الزمن قام يتحداني تحدي&&&& وان تحداني زماني باتحدا

[عبدالله ال عزبين]

إلى المتابعين الكرام بعد الغيبه والسموحه

الزمن قـام يتحدانـي تحـدي=وان تحدانـي زمانـي باتـحـدا
لوغدا وقتي مع الخلان ضـدي=ماتـردا والنشامـا مـاتـردا
التهاون والتلاعـب والتـردي=ذي طبوع اللاش لاطال المهدا
كم خوي في اللوازم مايعـدي=وكم خوي لالفا الماجوب عـدا
افزعوا يالابتي ياصلـب جـدي=ابغي اللي لاخذ المرسـول ودا
خايف عقب الصبر ينباح سدي=بس انا باكتم على الأسرار جدا
والله اني واصل ذالليـل حـدي=من سبايب من خذا قلبي وشدا
مانفع فيـه التغلـى والتعـدي=يوم عاده عندنـا قـام يتعـدا
وعقبها شد ونقل عني وصـدي=ماكفى من بعد داره زود صـدا
صار دمعي ناقع من فوق خدي=ينتثر ويموج لـه جـزراً ومـدا
وصار شوفي قاصر ماهو يقـدي=مع ظلام الليـل ماعـاد اتقـدا
وقمت اقبل ديرته من جد جدي=صار يبغى زود حـب وزود ودا
وموتري لااجنبت مايسرع يهدي=لاكن إلى اشملت ماعاد ايتهـدا
لانحرت لديرته من عـاد قـدي=ماعد الد النظر في النـاس لـدا
لو خلافـي لازم مامنـه بـدي=اللزوم اللـي ورى داره امبـدا

وسلامتكم