~¤ô§ô¤~ ( تـرانـيـــــــــم الـغــــــــــلا ) ~¤ô§ô¤~

[شيخة الغلا]

وإنتهينا , والزمن يضحك علينا .. لا بكينا ! والوداع { اللي دريت إنه نصيبي .. يا حبيبي .. مو بيدينا ! ما علينا ..أدري ظروفك قويّة يا حبيبي .. وأكثر اللي بأفقده كلمة " حبيبي " . كانت شفاهك .. تهاجاها علي .. كنّها قصيدة ! مب جديدة .. بس ما مرت علينا ! كل أمانينا .. وأحلام الحبايب ! طيرتها الريح .. طالبك .. ما تصيح !! دامنا .. صدق إنتهينا , والزمن يركض وهو يضحك علينا .. لا بكينا !! صرت قاسي .. صرت أصب أحلامي الحلوة بكاسي . وأكسره ! صرت أخاف أتذكره .. وقبل ميلاد الظروف اللي احصلت لك .. بعت ناسي !! ماأحس .. برقة القمرى وهي تضوي جبينك .. أو احس .. برقة القمرى .. ولا أدري إنت وينك !! يا { حبيبي .. ظنك الدنيا تنسينا بعضنا ؟! لك معي بأكثر تفاصيلي .. [ ملامح ] .. إمسح أبياتي من الدنيا .. وأنا والله [ مسامح ] !! من زمان اتخيل إحساسي وانا أودعك .. \ راحل .. للحنين ! لآخر حدود المدينة والسواحل .. { للسنين ! اللي مثل جسمي وأنا .. \ ناحل .. يا حبيبي .. يا أعز إنسان يطعني وأنا راضي عليه .. يا أحن أحضان ضمتني وأنا غارق بعيبي .. قول: ليه ! ليه أحس إنك تحاول من زمان .. وآخر أيامك قدرت ! لين بان .. نظرة الواقع بعينك .. صورتي وآنا أدور عنك وينك .. قلي بس .. وش صار فينا ! وين كل وعودنا ؟ وين آثار البكى بخدودنا ؟ وين حلفك لي :إذا طاري على الهجران طاري .. ما تصد !! تشرح أعذارك .. وأنا والله مسامح !! ما علينا .. يمكن العشق القديم يظل فينا ! أو يموت إليا بكينا ؟! المهم .. إنّا إنتهينا .. والزمن يضحك على باقي حكينا .. والوداع اللي دريت انه نصيبي ! يا حبيبي .. يا حبيبي .. يا حبيبي .. مو بيدينا !

[نيَـة فراق ..!]

رائع ـه يا [ شيخه ] ..


متابع ـتك

[شيخة الغلا]

[هادي بن فهاد]

الله الله

مبدعه ومميزه اختي الكريمه انشهد انش شيخه

[على دروب الغانمين]

السلام عليكم ورحمة الله وبركاته

تسلم يمينش اختي شيخة الغلا على الاختيار والابداع والتميز

وعندي طلب ولا عليش أمر

ياليت تكتبين لنا ابيات تهنيئة بشهر رمضان الكريم
على شان نرسلها بالجوال ونهني الناس بأبيات مميزة من اختيارش >>تعرفين رمضان قرب

واتمنى اني ماثقلت عليش بطلبي هذا..لاني اثق في اختيارش ويعجبني ذوقش في الاختيار

وتقبلي مرور اخيش

[شيخة الغلا]

هادي بن فهاد اخجلتني بحضورك الراقي والابداع منك وفيك لليمين در لاهنت ع المرور وابشر

[شيخة الغلا]

الشوق للغـالين مايشـبهـه شــوق = حتى ولوهــم في ديــار ٍ بعــيــده
مبروك شهر الصوم يامنتـهى الذوق = الله يعـــيــده لك سـنـين ٍ عــديـده
الشوق يمك حّدني وساقـني سـوق = وجيتــك ابارك جعــل ربـي يعـيـده
لك حق اهني وارفع كفوفي لـ / فوق = واقول جعــل اعــوام عمـرك مـديده

[شيخة الغلا]

[هـاردلكـ يـاقلبي]

وين القمر غايب

[شيخة الغلا]

هاردلكـ كاني لك = >