الثقه .. في بعض لاشكال .. يا عيني

[صالح ال كحله]

اهديكمــ ... هذه ...المتواضعه

واتمنى ان تنال اعجابكمــ ..

	يا قبلة الخلق قلبي ليش تلعب به=ما احد ٍ يسوي سواتك يا مشقيني يا لعنبو كل قلب ما حفظ حــبه =لا ابو دمــــوع النفاق اللي تمسيني لا ابو ضمير ٍ ما هو بيخــأف من ربه=لا ابو الثقه في بعض الاشكال يا عيني يا هــاجسي كل هم بالحشى خبـــه=ومن لا يقدر خفوقي كيف يعنيني يا هيه صب اشقر الفنجال لي صبه=اما يداوي الخوى والا يلهويني ويا حرف ولع حريقه والحطب شبه=باحرق بقايا جروح ٍ باقيه فيني ان كان مرسول قلبي ما قضى نبه=ما اني بابن كحله ان ما جيت تدعيني من باعني لا حشى ما امشي على دربه =الله يسهل عليه ولا يخاويني الجرح كيــه بنار البعد هو طبه =ويا فاقد الشي ما انطر منك تعطيني

تقبلوا تحياتي ...

[مهرة النسيان]

ويا حرف ولع حريقه والحطـب شبـه=باحرق بقايـا جـروح ٍ باقيـه فينـي

الله الله

الجرح كيـه بنـار البعـد هـو طبـه=ويا فاقد الشي ما انطر منـك تعطينـي

حكمة هذي


ابداع اخوي صالح ..

ويشررفني مروري على قصائدك ..

كل التحيه والشكر لك ..

[راكان المحفوظي]

من باعني لا حشى ما امشي على دربه***الله يسهـل علـيـه ولا يخاويـنـي

الله الله

صح لسانك يابو علي وبيض الله وجهك على القصيده الجزله

وفي انتظار جديدك

[راشد العتل]

من باعني لا حشى ما امشي على دربه***الله يسهـل علـيـه ولا يخاويـنـي


ابيات جزله من شاعر جزل
صح الله السانك ياصالح ال كحله

ودمت بهذا التميز ان شاء الله

[الملكة]

يا هاجسي كـل هـم بالحشـى خبـه---ومن لا يقدر خفوقـي كيـف يعنينـي
الله الله..صح لسانك مليار يا صالح..
ولا تحرمنا ابداعاتك..

[يوران]

صح الله لسانك اخوي صالح

ولاهنت

[الخليفه]

يا هيه صب اشقر الفنجال لـي صبـه
امـا يـداوي الخـوى والا يلهوينـي

صح لسانك يأبو علي على الابيات الجزله
وبارك الله فيك
ولاهنت يالسنافي

[عـسـاه خـيـر]

صالح ال كحله

صح السانك على هذه القصيده الرائعه.

[بطاح]

الله الله صح لسانك يالذيب ولا هنت ,,



تحياتي لك ؛؛

[صالح ال كحله]

المشاركة الأصلية كتبت بواسطة مهرة النسيان

ويا حرف ولع حريقه والحطـب شبـه=باحرق بقايـا جـروح ٍ باقيـه فينـي

الله الله

الجرح كيـه بنـار البعـد هـو طبـه=ويا فاقد الشي ما انطر منـك تعطينـي

حكمة هذي


ابداع اخوي صالح ..

ويشررفني مروري على قصائدك ..

كل التحيه والشكر لك ..

الرائعه مهرة النسيان

صح ابدنك مرورك العطر اسعدني

والشرف لي الله يحفظكــ

تقبلي تحياتي