قصيدة لشاعر / محمد ابن الذيب

[عقيد قوم]

قصيدة لشاعر محمد ابن الذيب في الشيوخ الاخرابيط


ويننت ياخالي محمد بن مشيط
أبدا حميت جد ولا صداقة
خاويت شيخ من شيوخ الخرابيط
وعلاقتي وياه امحق علاقة
ليل أنا وياه مثل القوا شيط
إلى سوالفهم معا ذا الرفاقة
ليل علي ايشب مثل المشاخيط
أيسكر أبناقة ويفتح أبناقة
ادعيه مثل الطير ويروغ بالخيط
إلى انقبض ولا يعجل انطلاقة
طايح بعيدان المروخ المراميط
لأكن جروم السمر ماهي دقاقة
امنين ماشوط على كيفه أشيط
متعافي ولا احمل ايت أعاقة
دراهمه راحت على ذا الفطافيط
ألي يجونه كل ليله اسراقة
أشوفهم وكسر عيوني على الحيط
ونى معي ليسن وعرف السواقة
ليته مثل حمدان شيخ المصاليط
إلي إلى بخشاش على أهل الحلاقة
قامت على من بعده أتخيط وتميط
حتى الكفيل أيصير مثل العلاقة
يالله ترعاني من الذنب وتحيط
رعايتك في ذا الزمن ونزلاقة
وغفر لي فمدح الشيوخ المضاريط
ألي ما بلى شيخ على بطاقة


تقبلو تحيات اخوكم/ عقيد قوم

[محمد نادر سويد]

الاخ عقيد قوم

صح لسانك اختيار

جميلونقل مميز

تقبل تحياتي

اخوك

[علي آل زايد المري]

أرحـــــب ياعقيد القــــوم .......



أخوك علي ال زايد.......









أبو راشد سايقها ولا عليه من أطلق شنب وهو شنب.......



معرب الجديــــــن الضاعــــــــن منا والجـــــابر منا.......






وبيض الله وجهك ياعقيد.....



تقبل مروري

[راشد العتل]

ألي ما بلى شيخ على بطاقة .. !ّ


الله الله رائعه من الكنق بوراشد
وسلمت يمين الناقل

احترامي

[فلاح بن ملبز]

ارحب يا عقيد القوم

وصح لسانك ولسان شاعرها / محمد بن الذيب

ويعطيك العافيه على ذا النقل الجزل

ولاهنت

[الاحرش]

لاهنت


على النقل الجميل وبيض الله وجهك

[مسعطر]

صح لسان ابن الذيب ,,

و صح نقلك يا عقيد قوووم ,,

تقبل مروري ,,
أستودعك الله ,,