قصيدة الشمري في الشيخ حمد المخيال والعجمان

[TυrKi]

السلام عليكم ورحمة الله وبركاتة

هذه قصيدة الشاعر مانع حسن الشمري في الشيخ حمد بن عيد المخيال عسى الله يفك عوقه ويقومه سالم معافى ..

يابو فلاح أعّجل مع الدرب وبسـاع=يلزم سفـر نبـي نـزور البواتيـع
خذ أتجاهك زين والجيـب مطـواع=من غربي الباطن شروق المطاليـع
مجهام قبل الشمس تبدي بـالأشعاع=والجو يطرب مـع بـراد الذعاذيـع
نوم الضحى يصاحبي يرّث صـداع=تلقى زبونه يشتكي مـن مواجيـع
به كسترول ودايمن يقضـب القـاع=ماله جدى ياغيـر طـق الأصابيـع
مهو خوي شـرواك لـدرب قطـاع=انا خويـي طـوّع البيـد تطويـع
نبي زيـارة طيّبـن علمـه أنـذاع=شامخ ويابيـن البـروق اللواميـع
حراً على كسب النواميـس طـلاع=خذ المراجل ورث ماهـي بتطبيـع
حمد بن مخيال لـه بالفخـر بـاع=من روس ربع ٍ يكسـرون المداريـع
عجمان ياركبو على الخيـل فـزاع=عدوهـم تكبـر عليـه المهازيـع
يدبل بحق خصومهم وافي الصـاع=يردون ميـدان المخاطـر قواطيـع
كم راس شغموم ٍ ضرب دفّّت القـاع=وعليـه هلّـن صافيـات المداميـع
الوقت يضرس في زمن كله سبـاع=على ظهـور ملاويـات المصاريـع
العاديـات فعولهـن للبشـر شـاع=والخير فوق ظهورهن لـه منافيـع
دوراً بـه القـاوي يقـدّر وينطـاع=وعكسه يجرّع صافي الموت تجريع
اذوادهـم مـا يقربـه كـل طمـاع=ترعى قفر عشب الفياض المرابيـع
حامينهـا برمـاح وحـدود لمـاع=بزين المفالي ما حدتها الضناكيـع
يوم العرب ما بيـن نـازع ونـزاع=وقت ٍ رحل و اقفـا بليـا مراجيـع
بقيادة اللي كاسبـه حـض و ذراع=راكـان بعيـد النظـر والمراميـع
كريم فارس شاعـر ٍ وافـي أطبـاع=أسمه يشجّع روس الأبطال تشجيـع
أزيارته لضيغمـي عقـب مرجـاع=بعد مـا ودّع دار الأتـراك توديـع
يثبت لنا قدر الصداقـه بالأجمـاع=من الله غلا ماهي شروط وتواقيـع