الشاعر ذيب بن الذيب يمدح الشيخ مانع بن محمد بن جمعه..

[بنت ابيها]

"بســم الله الرحمـــن الرحيـــم"
الســـلام علـــيكم ورحمـــة الله وبركــاتــه...


" انقل لكم هذي قصيده لشاعر ذيب بن الذيب في مدح الشيخ مانع بن محمد بن جمعه"

يا هاجس الشعر قد لي منك أيامي = وأنا أتحرى رسول ٍ منك ياتيني
على أجيب الورق وأجيب الأقلامي = وعليك الإنتاج من حقل البساتيني
مدح النشاما لك الله مصدر إلهامي = وش رايك إنك مع الطرق تخاويني
نمدح صبي السعد في الموقف الحامي = مدح النشاما لنظم الشعر يغريني
( مانع ) راع الأوله والموقف السامي = في مدح راع الوفا يالله تقديني
أحث فكري لمدحه وأكرب حزامي = وأزهم بنات الفكر وأزهم شياطيني
بنات فكري لهن سكه ودرهامي = تمدح هل الطيب في شتى المياديني
متوجهات(ن) لـ (بو ساره ) من اعزامي = محملات(ن) من أنواع الرياحيني
العود الأصلي وطيب الهند والشامي = مع سلامي وباكورة براكيني
شيخ(ن) يحث القدم للطيب قدامي = طلعه بعيد(ن) ويطمع في النبا الزيني
أرفع يميني لمثله وأركز أعلامي = عندي على مدحي لـ (مانع) براهيني
هداج تيما لجاله يارد الظامي = عينه على لابته لقصى والأدنيني
تارد حباله لمنسب كل ضرغامي = متوسط في الفخر ما بين جاليني
لا اطلق لساني لمدحه جيت متحامي = مضمون قولي يكفي عن دياويني
المرجله ما تجي بأوهام وأحلامي = من ثقلها ما تحملها المساكيني
تالي العمر خامة بيضا من الخامي = يا عوين من راح لا دنيا ولا ديني
في حب راعي الوفا يا الربع ما أنلامي = أنا من الرجل خف النفس يكفيني
إعداد من حج بيت الله ومن صامي = يحفظه من نزل الكوثر وياسيني

ذيــب بن الذيـــب

[ضيدان بن مترك]

بسم الله الرحمن الرحيم
السلام عليكم ورحمة الله وبركاته

المرجله ما تجـي بأوهـام وأحلامـي
مـن ثقلهـا مـا تحملهـا المساكينـي
تالي العمر خامة بيضـا مـن الخامـي
يا عوين مـن راح لا دنيـا ولا دينـي
في حب راعي الوفا يا الربع ما أنلامـي
أنا من الرجـل خـف النفـس يكفينـي
إعداد من حج بيـت الله ومـن صامـي
يحفظه مـن نـزل الكوثـر وياسينـي

صح اللسانك ياذيب...والشيخ.مانع بن جمعه.يستاهل كفو.كفو..ومشكوره يابنت ابيها ....... ..............

[محمد الضاعني]

كفو والله ابو محمد ويستاهل الشيخ مانع بن جمعه المدح والله لا يهينش يا بنت ابيها على القصيدة الرائعة

[يامي وربي الله]

كفو والله ابو محمد ويستاهل الشيخ مانع بن جمعه المدح والله لا يهينش يا بنت ابيها على القصيدة الرائعة

[يامي اصيل]

صح الله لسان ابو محمد الله يطول
عمره الله لا يهين على لقصيده

[محمد ال الضريره]

الاخت بنت ابيها لاهنتي

واشهد شهاده حق ان الشيخ مانع ما قيل فيه يقصر عن ماثره بيض الله وجه

ذيب الذيب صح السانك ياذيب ياابن الذيب

[بنت ابيها]

لا شكــر على واجــب اخي:
غالب 2006
والله يعطيك العافية على مرورك الطيب..

[بنت ابيها]

ولا انت اخي:
محمد الضاعني
واشكـــرك على مرورك الطيب وماقصرت ...

[بنت ابيها]

ولا انت اخي:
يامي وربي الله
والله يعطيك العافيه على مرورك الطيب..

[بنت ابيها]

لاهنــت اخي:
يامي اصيل
على مــرورك الطيــب..