بــنــات الـــحـــب !!

[سعيد الدحابيب]

بسم الله الرحمن الرحيم


يسرني ان أقدم لكم اخر ماخطه قلمي في الاونه الاخيره


ولكم القصيده المتواضعه

ماهوب كيفش ننتهي من بعضنـا=ويش لون ننسى حبنا ويش حلاته
ياكيف بانسى منش ياروع صورنا=يالفاتنه بالحـب ياحلـى بناتـه
انتم بنات الحب سبـة مرضنـا=وانتم ترى للحب سبـة شقاتـه
اللي غلاهـم صـار منـا ومنـا=في عيوننا الثنتين زدتوا غلاتـه
زدتـوا غلاكـم بالتغنـج وكنـا=كنا لكم بالوصل ياحلـى سماتـه
حبش سمات الحب حبـش يغنـا=كم عاشقن غنـاء ولمّـم شتاتـه
حبش كما الغيمه وتروي عطشنا=من شمس حبش ياحياتي دفاتـه
حبش ربيع القلـب زيـن وطنـا=حبش ربيع الروح وانتي نباتـه
لاتحريمنا مـن وصالـش وحنـا=نحيا لوصلش لين حـد الاماتـه
حنا لوصلش ودّنـا مااعترضنـا=مدام طاب الهجر برضى برضاته
وماهو بكيفش كيف ننسى قيمنـا=نطرد ورى مقّفن يلبس عباتـه
وياما من الجهال يامـا سمعنـا=والعاذل المغتاظ نرفـض وشاتـه
وياما من التجريح لجلش شربنـا=لاكن عشانش مانسوي سواتـه
حنا على بعدش ترانـا اعترفنـا=من بعدش الجاير بحـده وذاتـه
بالصبر انا بصبر دام اكتشفنـا=انه على الفراق صعبه حياتـه
اما تعالي بطيب حنـا احتفظنـا=الود محفوظًـن ولابـه شماتـه
انا احمد الله جـات وانـا اتمنـا=انش مناة الروح وانتي نجاتـه

وسلامتكم


وسامحوني على القصور

[الملكة]

بالصبر انا بصبـر دام اكتشفنـا---انه على الفراق صعبـه حياتـه
صح لسانك..سعيد الدحابيب..
قصيدة عذبة وجميلة جداً..

[سعود الخويطري]

حنا على بعدش ترانـا اعترفنـا = من بعدش الجاير بحـده وذاتـه
بالصبر انا بصبـر دام اكتشفنـا = انه على الفـراق صعبـه حياتـه
اما تعالي بطيـب حنـا احتفظنـا = الود محفوظًـن ولابـه شماتـه


الله الله الله


صح الله لسانك يالدحابيب سعيد




قصيده جـزله وسلمت وسلمت يمناك



وتقبل سلامي واشواقي

[ابومحمد الشامري]

صح لسانك يا السنافي وفي انتظار جديدك

[محمد الغيثاني]

سعيد جزل وما يجيب إلا جزل
صح السانك ولاهنت في انتظار جديدك

[بندر العجمي]

صح لسانك على القصيدة الجزلة




والله لايشينك وننتظر جديدك طال عمرك



اخوووووووووووكـ

[عـسـاه خـيـر]

سعيد الدحابيب صح الله السانك على هذه القصيده بانتظار جديدك .