يا مدور الزلات وشفيك مطفوق=بيبان شري موصدات ومغاليق
أصبر تريث شوفني حر مطلوق=قبلك كثير أعداء صاروا مفاريق
قبل التهور قبل لتصير مفروق=أعرسف خصيمك قبل لا دمك إيريق
ربعي ربع راكان آلاد مرزوق=عجمي ولد شامر سليل المرازيق
لي لابةٍ فيني شرايين وعروق=وانا بهم أنصان وسط المعاليق
أهل الكرم والطيب والجود والذوق=نسمة هواهم تجلي عن قلبي الضيق
دخيلهم سالم من الشر والعوق=كنه على روس الجبال الشواهيق
وابن السبيل اللي من الشمس محروق=ينعم بفيهم راحمين ومشافيق
ماهمهم لايم ولا هرج منطوق=ما غرهم مدحٍ وتصفير وتصفيق
صوت النجر والبن بالهيل مدقوق=أكبر شهادة للكرم ختم وتصديق
وسيوفهم وقت الشدايد غدت فوق=صلبة وحدبة ظامياتٍ مباريق
جسم العدو منها غدى شقوق وفتوق=والدم غرق نصلها شر تغريق
يبوق عمره العدو منها بوق=واللي رفعوها بشوفهم ينشف الريق
تسمع صهيل خيولهم شعر ... طاروق=تذري غبرها فالتاةٍ مطاليق
هذي علوم اللي لهم شان مرموق=رضيعهم له شان بين المخاليق
وشلون باللي ساق حتف العدا سوق=حتى بحلمهم بين إيدينه مخانيق
باين عليك الخوف حاير ومزنوق=ضيق كلامي خلقك اليوم تضييق
مايفرق امبينك وبينه أبو طوق=غير الوفا بطبعه عهود ومواثيق
ولا انت في طبعك كما الخف بالنوق=يوم انها تنداس تلين وتليق
أخوكم/ عبدالعزيز الشامري/ مملكة البحرين