انهل دمعي فوق خدي وانثر = وقلبي من اللوعه اصبح جريح
من حر مابي انوح واطق الصدر= واصفق بكفي من الحره واصيح
في داخلي يابوي ضيم وقهر = متى ينجلي عني الهم ويزيح
مليت انا يابوي من ظلم البشر = ومليت هرج (ن) كله الغاز (ن) وتلميح
سمعت عاذل(ن) يطريك بشين الخبر=وهذا خطا وارد ويحتاج تصحيح
قال عنك راعي كيف وسهر =قلت لابالله هرجك ماهو صحيح
هذا ابوي ياعساه طويل(ن) بالعمر=مهما حكيت وقلت مايصح الا الصحيح
ابوي ياراعي الوشايا بالخير اشتهر = صافي النيه وفي قوله صريح
في مجلسه تلقى السوالف وسعة الصدر=مع صبة الفنجال وهز المسابيح
ليمنه اقبل هلت الدنيا مطر= ولاغاب صارت كلها عجاج وريح
مهما كتبت وطالت ابيات الشعر=قليل في حقه القصايد والمديح
ماعاش منهو يذله من هالبشر = امسح تراب اللي يمسه بتجريح
بنتك انا يابوي اتحدى الخطر= لو على رقبتي صار ذبح وذبيح
انا اشهد انك لي عز وفخر=ماينحني راسك مادمت حي ولايطيح
واذا كنت مخطي ما اريدك تعتذر= وعن الخطا عسى ربي يبيح
يابوي وهبتك مابقالي من عمر = فدوتك عمري بس اشوفك مستريح
لك عيوني لك فؤادي والنظر = لجلك اموت واندفن تحت الضريح
وياجعلني القاك من بعد القبر=في جنة الفردوس عايش مستريح
24-04-2006, 10:22 PM
العرض العادي
