(المبدع بدر ال شافي و عيون الصبر)

[بنت عز]

طواك الحلم يانبض الخفوق اللي غشتك جراح=عليك أمطر دفا الدنيا وجاك الوقت بأعشابه
سقاك العذر وأستبدل غلاك وعانق الأرواح=خيالن في لقاء الحاضر يطيب وتكمن اطيابه
يلملمك العتب مره وترجف بإسمك الأفراح=ويختارك وفا الشاعر لقاه وجملة أصحابه
يموت الليل بأطراف الصباح وكم يشوف رياح=تبث العيد وأطياب الفراق ونسمة عتابه
تكبدت الألم وأدري خفوقي بالزمن سواح=يعيش بمنتهى صبر الرحيل ويكشف أنيابه
أسير وعزمي الشامخ على كثر الخطا ماطاح=أباشر غلطة الغالي بعذري لخاطر أهدابه
مشاويري من أحزاني عبير التجربه لافاح=أشوفه للامل نوض السحاب وصفحة كتابه
كثر ماشلت من بيض المشاعر خاطري ماباح=حفظت الحب من شان أفتخر في هيبة أحبابه
سرابي هم وعيون الصبر تقتل بدون رماح=تسامت بأصدق إحساسي وجت للدمع صبابه
ينوح الليل بسراج الغواني شمعة المصباح=ويبلج للمدى ذاك الحنين اللي فتح بابه
على صوت الطريق اللي زرع لي باللقاء تفاح=أعايد دمعة أشعاري مادام النفس منصابه
لعلي لا قدرت أبكي على كل مامضى لي وراح=أشوف الحلم في نبض الخفوق وفترة غيابه

[ليــه يازمـــن]

صح الله لسانك على القصيده الطيبه والرائــعه

[الفند اليزيدي]

صح الله لسانه
واذا ماخاب ضني هو نفسه الي في منتدى فزاع

بدر ال شافي الهاجري

شاعر بمعنى الكلمه

[مطنوووخ وكلي شموووخ]

صح اسااااااااااااااانك

[بنت عز]

الف شكر اخواني ولاهنتو وفعلا بدر مشارك عندهم انا شفت نكه هناك وراااااائع جدا وايضا من رواد هذا المنتدى الغالي وشكرا

[مغتـــــرب]

بنت عز


صح لسانش ولسان شاعرهااا قصيده روووووووووووووعه



تسلم يدينش ع النقل الطيب




تقبلي مروري