مجاراتي للشاعر سالم بن جخير في مدح الشيخ محمد بن مانع بن جمعه

[منصور بن جعشه]

توكلت بالله خالقي والله المعبود=وتعوذت به من كل حاسد وشيطاني
انا لابغيت النوم والمسلمين رقود=حداني عن رقادي معنا وعناني
قصايده لامن جات كنها قراح كبود=لو انه بعض الاحيان شعله ودخاني
سلامي على ابن جخير واثني سلامي زود=سلام الوفا من راس عجمي لعرجاني
شعتني بيوته يوم غنا وله مقصود=له الشكر والتقدير من كل وجداني
وانا شاعر وبيني وبين القصيد عهود=ولي هاجسٍ لاقلت ماهوب يعصاني
انافس على الجزله وجودي من الماجود=على شبت البارود ولساني حصاني
سلامي على اللي كل ماطق عود عود=على شربه الفنجال عجلٍ وشفقاني
وريث المراجل ريف ربعه حليف الجود=على محمد اللي كنه سهيل لاباني
زعيم الزعامه فالمواقف قوي عضود=مكانه على راس الطويله كحيلاني
علي الحرام انه كفو قدها وقدود=كفو والكفو يستاهل المدح من داني

[فهد بن محسن]

صح لسانك يامحمد ولا هنت

على هذه القصيدة الرائعه


وابن جخير شاعر ويستاهل من يرسل له ويجاريه

تحياتي لك

[فتى الوادي]

صح لسانك مليون

[محمد بن ناصر الغفيلي]

انافس على الجزله وجـودي مـن الماجـود

عـلـى شـبـت الـبـارود ولسـانـي حصـانـي

صح لسانك يا منصور مليون

وسلم عمرك على ماقدمت من جزالة ممتعه

ويستاهل ابن جخير ويستاهل ابن جمعه

[الملتاع]

صح لسانك على القصيدة الجزلة ويستاهل ابن جمعه