عبدالله علوش..اطلع معى.

[ابن علوش الهاجرى]

السلام عليكم ورحمة الله وبركاته



اول مشاركه اتمنى اتحوز على رضاكم.



أطـلع معـي ننسـج على الواقع حجـاب
نسـج الخيـال مشوّقتني فنــــــــونـه

للشّايب اللي شـاب راسـه ولا شـاب
فكـرن تجدد كل يـومن لحــــونـــــه

سحـــايب أخذي يم أبو ضاري كتــــاب
لاتزعليني لاتهلّين دونـــــــــــــــه

خليل أبو ضاري ضـرا كل مـا طاب
والطّيب لون وزاهي الطّيب لـــــونه

وصّيه يقرا كتبانا عند الاصحـاب


أصحــابنا اللي هرجنـــــا يفهمونــــه

والاّ الخبول اللي رجانا بهم خااب؟
لو يشربونه شرب .. مـــايدركـــــونه

عيّنت قبل ايّاام؟ عـــودن . ومرتــــاب
شفت العصـور الغابره في عيــــــــونه

عصر الفديع .. وموسم حجاب وعقـــــاب
عصـر الخشونه . يتّـــسم بالخشــــــــونه

لاهبت من شوفه . ولاهو بعد هـاب
وردودنا .. تميّزت بالمــــــــرونــــه

قال . ابا اشوف البحر وشلون ينســاب؟
وأبحـــــرت بفكـــــــاري معه في ليـــــونه

قال؟ ابشوف كلاب تلبسلها ثيـــاب؟
جبت اهل هرجن بالقفا .. يقنعـــــــونه

قال؟ ابي صحرا . مابها حبّة تراااب
نصّيته اثلن عارياتن غصــــــــونـــــــــه

قال؟ ابي ذيبن منكسـر منّه النــــاب
قلتله .. رجلن عزوته؟ يكـــــــرهـــــــونه

قال ابشوف اللي لياعاب؟ ماعاااب
قلتله رجلن .. ربعـــــــه ايقدّرونـــــــه

قال؟ ابشوف اللي تفتّحله ابواااب
وصّفـــــته اللي كل . بنكن زبــــــــونه

قال؟ ابي غضنن مرتوي .. مابه اعنــــاب
واشّرت للي لقمتــــــــه في سنـــــــــونه

قال ابي مخـــــلابن على كف مغــــلاب
قلتله ذاللي يقصر الهرج دونــــــــــــــــه

قال ابي محبوبن جلس ماله احبااااااب؟.
قلتله رجلن كاثرات ديـــــــــــــــــــونه

قال ابي نشبه؟ هاتلي نشبة انشـــــــاب؟
جبتله رجّالن لســـــــــالنه يخــــــــــــونه

قال ابغا وشمعنى زعل ماله اسباااااااب؟
قلت البشر معنى الزعل يجهـــــــــــــــلونه

قال ابي قلبن ينصحونه ولا تاااب؟
قلتله ذا قلبي ولا تنصــــــحونـــــــــه

قال ابغا اودّعكم مع النجم لاغاااااب
قلت الوداع فراااق .... مايرغبونــــــــه

ذاب الكرا . والحلم . في ذايبه؟ ذاااب
حلمن عن الواقع ... صرخ في رعــــــــــونه

سحايب اخذيله وجيبي ليا جاااب
اخذيله مزوني وهاتي مـــــــــــــزونــــــــــــه

( وسلاااااا متكم )

[albowardi]

يا الهاجري

صح لسانك

مبدع واتمنى اقرأ لك المزيد

لا تحرمنا من جديدك

أخوك

البواردي

[الغروب]

ابن علوش الهاجري

صح لسانك على هذه الابيات

شكري .

[جـراح]

صح السان عبدالله علوش

وصح كلّك يالهاجري

اختيار منتاز

[فهد ال مفرح الضاعني]

لا هنت ومشكور على الاختيار وصح السان ابن علوش وتقبل مروري

[ابن علوش الهاجرى]

البواردى

مرحبابك ومسهلا

واشكرك على المرور الجميل


وتقبل تحيااااااااتى....

[ابن علوش الهاجرى]

الغروب

مرحبابك ومسهلا

وتقبلى تحيااااااااااتى...

[ابن علوش الهاجرى]

جراح

مرحبابك ومسهلاااا

واشكرك على المرور

وتقبل تحيااااااااتى...

[ابن علوش الهاجرى]

فهد الضاعنى

مرحبابك ومسهلاااا

واشكرك على المرور


وتقبل تحيااااااااتى....