مجالس العجمان الرسمي

العودة   مجالس العجمان الرسمي > ~*¤ô ws ô¤*~المجالس الأدبية~*¤ô ws ô¤*~ > مجلس الشعر النبطي

رد
 
أدوات الموضوع طرق مشاهدة الموضوع
  #11  
قديم 26-08-2010, 09:54 PM
الصورة الرمزية راكان اليامي
راكان اليامي راكان اليامي غير متصل
إداري مؤسس
 
تاريخ التسجيل: Jan 2005
المشاركات: 9,542
معدل تقييم المستوى: 29
راكان اليامي is on a distinguished road
رد: رد ابن الذيب على الشبرمي ( كامل اكثر من 30 دقيقة والحجم اقل من 5 ميقا )

يا طرطور هذي كلمة اختك لمنك جيت
تدوّر نسب جدّك والاعراق دسّاسه

تسموى بإسم جدّك وفاخر اذا سمويت
وهب من لدن نفسك لنفسك تحرّاسه

بطون الحراير تنجب الصامل الزنتيت
وبطن الخضيريه خضيري وقبّاسه

وانا مجمّل بخالي وأبي فيه ما عقيّت
لكن حادي العيس يتوكّد من أعياسه

دعس لحيتك غير شرّمك وانت لو ضجّيت
وش مزعلك لا صار ساسك مثل ساسه

نتفها وركك بك على البيضا و ركيّت
وصدم بك على سلمى وكرفسك كرفاسه

وذالحين تفتل شاربك وانت ما استنقيت
تغنّي من المنكوس ما جاز من كاسه

كفوني هل الخير بفضايحك وانت اكفيت
بعار ٍ يحرم الجفن من لذة انعاسه

وشيوخ الضراط الي بلا عز لو ضحيت
بعمرك لها ما اغنتك والداسه الداسه

على الامبي سي والا على شاشة الاوربيت
ترز العلم غير يتنكّس تنكّاسه

هوس اصلها ينحى بها مثل ما نحيّت
وهي قبل عقدة الاصل فيها تهوّاسه

لك الحمد يا ربي على كل ما اوتيت
ولك الشكر وجداده على اثر درّاسه

ولك الفضل في نفعي وصبري اذا انضرّيت
ولا العين دمّاعه .. ولا الكبد حمّاسه

ودخيلك من اكل السحت ومرافق السحيّت
وجهل المره .. والبزر لا زاد غلاّسه

فقير بدون ارضاك لو إنّي استغنيت
بأمرك خضار العود والا تيبّاسه

أيمم لك بوجهي ليممت وإن صليّت
فأنا عبدك الي خاضعات ٍ لك أحواسه

لو أن المسيحي في الكنسية الا عدّيت
صلاتي يعارضني بترتيل قداسه

يا عبد الله ابن غراب طال الرجى وابديت
ما كنّيت يوم القلب فكّيت متراسه

أبرّك بسمع الشور وان كان ما برّيت
غلاك وغلا سالم شقى الوقت ما حاسه

كُما الشاهقات اشوف مذراك لا ذرّيت
ولكن راس الضلع ما حب ندّاسه

تقاعست عن غزو المعادين لين إغزيت
لكن عنترة ماهو يضرّه تقيعاسه

يا ريح الشمال البارحة ساع ما هبّيت
نطحت الشمال واخذت منك تنفّاسه

وتمثنيتك براس ٍ عصامي وبك ما اثنيت
عزم شاعر ٍ لو طاح ما قلت لك واسه

هذي جرّتي في غارب الضلع لا ذبّيت
مثل جرّتي يوم ادهل البر وأطعاسه

وانا يا أعيش وهيبتي وين ما لقّيت
بها وجهي تشرّف مقامي ومجلاسه

أو ابيعها بيع الكحيلا وضيف البيت
بعد سد مأرب فاض وإنهد محباسه

وبعد ما الله اوحى لي من الشعر واستوحيت
اهندسه وانا مرهين في تهنداسه

لكن عن يا مارد هل الشعر لا غنيت
بعد ثوّر البارود واشتد مقباسه

اسري من جزال القوافي اذا سرّيت
ما يغنيك عن طول الكلام وتكدّاسه

على نحتها تسلم اناملك يالنحيّت
سبايك ذهب ماهي بقصدير وانحاسه

على قافية كم بيت سويت لك "كومبيت"
وغنّت بها فرقة سميره وأبو ماسه

على جرّتي تبّاعتي وين ما قفّيت
تقلّد علي والدرب يا طول مرواسه

وانا تجربة شاعر ماني بتجربة تصويت
وعلى فعل ماهو حبر في ظهر كرّاسه

لو ان الشعر صورة مجلّه وكم كاسيت
كبر قدر أبو نواس فعيون نوّاسه

يا راغب علامة زين صوتك ليا شلّيت
وهزّيت وسطك بين طنجة وأبو فاسه

ترا محمد السادس برستيج وآتيكيت
لو اعطاك من كسكسه ما اشبعك كسكاسه

لكن يا مدوّر للفضايح تراك اوديت
بنفسك ببحر ما سلم منه غطّاسه

لا ردّت على الورعان والشفط والتفليت
هذي شغلتك واسمع ولا فيه دلاّسه

فضيحتك في كل المحاكم يذا الهلفيت
تخليك راسك تحت والنفس حوّاسه

هذي الاوله والثانيه فيك كيت وكيت
أسولف بصوت ٍ جهر والا تهمّاسه ؟

متون الرجال تشل ما لا بعد شلّيت
وبيوت الشرف تكرم من اهل التدنّاسه

معاك الحرارة ترتفع وانت لا احتريت
يلين العظم عندك ويوجعك مسّاسه

علاجك طبيعي رابي ٍ به وبه ربّيت
طقوسه خصوصيّة ولا تجهل أطقاسه

تسلقى الا سلقوك وإنكب لا إنكبّيت
ونفذ الاوامر دام للدقن حلاّسه

تدور على العزّه ولكن ما اعتزّيت
معزّبك مثلك والرمس شف ترمّاسه

يلقّمك مصاصه وترضيك لا مصّيت
ويلحّسك من زبده ولا اشبعك لحّاسه

يهزّك بباكورة والا شافك انهزّيت
تمايس بك وعودك يناسب تميّاسه

موصّينك ابروا منك لكنك ما استبريت
وهذي شيخة الخايس يبلّشك بخياسه

تفلفــس لكن ما جبت علم ٍ ولا ودّيت
وبه فرق بين الفلسفة والـ تفلفــاسه

لو ان منته بكفو لقدّي ليا قدّيت
علي ذبحتك وإدية دمك كحل عنّاسه

و"عيدة" و"ريميّه" عليهم لو استعليت
وصلن لمواصيلك ولا لك تنوماسه

غطاويهن اشرف من شماغك ليا رزّيت
يا وصخ الفعول الي نظافته في لباسه

وانا اهل قطر مني وانا منهم اشتقّيت
فروسيتي واصغر هل الدار فرّاسه

حمد بن خليفة بن عطيّه عليه اخزيت
وهو شاربه يكرم من الهرج وادناسه

تحسب الجبل بيخرّ مثلك ليا خرّيت
تهطلس ومثلك ما يهزّه تهطلاسه

هذا بن عطيّه والعطيّه ليا ضلّيت
طريقك يخزمونك وشفّتك مخراسه

لكن لا تقاوي كف تتعبك لا قاويت
وخلّك على مزمارة العبد في اعراسه

وانا غبت واليا غبت بتموت ما سدّيت
مكاني لكْنْ خذ لك مثل واغلق ابواسه

سقى الله فترة حكم صدّام يا تكريت
قبل ما يجي للمالكي ذكر ورياسه

كتب روميو قصة غرامة معا جوليت
ولا احدن توطّس في بطنها توطّاسه

قصصهم تغنّى في مسارح هل الاوبريت
رغم انف ابو شمّه وثومه وبسباسه

وانا اقول عندي لغز وان كان له حلّيت
على اطليق بآشلك واحطك على راسه

وش الي ماهو بيسمع مناداك لا ناديت
بعينه كحل بكري وبالخشم فنطاسه

تشوفه مال احجاج لو كان ما حجّيت
ويسولف به التكساسي الي بتكساسه

أبيه صلبي وأمّه عريبه وهو سكّيت
صباحه ضباب وليله تهاب خرماسه

إذا طاب حظّك قول يالله بالتثبيت
ومن شر وسواسه ومن شر خنّاسه

ترا الشات لهل الشات والنت للنتيت
وأبو تكسي الله يرزقه حسب تكّاسه

عيال النخاسيّه لو تكن ما كنيّت
أبيهم ولد نخّاس من بطن نخّاسه

أذر التراب بوجهها كل ما ذرّيت
والأفواه كحّاحه والأخشام عطّاسه

وقصار اليدين الي تراعد ليا حنّيت
يجسّون نبضي وتعبوا ما حدن جاسه

من يذمّني من طيب راسي يجيله صيت
وياكثرهم ..وأكثرهم اهل التدنفاسه

أذوّقهم المرّه وأنشقّهم الحلتيت
ومن فضل الولي مافيه خوف وتوجّاسه

لكن الشبور طوال واقصار وانت اعليت
يكفّيك شوف الصيرمي عن تلمّاسه

ياكم واحدٍ يعرض علي كل ما مرّيت
خذاه الحماس وصار عنده تحمّاسه

بغيت انزل لقدره وحاولت غير ازريت
مثل ما بغى يطلع علي وانثنى باسه

على الهينه لا حدّني مثلها عييت
ثلاثيّة اسمي عرّبتني عن أسداسه

لو أن الأماني بتّحقق ليا منّيت
بدال الكلام الي تصفّون بأطراسه

يحول علي منكم من يهد لا هدّيت
ويبين الشجاع بركض خيله ومفراسه

نعرف التفلاّته من مصافخ الفلّيت
ونعرف الذليل يضيق حتى من إلباسه

أغض النظر وأصد من قو لا صدّيت
الا صاروا العدوان رعيان وإبساسه

ولو ان كل بعوضه عليها نطش فليت
غدت شركة البفباف بأرباح داماسه

يقولون وش نوّيت ؟ وأقول وش نوّيت؟
ياكبر القدر لكن يا صغر ملاّسه

إلين إستوت في راسي الصلت ثم وطّيت
على طارفة بشت ٍ على متن عرماسه

كذا ومّقت بإسم الحكومة علي مقّيت
إذا توطّيت به روس ٍ على الروس مرياسه

وإذا قامت الرعيان بإسم الشيوخ تهيت
قلبنا الحكم والا عطيناه ميّاسه

يا متن الحكم لا ياقع البشت لا استرخيت
على صعب ملباسه على هون مخلاسه

اذا جابت الساسه لي القاز والكبريت
علي شبّها وأول ضحيّه هم الساسه

ياشيخ الدراهم والله إنّك علي أهديت
هديّة عمر ..وأنا اتضرّس تضرّاسه

إذا إندسّوا الشيخان منّي فلا إندسّيت
يموت الذليل وما يفيده تدسّاسه

سلامي علي لا ذلّوا القوم ما ذلّيت
أوقف لها والبن ينضْجْه محماسه

إي بالله بأدوس الجمر وإن دست ما سمّيت
يطيح المطر ويطرّش البدو عسّاسه

بني عمّي أقرب من حزامي ليا ونّيت
وخوالي شنار الحرب لا دقّت أجراسه

من عيال راشد عزم أبو زيد لا همّيت
ومن عيال ابن جِرْبان سطوة تجفّاسه

لكن فزعتي بالله ..وبالله والا حِدّيت
تحيزمت بالي يقدح النار مقباسه

ياشيخ البلاستيشن من الراس لين "الفيت"
تبيها دبل كيك أو تبيها تقوّاسه؟

إذا الشيخ جلاّسه قليل أصل وإسريبيت
في سلم العرب قدره مثل قدر جلاّسه

شيوخ النوادي والبيبي فوت والشوكليت
رعاة الردى ومعزّبة كل بلاّسـه

ما شالله عليها تكشخ ودمّها شربيت
تبرّا وهي خلف الكواليس كلاّسه

لكن ذرقها ينشاف حتى على السلفيت
درينا بها واحنا من الضيم شرّاسه

بزارين عام ألفين تقنص سباع الهيت
يحسبون مقناص الضواري توّناسه

"قصير العمر" ردّي عليك أنت لا ردّيت
أبا احط راسي عند راسك مهوب راسه

من الله علي أزكى مكارمه لو زلّيت
عسى الكسر ما يجبر ولو طال جبّاسه

ما سبّيت مسلم في حياتي ..والا سبّيت
أسب الكبير الي له الروس منداسه

ولا المدح يرفعني ولا الذم لا ذِمّيت
يكدّر علي وفعول أبو فاس من فاسه

حصان التحدي لا تجيبه مع الخرتيت
لهوب ماخذن سيفه ولا ماخذن كاسه

لو أسرجت من شرد الأصايل ولو عنّيت
أصيله مثل بنت العبيّا وكرداسه

هل الحرب وامراسه على فوق ما هقويت
لا وش عرّف الرعيان بالحرب وامراسه

ياشيخ القرانيس الرخيصه لو انك اقديت
ما خلّيت صقّارك يغامر بقرناسه

تهدّه ويفشل كل مره ليا هدّيت
عليمي قنص والطير ما صفّت أمواسه

وأنا ريشتي ريشة قطامي والا هوّيت
أحول بها من عالي الجو روّاسه

لكن ريشة الطاووس ومن وين ما لدّيت
عيونك لها من كل الألوان طوّاسه

يا "بُرْمان" طيرك ويش ضوّى ووش ضوّيت
ترى العام ضوّى داب ..واليوم دمّاسه

وياشيخ الردى وش عاد فرقك عن البنّيت
نظر عينك لرجليك وعلومك دساسه

نلبّسك بشت وكل ما سرت به هفّيت
هذي مشكلة من يلبس البشت ما قاسه

يازينك بثوب النوم والـ "جنز" والـ"جاكيت"
والأخصان مخضرّه والأرياح كوّاسه

تقلّد "تميم" ومنت مثله ولو حطّيت
على وجهك الأسود من النور كبّاسه

نعالجك يالساحر بسحرك عساك إشفيت
نبيع السمك لك والسمك وسط مغطاسه

لا وصّيت وص الصامل الكفو لا وصّيت
على شان تعرف وش مقاسي ومقياسه

يكبّر لك المانشيت ويصغّر المانشيت
ولا فيه بيت ٍ يجلب الفكر هجراسه

تحسب انه بيرفعك بالضحك والتنكيت
لكنّه تحت الأقدام خلاّك دوّاسه

حذف بك بحقل اللغم واللغم ديناميت
وتدبّست ..وانته منت قد التدبّاسه

على الهرش كم سكّين يا مدوره سنّيت
قبل يدحمك جنبه وياكلك بأضراسه

طبيعي ..طبيعي يوم غنّيت ماني بتيت
أنا ألأشوس الي ما جهلتوا تشوّاسه

على كل درب ٍ وعر سقت القدم وأحفيت
سماريّها ووجوه الأيام عبّاسه

سنا وجهي أبيض من سحابك ليا شتّيت
قبل ما الخماسين يغدي له تخمّاسه

وشيوخ ٍ عدى "حمدان" ما أعتد لا اعتديت
في البر تطعيسه وفي الطين ميّاسه

لا نافست نافس " كلب حمران" و"ام بشيت"
وبسبس على ناس ٍ تحب التبسباسه

مكينتك يالبيجو لو إتركّب بوانيت
تبا تبرد وتحتر من قوّة إرفاسه

في الأرقام نمبر ون قدّام نمبر إيت
كلاسه فرست وكل واحد له كلاسه

إذا مدّ مد الجزل والا انت لا مدّيت
كراتين كمّثرى ..وكرتون أناناسه

يا "حمدان" خاف الله في الناس وش سويت؟
نجاحك مسبب لأكثر الناس هلواسه

خلقته يارب بكف تعطي اذا ما شيت(شئت)
وفرقته على كف ٍ من الزور غمّاسه

شيوخ الـ "بجي" ما تحسد إلا شيوخ الـ "سيت"
لا شافت صورها في المرايات عكّاسه

يموت الشويخ شويخ لأن البويت بويت
ولا من ورى وجه النحس غير نحّاسه

اقوله بقلب ٍ من حديده وراس إسميت
لو اني ورا الباب وعيوني لمتراسه

وكفوف الضعيف الي من مصافحه عفّيت
تعيّن لها من شرذمة الارض بوّاسه

لو اني بخاوي من هل الارض ما خاويت
ياكود الفلاسي مفني المال بأكياسه

تشوش الفلاسيّه لذكره ليا طرّيت
فلاسي فعول ويجذب بمجده إفلاسه

ومشايخ "أبو قرشين" وشيوخ "يا بالفيت"
هرم من قزّاز وصورة فوق قرطاسه

أراضيهم بعز ومعزّه الا راضيت
وأزعلّهم بهوش ٍ كلا الجمع عبّاسه

ضحى والعيون تشوف ماهوب تحت الليت
وسط ليل ٍ إتضيع الثريا بدلقاسه

لو أن العداوة في يدي كان ما عاديت
سوى واحد ٍ ما يخطي النحر مقواسه

لا تزعل على العبدين "يالزير" يوم أضحيت
ترا الغدر عاده حي لو مات جسّاسه

والا كثروا النقّاد وإستانس الشمّيت
قرينا على الشيطان ويموت وسواسه

والا من ذكرت "سحيم" جرّيت لي تنهيت
على شان عصر ٍ يجذب العين نبراسه

قبل ما نعرفه الكره وسياسة التشتيت
وأكّالة الميته ..وشرّابة الكاسـه

عوى الذيب وكلاب الخلا بأطرف السبريت
تهج الغنم وحمارها له ترفّاسه

هل الإنقلابيّه "يبو ذيل" لو خصيّت
اهل مكه ابخص منك في الشعب وإغراسه

هبا شاربك لو كان من ديرتك هِبِّيت
في مزبالة التاريخ من دون كنّاسه

بعضهم قضى نحبه من الظلم والتبهيت
وبعضهم الى ذالحين في السجن مطفاسه

وبعضهم من الدوحه ليا جدّه ترانزيت
ما كن الوطن هذا من المهد مغراسه

يبو مشعل المطنوخ ليتك بعد ما أعفيت
يعم العفو ..وأفواه الأنذال خرّاسه

تقولون لا تبلى بحكيك لو إنك إبْليت
وراكم ما قلتوا ويش طرّاه من ساسه؟

يا دستورنا شالفايده منك يوم ألفيت
لا ذالحين وأوضاع البلد شبه منحاسه

أنا عندي أفضل من وجودك لو إنك أُلغيت
لأن كلمة الدستور للشعب حمّاسه

ولنّك خذيت من المواطن ولا بقّيت
ولا عاد ميّز بين راسه وكرياسه

تذكّر وجيه الشعب في اول سنه طلّيت
وحن واقفين وكل واحد معه ياسه

طمعنا تداوي كل جرح ٍ ولا داويت
وذالحين لو تلمسه يا جرح تلماسه

طموحاتنا ما تقبل الكسر والتفتيت
وشعاراتنا قدّام لا للتنكّاسه

واذا افتر ذعذاع الهوى غرب وافتريت
سلامي سلام ٍ يدحم القوم باشراسه

على سنّة محمّد وصحبه وآل البيت
ولا فيه تهويدة ولا فيه مجّاسه

على كل "غفراني" بنصّيه لا نصيّت
سلام ٍ سياسي جايز ٍ لي تسيّاسه

يقولون وش معنى الولا قلت لا سجّيت
من اسمك ولا سجّيت من دارك وناسه

يا رخص الولا لا صار راتب وثوب وبيت
وجب صورتين وبصّم إيدك ودبّاسه

وعهود الفقير الي مثل قطعة الموكيت
ما دامه غني أو ضاعها لحظة إفلاسه

مهيب مثل عهدي يوم عاهدت به وأوفيت
لو الوقت ما يرحم والأيام هوّاسه

يا لبّاسة الجوخ الأميري حسب ما ريت
ترو الجوخ ما يصلح على غير لبّاسه

انا الي ولائي ما يزعزع الا واليت
قبل ما الجناسي يفتحون التجنّاسه

أقوله وأبو مشعل على الظن لا ظنّيت
يعرف الطهور ويعرف اهل التنجّاسه

فأنا راشد ابن الذيب عمره معه وافنيت
مقامي معه والبعد يا طول مرماسه

سلامي على "الوجبه" وقصره سويت سويت
سلام الوفى والعز من ساسه لساسه

أقدّره وأقدّر سموّه ..ولو شحّيت
على نفسي إبفيّته والا تشمّاسه

قصر يحسبون إحسابه الصين والسوفيت
وقصر ما وراه الا كلابه وحرّاسه

بعد يالسحاب الي تجمّعت لين أسقيت
جذوع النخيل الي من العام يبّاسه

على جاسم أكثر من سلامي عساه وليت
سلام ٍ حريره ينفرش قبل سنداسه

تعذ ّر وعذره سر نفسي وانا إنسرّيت
ولا هي بغريبة كثّر الله من أجناسه

هجوس الضماير في الضماير الا دكّيت
دكيك الحيام الي على العد حيّاسه

لا تخليبي من القاع ود اطير بك لا اخليت
ترا الشعر له واهس ويتعبك وهّاسه

يلومون شاعر يصرف إحساسه النعّيت
على مدح ناس ٍ قدّروا صادق إحساسه

وينسون من يصرف حلال البلد ويبيت
وأهلها من الفقر ومن الدين محتاسه

تظللت من شمس الصحاري وكم ظلّيت
ضعيف ٍ كلته الشمس من دون شمّاسه

أحيي بشوفه ويتبهلل ليا حييت
لو أني معومس ما يشوف التعوماسه

لوجه الله اصخي واجزل المد له لأصخيت
وإذا من أبو طفسه على الناس بأطفاسه

وعن المكرمي ورجال يام وقنا الحفّيت
أرد البرا وأروص وألعن محد راسه

حن آخر قبيلة والت معزّي بتثبيت
وكثير القبايل يا رعايا يا محراسه

إلين إعتزى يا يام يا خير من ناجيت
وعدينا مثل سيل ٍ كلا القاع مطماسه

نحنّي عواتق خيلنا دم لا حنّيت
يد "إمك" بحنّا عرس خازمك عرّاسه

كتبنا العهد بالسيف يوم الطعون تميت
ما نعطيه من ذلّه ولا نلعن إخساسه

حن اهل السماته دام شيخ البلد سمّيت
والا من تغطرس نغلبه بالتغطراسه

لكن عضـّتك يا"كلب ابو قرش" لا عضّيت
ما توجع لكن السبع يوجع تفرّاسه

سلامي على قصر اليمامه إلى ثنّيت
سلام ٍ يطفّي شعلة النار نسناسه

بلاد الملوك الي تشرّف الا سمّيت
هل الاجرب الي يقطع الراس بإعماسه

يا أهل الخليج الي من عمان لى الكويت
كلام ٍ يذب الريع والروس نكّاسه

بلا حكمهم قفّى عليكم أبو عكريت
غديتو عبيد ٍ بين أبوجا وكنساسه

لكن قصر "حاكم نجد" لا من دعاني جيت
مجي الرجال بعز راسي ونوماسه

اذا جيت قصر العزّه أدخل من أيّت "قيت"
وغيري ورا السور يتملحس تملحاسه

أخو نوره العنتيت جيته وأنا عنتيت
ولا اهتز متني والمواضيع حسّاسه

الا من بغى الرجّال تلفن له "إستيريت"
ما طرّش على "إجزم" ولا ابو تمقراسه

وانا مومن لا اخطيت في شي ..قلت اخطيت
لأن التعامل فن والحكمة إدراسه

منيب من مشى بالحمل خطوة وقال اعييت
أشل الحمل والناس بالناس بخّاسه

ورغم فارق التشبيه يا فارق التوقيت
ياطيب الشعر بين إستعارته وأجناسه

و"زايد نبي" لو ما تنبّيت به وأنبيت
ولا زلت اقول إنّه نبي حكم وإسياسه

وبه ناس مخلوقين من حقل "غاز" و"زيت"
وهو منخلق من عز والا من ألماسه

لو تصيح يا زايد نبي فزعتك ..لِبّيت
ترا فزعته حيّه ولو غابت أرماسه

وأنا اقول ناد وشرط يوحيك لا ناديت
يمثّله أبو خالد وأهله وبني ياسه

هو آخر بن آدم حي داخل جسده الميت
ما زال يتواجد بين قبره ومجلاسه

عيال الرخوم تموت بأيّة تواليت
وعياله حداهم بالسمى يلفض أنفاسه

ومن رماح للخمره لحدّرت أو علّيت
سلام ٍ نسجه الفخر والمجد ملباسه

على سبيع بالصوت المجلجل مهب بصويت
الى من نبس كلمه ما يوصلك نبّاسه

أسوقه لأبو فارس وأسقيّه لا سقّيت
من الورد وأخماسي تقدمه لأخماسه

يا ناصر لو أن الضلع يهتز ما اهتزّيت
"أبو ذيل" مهباسك مهب مثل مهباسه

يدفّونه ويرجع قري وانت ما دفّيت
على سكّة الامجاد خطوتك قيّاسه

تدرّس تلاميذك من الشعر لين أصبيت
بهم عن مناهج من فشل في تدرّاسه

يا كثر النجوم الي تضيّع ليا دلّيت
لكن للجدي مثل الثريّا تريّاسه

وضعيف البخت لو كان حظّه ماهو ببخيت
معه فطنته ومقرّد البدو كيّاسه

الا زاد سعر الين أو قل ما اهتميت
يا صرّافة الدولار كم تطلع أفلاسه؟

أبيع الـ "تميمه" وأشتري ماركت كاريت
وأديداس ماني من مشجعة أديداسه

لكن يا "قصير العمر" عذراً اذا ما ابطيت
حبست الردى في الصدر وأزعلت حبّاسه

تعرّض على الحلاّق دقنك بعد ما أُغويت
ومسك دقنك الحلاّق وإشتغلت أمواسه

تداوس معا ضلع المكارم والا كلّيت
ترا منت بأول شخص يتعبه دوّاسه

إذا كوّتت راسك زقارة من الباكيت
أنا راسي إمن العود الأزرق تكوّاسه

لكن خلّها بإذنك ليا اصبحت وإلا امسيت
ضعيف الجدا (**) بقره وانت محواسه

لك الله لو تزرع جذوره ورا تكريت
جهيل الاصل ما يجهل المجتمع ساسه

في تربة قطر بعض النباتات يالنبّيت
ما تزرع فلا تتعب على الزرع غرّاسه

وشيوخ الردى مالله عطاها مقام وصيت
من الجهل تبغي تسكب البحر في الطاسه

أبو قرش و الدجّال و الكلب والعفريت
تراها معا شاعر عرب يام محتاسه

لكن مربض الارنب قريب ٍ على الشوّيت
وأهلها مقيمين ٍ ولا به تحسّاسه

مية بيت تردفها مية بيت يو أحميت
تتابع ورا خمسين قبّا وضرّاسه

على طولها ما دست منها سوى كم بيت
على شان حبكة بيت يغريك مدعاسه

يا عدّادها شمّر يدينك ليا عدّيت
كتاب المؤلف ما يضيّعك فهراسه

لو ان ذيب ما طلّق علي كان ما استكفيت
تجاوزت ألفية إبن مالك براسه

هل الحكي تتعبنا بكثر الحكي يا بخيت
وحن بالفعل نتعب هل الدرع والطاسه

 

التوقيع

 

مادمت بين العذارى صرت معشوقي=ارحب علي الحرام انها من اعماقي
 
 
رد مع اقتباس
  #12  
قديم 27-08-2010, 03:12 AM
الصورة الرمزية عرجاني2
عرجاني2 عرجاني2 غير متصل
 
تاريخ التسجيل: Aug 2010
المشاركات: 300
معدل تقييم المستوى: 14
عرجاني2 is on a distinguished road
رد: رد ابن الذيب على الشبرمي ( كامل اكثر من 30 دقيقة والحجم اقل من 5 ميقا )

مشاااااااااااااكل ماوراها الا الذنوب

 

التوقيع

 

 
 
رد مع اقتباس
  #13  
قديم 27-08-2010, 04:19 AM
الصورة الرمزية فزت فيها
فزت فيها فزت فيها غير متصل
 
تاريخ التسجيل: Aug 2009
العمر: 43
المشاركات: 486
معدل تقييم المستوى: 15
فزت فيها is on a distinguished road
رد: رد ابن الذيب على الشبرمي ( كامل اكثر من 30 دقيقة والحجم اقل من 5 ميقا )

بيض الله وجهك ياعنزى وصح لسانك يابو راشد وصح لسان الشاعر سعد ابن صياد ..

 

التوقيع

 

 
 
رد مع اقتباس
  #14  
قديم 27-08-2010, 05:44 AM
الصورة الرمزية هآسون
هآسون هآسون غير متصل
 
تاريخ التسجيل: Dec 2007
الدولة: في كونـ آلوفآء ~}لوحــدي{~
المشاركات: 230
معدل تقييم المستوى: 17
هآسون is on a distinguished road
رد: رد ابن الذيب على الشبرمي ( كامل اكثر من 30 دقيقة والحجم اقل من 5 ميقا )


آصلحهمآ آلله ..لم تٌرق لي آلفآظ كلآ آلقصيدتين !!
آلعنزي..شكرآ

 

التوقيع

 

....






آلآبتسآمة ..كلمة طيبة بــ غ ـــير حروفـ..!



....
 
 
رد مع اقتباس
  #15  
قديم 27-08-2010, 06:34 AM
مهره في ذرى خيال مهره في ذرى خيال غير متصل
 
تاريخ التسجيل: May 2010
المشاركات: 1
معدل تقييم المستوى: 0
مهره في ذرى خيال is on a distinguished road
رد: رد ابن الذيب على الشبرمي ( كامل اكثر من 30 دقيقة والحجم اقل من 5 ميقا )

الله يهديهم كلهم

رد مع اقتباس
  #16  
قديم 27-08-2010, 10:52 AM
king الوادي king king الوادي king غير متصل
 
تاريخ التسجيل: Jan 2010
المشاركات: 3,862
معدل تقييم المستوى: 18
king الوادي king is on a distinguished road
رد: رد ابن الذيب على الشبرمي ( كامل اكثر من 30 دقيقة والحجم اقل من 5 ميقا )

الله لايهينك يالعنزي وتسلم على كل حال


صح لسان ابو راشد والله انه كفا ووفا


والله لايهينه على كل حال

والبادي اظلم الشبرمي بدا بالغلط واليوم يتحمل غلطه

ادعسه ابو راشد ودعس اللي وراه من شيوخ اللي دزوه

عاده لابو راشد انه يجيب اللي وراه مايحط راسه في راس الشبرمي ولا غيره




وهذه ملاحظه مسعطر في هذا البيت وهو انه يرد على الشيخ اللي وراه مهب يحط راسه براس الشبرمي


قصير العمر" ردّي عليك أنت لا ردّيت
أبا احط راسي عند راسك مهوب راسه

رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
الشبرمي و ابن الذيب يلتقيان الأحد القادم في الدوحة هادي بن فهاد مجلس اخبار الشعراء و مسابقات الشعر 20 03-09-2010 12:57 PM
حسين الحبابي والتدخل اللا منطقي بين ابن الذيب وخليل الشبرمي منقول محمد السرحـــاني مجلس الشعر النبطي 3 08-07-2010 08:22 AM
الموت اكبر حقيقة منسية...... ليال الحنين المجلس الإســــلامي 12 27-02-2006 10:52 AM

 


الوقت في المنتدى حسب توقيت جرينتش +3 الساعة الآن 01:47 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع