بس الوكاد ان الذهب منك والمـاس===هـذي قصيـده والرجـا سامحينـي

[سعد المليحيق]

اتمنى تنال اعجاااااااااااابكم

قالت سعد شعرك سمعته مع النـاس=ولابـه قصيـده بالغـزل تحتوينـي
تذبحني الغيره والا عنـدك حسـاس=ودري بحبي وادري تمـوت فينـي
وليا نشدك قلـت حبـرن بقرطـاس=والله مبي غيـرك مادامـك تبينـي
عندي خبر راع الشعر دوم هـلاس=يكذب بشعره: قلت عـذرك سمينـي
قلت أبشري وصل الغزل فيك نوماس=ياروح روحي يابعد شـوف عينـي
وشغلت فكري للقصيده علي سـاس=ارضي وليفـي صافـي الوجنتينـي
وقفت هواجيس الشعر قلـت لابـاس=راحت ورودن للبحـر ثـم تجينـي
يالين طال الوقت ثـم بيـن اليـاس=نشدت قلبـي قـال هـذي ضنينـي
مارضا توصفها والا يجيك وسـواس=الولـو والمرجـان سعـره ثمينـي
حتي دريت ان البحر مالـه أقيـاس=حبك بحر ميـر المهـم أسمعينـي
منك العذر قدرك علي العين والراس=انتـي حياتـي والغـلا صدقيـنـي
بس الوكاد ان الذهب منك والمـاس=هـذي قصيـده والرجـا سامحينـي