تصميم شركة سبيس زوون للأستضافة و التصميم و حلول الويب و دعم المواقع

عبيد دعيع القلادي · #1 31-05-2009, 11:51 PM

السلام عليكم ورحمة الله وبركاته

مصافحه اولى

امل ان تحوز على رضا الجميع

البارحه ياسعـود شفـت العنـودي=مـورد الخـديـن قلـبـي يتـلـه
قلادية(ن) بقصى سلايـل جـدودي=عبسية(ن) حازت على الزيـن كلـه
سود المحاجر في بياض الخـدودي=وجمر الغضا من تحت سيف(ن)يسله
شفت البرد في وسط جمـرأ ودودي=لاذاب ثلـج ولا طفـى الجمـر لله
رمش حنون ورمش آخر حقـودي=وراحت حياتي بالرمـوش المظلـه
من شافها قلبـي يغيـب ويعـودي=واخاف مـن يومـا يخلـي محلـه
عذلت قلبـي والمشاعـر تـزودي=وبينت له من بعـض سيـات خلـه
ادعج غنج وعيونه وساع سـودي=وطلة قمر في وسـط شعـرا يفلـه
فيهـا نظـام العولمـه مايسـودي=وفينـا نظـام العولمـه تستغـلـه
لياعرظت قالـو سهـودًا مهـودي=تسقـط عروشاًقبلـهـا مستقـلـه
من شفتها تقرب وتبغـي حـدودي=اعلنت عقـد الحـرب لكـن تحلـه
من شانها جنـدت كـل الجنـودي=وطوقت عـرش القلـب لاتستحلـه
جاني واخذ القلب ظبـي النفـودي=وهديت له مع ساقـت القلـب فلـه