"بسم الله الرحمن الرحيم"
السلام عليكم ورحمة الله وبركاته...
قصيدة "عبيان اليامي" بنخوة الرجال المشاكيل أهل المواقف والطيب...
للطيب طيب وللمواقف رجاجيل = وللخيل سرج وللركايب الأشدّه
والحجه اللي ما يجيها حلاحيل = تبطي وهي هدّه وتاتي بهدّه
والوقت بين لي رجال ٍ معاليل = باصد منها صدتي والله صدّه
والقلب لاصارت عروقه مغاليل = ما ينفعك راعيه لو زاد ندّه
والشيخ لاصارت يدينه مكابيل = اليا اعتزا في الضيق ينفه جدّه
والرجل لا صارت اقصوره مداهيل = الطيب طيبه والردي مايعده
نسل الرجال الي فحولٍ مشاكيل = افعولها طول الدهر مستبدة
أهل الكرم والطيب وأهل المعاميل = ستر الرفيق ومن غدا الوقت ضدّه
ما تنهزع من قايل القال والقيل = اسيوفها طول الدهر مستعدّه
يا ليل يا ماسك حلوق المهابيل = يا ستر ناس ٍ فاقدين الموده
الطير ابو جنحان راعي المقابيل = يعجبك لامنه كفخ في مردّه
طير ٍ مسمينه على ابو مظاليل = واتلى العهد به يوم لوّح بيدّه
قد له ثمان اسنين يلبس خلاخيل = وارموشه السودا تخابط ابخده
وأنا على الدنيا امخاوي رجاجيل = ومالي ومال امكبرين المخدّه