بنت مليونير..مصافحة أولى

[محمد بن غريب]

بسم الله الرحمن الرحيم

مصافحه أولى اتمنى ان تحوز على رضاكم

يقووووووووووول

ياصباح الخير ياوجه(ن)يشعشع نـوره = بالسماحه والسعدمشرق وطلق محيا
فيه للصبح إنبلاجه وللأمل به سـوره = فيه للآيات النصروالفوز فـال وضيا
بإبتسامات(ن)يصبح صبحه وبنوره = للفرح بسرور وجهه راضي(ن)مرضيا
كن قسماته لتوفيق البخـت مجـروره = ليبعث الغبطه جبينه يابخت من حيا
القبول والإرتياح بطلته واحضـوره = والسعاده والهنا وأعز وأغلى شيا
يوحي الوجه الصبوحي ناظره بحبوره = بالبها يطغي حظوره حيل وايتفيا
كامل(ن)بالحسن خالقه الله أجمل صوره = كامله ماللحسن فيها مدى ونهيا
تبهر الناظر ونظرتها تهز إشعوره = إهتزاز(ن) بين(ن)ماعاد فيه إغبيا
للمحاجر منظروالأنظار به مجبوره = طي حالي كل ماشفت المحاجر طيا
والهدب لا سلهمت يرسل قذايف ثوره = من تعرض للقذايف كيف يبقا حيا
والخشم سلة إقديمي خنجر(ن)باتوره = في إيد يامي(ن)يوردها عـدم وحميا
والثغر ياخاتم(ن)تفخر به المغروره = بنت مليونيرتلبس خاتم ألماسيا
لبتسم يفضح ثمان اللؤلؤ المصطوره = صف واصغار وسوا ريقه عسل مجنيا
والخدود لها شعاع الشمس فالقاروره = ورد بستان(ن)عليه إحراسه ومحميا
ومقرن الحجان فيه الموت والخطوره = قال عزرائيل ياللي تنظـر إله هنيا
والعواتق برق ليل(ن)داجي(ن)ديجوره = والجدايل ذيل سابق فارس(ن)مسميا
والردوف النابيه زباير(ن)ممطوره = قفر وأمطر فوقها سحب(ن)من الوسميا
والنحر مشتل رياحين(ن)تفوح إعطوره = في شذا بنَّتْ** عبيره للشموم شهيا
أشهد(ن)قلبي مريض(ن)وإنها دكتوره = ليت لي عقد(ن)عليها رسمي(ن)شرعيا

محمد بن غريب الفهادي

1/1/2008

حقوق حفظ القصيدة

http://www.abyat.com/poem.php?uid=16213&id=61005