مساجله شعريه .......

[معقد الشوش]

هيه ياللي دايم تجيب العلم وترده
والله اني فالمواطي ما بنيت شراعي

الليالي علمتني علمها من مده
قالت الدنيا تجارب والرجال انواعي

يا رفيق الضحكه لسانك تعدى حده
وظني ان بعض السوالف ما لبوها داعي

كانك تحسب ان كلامك هجمة مرتده
والله ان هجمتك ضاعت وان كلامك ضاعي

والجبل ان كان قرون التيوس تهده
فانت تبطي عظم والله ما لويت ذراعي

انت مثل اللي يبي له لطمة في خده
لين يبحث قبل مدخاله عن المطلاعي

ولا انا رجل يموت ولا يبيح سده
وان غفت عينه عن العالم فقلبه واعي

الركاده حطها الله خاتم في يده
واللقافه كبها للي وراها ساعي

الصديق اللي يضد اللي يبيلك ضده
لاتفرط في غلاه ان شانت الاوضاعي

والرفيق اللي معك وده ولا وده
اختصرها ولا تدور من وراه اطماعي

والرفيق اللي يعدك في الشقى وتعده
رفقته تشرى على الدنيا ولا تنباعي

والرفيق اللي ماينفع في الرخاء والشده
رفقته تدفن بقاعٍ ما وراها قاعي

ما اطيب اللي لا بداله في لزومٍ سده
لو ما يلقى في لزومه غير كثر اوجاعي

ويقطع اللي ينعرف خاله ويعرف جده
وكل يومٍ وعلمه اللي خايب يشاعي

وما اخبل اللي حط نفسه شيخٍ ما حدٍ قده
وهو على الدنيا راعي وجده راعي


للشاعر فهد المكودر القحطاني

[راشد العتل]

هذي قصيده لحمد السعيد عن طيره حمدان
طبعا اقتطف كم بيت منها


حمدان ذا حقك ولاني بجايد
الي مثل شرواك عنده حصانه

بلاك فعلن وثقته القصايد
ماهي قصايد عذبتني فلانه

[زبون الجاذيه]

هيه ياللي غرك الحسن واطغاك الجمال
والله ان اموت ما شفت لاوصافك شبيه
لو يسام الحسن والتيه بجنيه وريال
ما بقى فالسوق مثلك ريال ولا جنيه

ضيدان بن قضعان

[معقد الشوش]

هاو اّر يو ياللي برسايلك أبطيت...

وير اّر يو؟ عني.. تراني تجننت
وت از هابن؟ يا عسى ما تناسيت..

تو منث .. غايب عقب ما فيك أدمنت
بيقوز اوف حبك انجليزي تحاكيت..

بليييز تكفى عالج القلب لاهنت..

[الشيخه]

تحاااربت انا والحظ حربن بدون سيوووف
على مطالبن مدرى متى الحظ بيجيبه

التوقيع


وش عاااد وان قيل بنت رجااال ^^^ شيخه واهلها سلااااطيني

[يوران]

هو ما ذكر أن الجفا فيه كسره
للخافق اللي من هوى صاحبه ذاب

يا ماسهر طرفي على حبس عبره
اردها والوجد للدمع جذاب

دمع(ن) حدر جاله على المنع جسره
عظيم وجدي للدمع شرع الباب

يوم وشهر عزاه والعمر مره
والناس واجد لكن الولف غلاب

[فهد بن محسن]

السلام عليكم ,,,, وصباح الخير ,,,,,,,,,,,, تشكرون كل الشكر على اثرءا الموضوع بالمشاركات ,,, ونشكر المستحيله


بيحت لك مكنون قلبي ولاخفت @@ وحتيش لو قلتو فهد صار مجنون


تحياتي لكم

[حبيب]

نار المحبه ولعت في حبيًب=وشوفة وليف الروح كنها المطافي

[أميرة نجد]

يا الله يا اللي تسجد الخلق لرضـاه
0000 يـا وامـر خلقـه لحـج بيـتـه

تفرج لمن سده على الناس ما ابداه
0000 راضى على مقسومك اللي عطيته

من شي يسل الحال والجسم يبـراه
0000 واناس ما يشوفون ان ما شفيتـه

قلت آه وجرحـاه مـن علـى آه
0000 وان حملوني حمل علـى قويتـه

قالوا سفا با الحال ويش اللي اغواه
0000قلت آه ويش المنكر اللي وطيتـه

قالوا جهلت وبان علمـك لمنـاه
0000قلت آه علمى ياما ملا ما كميتـه

قالوا طلبنا لـك مـن الله معافـاه
0000 قلت آه وحدتـه وعفـوه رجيتـه

قالوا ندور لك من البيـض حليـاه
0000 قلت آه لو غيـره يكفـى رميتـه

قالوا تزوج كـود تدلـه وتنسـاه
0000قلت لو خذت اربـع مـا نسيتـه

قالوا نشوفـه عنـد هـذا وهـذاه
0000 قلت آه ما عمر عقب حجر بيتـه

قالـوا عليـل ناقـل داه بــرداه
0000 قلت آه هـراج النمايـم عصيتـه

قالوا كثير شيبك وقلبكـم بعميـاه
0000 قلت آه لو قلبـى غريـر نهيتـه

مطـاوع قلبـي بعجفـاه واقـداه
0000واللي عطى منهـاج درب عطيتـه

يا ناس خلوا كـل وادى ومجـراه
0000 قلتوا كثيـر وقولكـم مـا لقيتـه

[حبيب]

اميره صح السانك على الابيات

[blink]

هبيت هبوب الشمال وبردها شيني= ماتدفي النار لو حنا شمناها

[/blink] ب

يت قديم بس اللحين وقته شمال باره