني
أمجاد وأجواد والحساد محسوره=أهل الشيم للشرف ربع وخلاني
من روس وضروس والجدان مشهوره=سادة وفادة بعرف وطب وإحساني
وحسين سيف صقيل يعجب ظهوره=منه العدو يرتعد ويصيده جناني
يا شوق هيفاء من الخفرات غندوره=بالحسن والزين تشبه مطرق الباني
أم الخدود الذي بالزين قمروره=تخضع لها البيض تقدير وعرفاني
وعيون سود بسهم الموت مسحوره=ورموش كنها جنود وسط ميداني
وقرون شقر على الأمتان منثوره=وبالابتسامة تطم البيض بالعاني
والخصر كالخيزران وقام باكوره=ونهودها اللي كنها تفاح لبناني
ما طالعت لعبت الشطرنج والكوره=ومن التليفزيون ما تنظر للا ألواني
شامت لبو حمد وتغليه مجبوره=بنت الذي ينثني في ردة الشاني
مقطانها في نعام وسنح وجروره=ومن رمله الفاو إلى ما حد نجراني
ومن الثويله إلى خرب وخيوره=ولهم على رمح منزال ومقطاني
مختارتك يالشجاع وفيك مجبوره= يالوافي اللي بفعل الطيب شفقاني
تفداك ناس من الناموس مغروره=ما هي تطول الوفاء مع ذرب الأيماني
ناس صعاليك من طاريك مغيوره=تغتار من مدح من له رمح وسناني
حساده الطيب وأهل الطيب منصوره=ولا نمدح إلا صميدع قرم قوماني
وفعول راعي الوفا ما هي بمحصوره=ما تنتعدد لو دونت ديواني
ومثل أبو حمد حكى التاريخ بسطوره=على الكرم تم فعله والوفاء باني
وحسين يا سعد من ينصاه ويزوره=يبشر بترحيبة ترفع بلإعلاني
وبيته مراد العباد وشيد بسوره=من جاه يبشر بتكريم بصفطاني
وما هوب منان في بيته وخندوره=في خدره يكيل ذنب فلان وفلاني
بيوت الكرم والشيم ماهي بمحقوره=تحقر هل الكيد من تاريخ جداني
صوارم تحتمي بوش ومظهوره=والجمع عز لهم والشت خذلاني
في قلب نجران بان وشيدوا دوره=دور المباني الرفيعة والوفاء باني
حلف مع أهل الكرم من ماضي عصوره=خوه وقوه وصحبان وصدقاني
يام وجارهم يكرم من البوره=وعند الخوى فعلهم ينشاف ويباني
ومن حل معهم يزول الهم بسروره=يستر لو كان مغتاض وزعلاني
وأنتم كسبتو الوفاء من ماضي دهوره=من يوم عاد الدهر يكتم بدخاني
يوم السلب والنهب والحرب وغدوره=وافين والعرض وافي أول وثاني
ظفرين سفرين نور الشور وسفوره=عراف وأشراف من عصر أبن بدراني
وجمع آل مشرف لهم بالخير محضوره=وتصالي الحرب لما شب نيراني
وبن مشرف له بالوفاء سيرات مشهوره=وفي ديرته صار له رمز وعنواني
صقر شهر بالشيم من ماكر صقوره=المنسب آل مشرف جدان وعماني
وجمع آل مشرف طريق الطيب مظهوره=مع الرجال تنشاف وتباني
والمنسب آل مشرف الأصل بجذوره=والأصل ثابت من الشجرة والأغصاني
من لا به في نهار الهوش مشكوره=يام الحلام ولهم فزعة لمن حاني
وسلاحهم بأم تاج وأم حافوره=وأرد أسطنبول يوم الحرب رناني
وتلبس معشر وبالشحنات معشوره=ومن طالب الشر يخضع كل شيطاني
واليوم نلبس كلاش إنكوف أبو دوره=من رقم واحد ومشحون بعماني
وأنتم رجال الوفا ما نقبل البوره=وتجور اللي من العدوان بلشاني
أحفاد الأخيار والسيرات معموره=ومن فعل الاجداد تلبس درع تيجاني
وتاريخها أبيض ولا الحسناء بمنكوره=ومن ينكر الطيب والمعروف جاباني
واليوم حنا تحت حكم آل أخو نوره=فهد العروبة وعبدالله وسلطاني
الأسرة اللي بفعل الجود مذكوره=وفي حكمهم مسلم الذيب سرحاني
حنت هجوس الضمير ولفت بسيوره=في مدح من يستحق المدح باعلاني
أهديه الأشعار مشبوكه ومزروره=تحكي بتاريخ فعل طيور حوراني
أبيات محزومه ما هي بمنثوره=شعر من أقصى الضمير يهز وجداني
قصيدة من سمان الشعر وخيوره=عصماء وتحكي ومعها رأس ولساني
تهدي لبو حمد بالورد وزهوره=بالورد والند والكادي وريحاني
وأطياب كشمير ما لعبت به تجوره=دهن مع ياسمين وعنبر عماني
وسلم ودم يا مدير المدح ويدوره=حسين بن أحمد من صلب شجعاني
وصلوا على من ومره الله بما موره=الهاشمي صفوه قريش وعداني




صح لسان الشاعر ويستاهل ابو حمد
رد مع اقتباس
  #2  
قديم 22-05-2007, 10:48 PM
عبدالله آل عامر عبدالله آل عامر غير متصل
 
تاريخ التسجيل: May 2006
الدولة: Kuwait
المشاركات: 19,948
معدل تقييم المستوى: 37
عبدالله آل عامر is on a distinguished road
رد: قصيده من الشيخ / محمد بن مهدي القحطاني إلى حسين بن أحمد رجب آل مشرف اليامي [155بي

فـي ديرتـه ينـعـرف مبـنـاه وقـصـوره***مـن بيـن يــام الحـلام وبـيـن همدانـي
بن مشـرف سعـد لضيفانـه بميسـوره***بروس الطويـلات صقـر هـز جنحانـي


صح لسان المحلفي ويستاهل اليامي المدح

لاهنت يا وجه يـــام على النقل الوافي

 

التوقيع

 





 
 
رد مع اقتباس
  #3  
قديم 23-05-2007, 01:43 AM
الصورة الرمزية مسعطر
مسعطر مسعطر غير متصل
 
تاريخ التسجيل: Apr 2007
الدولة: صـــــدور الــطـــيـــبـــيــن
المشاركات: 1,049
معدل تقييم المستوى: 18
مسعطر is on a distinguished road
رد: قصيده من الشيخ / محمد بن مهدي القحطاني إلى حسين بن أحمد رجب آل مشرف اليامي [155بي

أشكرك أخي جشم بن يام و صح لسان الشيخ محمد بن مهدي
القحطاني و يستاهل حسين بن أحمد رجب آل مشرف اليامي.

 

التوقيع

 






يكره الصيحات مربي النعم
 
 
رد مع اقتباس
  #4  
قديم 23-05-2007, 02:27 AM
الصورة الرمزية اميرة الرووح
اميرة الرووح اميرة الرووح غير متصل
 
تاريخ التسجيل: May 2007
الدولة: ديرتي العجمان
العمر: 39
المشاركات: 694
معدل تقييم المستوى: 17
اميرة الرووح is on a distinguished road
رد: قصيده من الشيخ / محمد بن مهدي القحطاني إلى حسين بن أحمد رجب آل مشرف اليامي [155بي

يسلمو اخوي خشم بن يااااااااااااام

 

التوقيع

 

 
 
رد مع اقتباس
  #5  
قديم 23-05-2007, 03:12 AM
الصورة الرمزية راكان اليامي
راكان اليامي راكان اليامي غير متصل
إداري مؤسس
 
تاريخ التسجيل: Jan 2005
المشاركات: 9,542
معدل تقييم المستوى: 29
راكان اليامي is on a distinguished road
رد: قصيده من الشيخ / محمد بن مهدي القحطاني إلى حسين بن أحمد رجب آل مشرف اليامي [155بي

ماعلى ابن مهدي زود ويستاهل المدح ابن مشرف

 

التوقيع

 

مادمت بين العذارى صرت معشوقي=ارحب علي الحرام انها من اعماقي
 
 
رد مع اقتباس
  #6  
قديم 23-05-2007, 03:38 AM
الصورة الرمزية محـMـد الـMـري
محـMـد الـMـري محـMـد الـMـري غير متصل
 
تاريخ التسجيل: Mar 2007
الدولة: ذِكــراه
المشاركات: 696
معدل تقييم المستوى: 18
محـMـد الـMـري is on a distinguished road
رد: قصيده من الشيخ / محمد بن مهدي القحطاني إلى حسين بن أحمد رجب آل مشرف اليامي [155بي

صح لسان الشاعر محمد القحطاني

ويستاهل حسين ال مشرف

ولاهنت على النقل ياجشم

 

التوقيع

 

من البارح المغرب وانا مادريبك وين=أجل كيف لو سافرت وابطيت فالسفره
غيابك بدون اسباب يامورّد الخدين=خطير انّه بيومٍ يوردني الحفره
واذا صرت بالحفره ولي عند مثلك دين=ما ديني بقاضينه هل نطاع والوفره
لو انهم مايحتاجون شهادتي "ظفرين"=لكن ماقضى دين الهوى عالمٍ ظفره



born14_2@hotmail.com
 
 
رد مع اقتباس
  #7  
قديم 23-05-2007, 02:40 PM
الصورة الرمزية سعيّد ابوجعشه
سعيّد ابوجعشه سعيّد ابوجعشه غير متصل
 
تاريخ التسجيل: Dec 2006
الدولة: K . S . A
المشاركات: 5,980
معدل تقييم المستوى: 23
سعيّد ابوجعشه is on a distinguished road
رد: قصيده من الشيخ / محمد بن مهدي القحطاني إلى حسين بن أحمد رجب آل مشرف اليامي [155بي

صح لسان الشاعر محمد القحطاني

ويستاهل حسين ال مشرف

ولاهنت على النقل ياجشم

 

التوقيع

 





 
 
رد مع اقتباس
  #8  
قديم 23-05-2007, 08:22 PM
جشم بن يام جشم بن يام غير متصل
 
تاريخ التسجيل: Dec 2006
المشاركات: 7
معدل تقييم المستوى: 0
جشم بن يام is on a distinguished road
رد: قصيده من الشيخ / محمد بن مهدي القحطاني إلى حسين بن أحمد رجب آل مشرف اليامي [155بي

لا هنتو جميع على المرور
وبيض الله وجيهكم

رد مع اقتباس
  #9  
قديم 24-05-2007, 04:32 AM
بندر العجمي بندر العجمي غير متصل
 
تاريخ التسجيل: Apr 2006
المشاركات: 2,680
معدل تقييم المستوى: 20
بندر العجمي is on a distinguished road
رد: قصيده من الشيخ / محمد بن مهدي القحطاني إلى حسين بن أحمد رجب آل مشرف اليامي [155بي

صح لسان الشاعر محمد القحطاني

ويستاهل حسين ال مشرف

ولاهنت على النقل ياجشم

 

التوقيع

 




يالله ياكريم
 
 
رد مع اقتباس
  #10  
قديم 26-05-2007, 07:46 PM
الصورة الرمزية عنـَـاد
عنـَـاد عنـَـاد غير متصل
 
تاريخ التسجيل: Oct 2006
الدولة: ..روس النايفات..
المشاركات: 200
معدل تقييم المستوى: 18
عنـَـاد is on a distinguished road
رد: قصيده من الشيخ / محمد بن مهدي القحطاني إلى حسين بن أحمد رجب آل مشرف اليامي [155بي

لآهان محلف

ولآهان ناقلها

 

التوقيع

 

هوآجيس بقعـآ .. كًل مآقلت آقفـَت جَآت !

 
 
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
عجمان ( الرس ) : العلماء وطلبة العلم الجزء 3 ابومحمد الشامري مجلس أنسـاب قبيلة العجمـــــان 25 05-06-2013 07:34 PM
في بطن الحوت (( محمد العريفي )) بطاح المجلس الإســــلامي 8 16-07-2007 12:09 AM
سيرة ابن اسحاق - الجزء الثاني مسفر مبارك مجلس الدراسات والبحوث العلمية 4 20-04-2007 09:33 PM
سيرة ابن اسحاق - الجزء الثالث مسفر مبارك مجلس الدراسات والبحوث العلمية 6 20-04-2007 09:32 PM

 


الوقت في المنتدى حسب توقيت جرينتش +3 الساعة الآن 07:49 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع