و اللي غلط في غيبتك عشر مرات.. لا هوب مستغفر ولا هوب تايب...

[مسعطر]

قصيدة أعجبتني للشاعر سعد المويهي المطيري و
قلت أنقلها لكم لعلها تعجبكم:

البحر له بين الحنايا مسافات=و الصبح له بين الحنايا هبايب
و الليلة الرحلة قصايد و شرهات=سوق الركايب يا وريث الركايب
أصعد بها يم الجدي و المجرات=حتى يصير الطفل في عقل شايب
خابرك لك معنى و هيبة و وقفات=و تقدر تسوي بالمصايب مصايب
و خابرك نبضك نبض و أوقاتك أوقات=و توله عليك قلوب شقر الذوايب
و اللي غلط في غيبتك عشر مرات=لا هوب مستغفر ولا هوب تايب
يسامحه رب البشر و السماوات=لا يشغلك بعض الحكي و الطلايب
و الحي ما يشره على الناس الأموات=يكفي حضورك عندهم و أنت غايب