ضاقت بي الدنيا

[غريب في وطن]

ضـاقـت وفي وجهي تـصـك الشـبابيك = دنـيا علـى ولـد الحـموله ثـقـيله
حــاولـت اجـاري مـشــيها بالتـسالـيك = وازريت اواصل حـملتي بالفضيله
نــســـمع يـقـولـونـه تــصـدك وتـعـطـيك=مـاشـفـت انا من لونها غـير ليله
اووووواه يــــادنـــيـا كـــثـيــره بــلاويــك= زادت علـي حـمـولها فـوق مـيله
يـصـعب على مثلي تسـلـق مـبانـيـك =اللـي علـى جدرانـها انهد حيله
مـانـيـب نـاقـص هم فـوق العنى فــيك= ولانـيـب حالم في قصـور وخميله
ولانـيـب من ربـعـك ولانـيــب شــاريــك = ولانــيــب من يـتبـع دروب الرذيـله
ولانـــيــب من دور ورى قــصــة الشـيك=ولانيب من ربع الـردى والفشيله
حـلـم بـدوي مـــغـمـور ماهوب ناســيك =في دلـتـه مســمـار ويـزيد هـيـله
لاتــذبـحـيـن الــروح لـو كان تشــكـيـك =من يشتكي من ضـيقـته طـال ويله
وان كـان مــابــالحـيـل عــزمٍ يـجــاريــك =نصـيـت انا ذيـبـن ذراعه طـويله
ياحـــزام ابـن حـثـلـين جــيتـك ونـاصيك =وانـخـاك يا نسـل القـروم وسـليله
جـيتـك علـى مـدح البـشـر دوم تـطريك=كلــن يقـول حـزام مـامـن بـديـله
هــداج تـيــما يشــبهـك فـي مــباديـك =واللي مـثـل شرواك يـبـعد مسيله
ورث الــرجــال اللـي عـلـومـه تــدلــيـك =درب المـعالي بـيـن ربـعه وجيله
تـمشي ولا في يـوم خاب الرجى فـيك =سـتـر الضعيف ومـن بغالك تجيله
وقـبـل الـخـتام اطـلبك تسـمـع مـناديك =والعـذر كـان القـول شـايف مـثـيله
مـانـيـب شـاعر جـاك يـمـدح مـعـالـيـك=حدتـنـي الــدنـيـا ولا فــيـه حـيـله
جـيـتـك ضــعـيـف وزابـنـك مــايراعـيــك=حـمـلي ثـقـيـل وانـت كـفـوٍ تـشيله
مــثــلك كــبـيـر ولاتـــوفــي مــعـانــيـك=ابـيـات شـعرٍ صــغـتها بلون شيله

[غريب في وطن]

السلام عليكم ورحمة الله وبركاته
تقبلو تحياتي ومشاركتي الاولى ودمتم سالمين
اخوكم محمد الشمري

[غريب في وطن]

سلام عليكم
ياجماعه خدمه لاهنتو اي واحد يوصلني للشيخ حزام ابن حثلين او عياله
المسأله كبيره ولاتحتمل
وهذا رقمي ارجو من الاداره السماح فيه او حفظه للسؤال
ابي اي احد من ال حثلين وكلكم كفو لكن حاجتي عند رجل معين


محمد بن ضحوي بن دهيمان الشمري 0559199460

[عذاااب]

عليكم السلام ورحمه الله وبركاته

هلا بك اخووي نورت مجلسك .... وان شاء الله الاخوان يفيدوونك

[غريب في وطن]

يا اخوان معقوله محد يعرف الشيخ حزام ابن حثلين وعياله ترا ماقلت هالابيات الا اني طايح في ازمه
ولاطلبت المستحيل رجل مثل هذا علم الف واحد يقدر يوصلني له او يدلني عليه بطريقه او باخرى

[غريب في وطن]

سلام عليكم
اولا احسن الله عزائكم في وفاة الامير سلطان بن عبدالعزيز
وثانيا
مدري يمكن صار فيكم زي ماصار بي انا
اللي قصدته هو الشيخ حزام بن خالد بن راكان من امراء مليجه
واللي صار بي اني رحت لديرته وبالطريق صادفت خمسين حزام الين وصلت ديرته وبالاخير يوم وصلت للديره قالولي هذا ساكن بالرياض ولايجي للديره ولحد يعرف عنوانه او رقم جواله
ارجو التعاون معي يا اخوان فزعه وفضلا ليس آمراً
وانا بحاجه لفزعته من جد في امر مايقدر عليه الا رجلن مثله وشرواه ونعم فيكم كلكم بس الامر خاص شوي

[قمة طويق]

ونعم فيه وفي لآبته ,,,
لكن ياااااخوي نصيحة من اختك
اطلب الله اللي ماخاب رجاه
اطلب اللي خلقك وخلقه
اطلب اللي عنده مفاتيح كل شئ
وارفع نفسك واناااا اختك
ترى لنفسك حق ,,,


ووالله يحقق مرآدك من فوق سابع سماء ,,,
وفالك التوفيق ,,,

[هوآويه]

أخوي محمد ..

أول شي صح لسآآأنــكـ .. وتسلم يمنآأكـ على هالأبيات

ثآأني شي :

أسأل الله العظيـــمـ .. أن يوفق سموكـ فيمآأ ترتجيــه

وأن يبلغكـ منآآأكـ ولآ يجعل عسر في دنيآأكـ الا وسهله

أنا والله مالي خبره ف~ـ اللي طلبت ولكن أبشر بخالص الدعاء في ظهر الغيب

موفق