القصيده الرئيسيه كامله
وهذي مقاطعها اللتي شارك بها امام اللجنه ..
قطر موطني وانا مثل من تربـوا فيـه=راع البـل وراع المـال والغيـص والفـلاح
رجـال ٍ الـى سمعـوا نـداه اجمعـوا لبيـه=تطيح الغتر والروس .. بس العلـم مـا طـاح
سواعد الاميـر وفالمحافـل فخـر و وجيـه=ونارد حياض الموت كنحـن خـرز مسبـاح
الموت تالـي العمـر والدنيـا مقيـل=والاخـرة هـي منتهانـا لا مـحـال
وديني وحب النـاس والخلـق النبيـل=ثلاث هي دربي الـى حسـن المئـال
الله يقـدرنـي عـلـى رد الجمـيـل=والله يجمّلنـي الـى جالـي مـجـال
..
اندوج بأشقر صافي الظهر والذيل=مطروح قد ريشة ظهره محروقه
يطلع وطلعه لا طلع.. طلع دربيل=زود ٍ على طلعه وطبعه.. لحوقه
له هيبة فالجـو قبـل المحابيـل=فرخ العقاب ايخاشره في حقوقـه
..
لاتحسب الجفن من دمعه عقيـم=يستحي منك والى اقفيـت انثـره
ولايغرك وان بدا جسمـي سليـم=والله انـه مثـل سـور المقبـره
والله ان احـر مـن دمـع اليتيـم=دمعة الرجـال مـن فرقـا مـره
..
غاسل ٍ كفـي مـن مصافحـة بعـض اليديـن=وقافـل ٍ بوجيـه اهلهـا صنـاديـق البـريـد
اشهـد انـي للبـلاوي علـى الدنيـا مديـن=كـل مـا راجعـت نفسـي طلعـت المستفيـد
المواقـف تشخـل النـاس والطـيّـب يبـيـن=كل عـام يطيـح تسعـه ويصفـا لـي وحيـد
..
ودي بك وابيك وابـاك وابغـاك=جمّعتهـا لرضـاك واختـار فيـهـا
كانك مشكك في الوفا والغـلا هـااك=جوالـي اقـر القائمـه كـل ابيهـا
رقمك مع (الصادر) ولا (وارد ) اسـواك=والناس في اللي ( لم يـرد عليهـا ).
وهذي هي كامله بالترتيب ..
البدايه مع الوطن ..
يقولـون سمعنـا قصيـد الـوطـن نبغـيـه=وانا اقـول هاكـم والوطـن يستحـق اروااح
ولكـن مـن اللـي بالقوافـي قـدر يوفيـه=اشوف ان مدات الشعـر لـو تجـود شحـاح
تعجز المشاعر لو بغـرف البحـر واعطيـه=ولا اشيّن من الطبعه سـوى طبعـة السبـاح
عجزت افصح اللي في كنين الصـدر مخفيـه=واشوف السكات افصح الى ما انصف الافصاح
احبـه ولـو مابيّـن القـاف كيـف اغلـيـه=وحبـه شربته واجتمـع فالـؤاد وســاح
قطر موطني وانا مثل من تربـوا فيـه=راع البـل وراع المـال والغيـص والفـلاح
رجـال ٍ الـى سمعـوا نـداه اجمعـوا لبيـه=تطيح الغتر والروس .. بس العلـم مـا طـاح
ولدنـا يجـي فـي لازم الـدار هـو وابيـه=مجـي المعيـد الموجـب لراعـي التلـواح
سواعد الاميـر وفالمحافـل فخـر و وجيـه=ونارد حياض الموت كنحـن خـرز مسبـاح
وسيوف لولـي العهـد فـي لازمـه وايديـه=دروع عليـه وفالـلـوازم قـنـا ورمــاح
جنود الوطـن لحتـاج الامـر وذرا ً يذريـه=ولسـان ٍ فصيـح ٍ قاطـع ٍ يسكـت النبـاح
رجـال اللـوازم كلـنـا والعـهـد نوفـيـه=علـي بالطـلاق انـه كـلام مهـو بمـزاح
هـذا بعـض مافالصـدر للـدار يـا باغيـه=كتبتـه قصيـد وديـرتـي تستـحـق ارواح
والثانيه ... إجتماعيه
الموت تالـي العمـر والدنيـا مقيـل=والاخـرة هـي منتهانـا لا مـحـال
واعمال كل انسان لـه منهـا حصيـل=توضع على الميزان وان ما مال .. مال
وديني وحب النـاس والخلـق النبيـل=ثلاث هي دربي الـى حسـن المئـال
ماهي بلحية شـوق للطـرف الكحيـل=لا ذكّـر العقـل الجـوارح بالـزوال
الله يقـدرنـي عـلـى رد الجمـيـل=والله يجمّلنـي الـى جالـي مـجـال
والله يحـط الستـر لـي ظـل ظليـل=والله يقوّينـي علـى وصـل الحبـال
والله ينوّرنـي لصـار الصبـح ليـل=والله يقدّينـي الـى غـاب الـهـلال
والله يروّينـي السميـن مـن الهـزيل=لا ضيعوا ويش السمان مـن الهـزال
والله يكثّـر كـل ماهـو لـي قلـيـل=الاّ العيوب .. وكـل مانقصـه كمـال
والله لا يحوجنـي لمـدات البخـيـل=ويعيضني فـي كـل ماحـرّم حـلال
والله لا يذللـنـي لسـطـان الذلـيـل=والله لا يسقيني المذّلـة فـي الـزلال
والله يوفقنـي الـى اختـر الخلـيـل=والله يجنبنـي مجالـس قيـل .. قـال
والله يساعدنـي علـى القـول الدليـل=وستر من المنقـود والسنـة الرجـال
والله يقومنـي الـى شلـت الثقـيـل=ولا ينوخنـي لديـن عـبـاد مــال
والله يرحمنـي عقـب عمـر طويـل=وادخل مع السبعة تحـت ذاك الظـلال
والثالثه .. في وصف الطير والمقناص من الشاعر الصقّار
راع القنص مسجون وفراجه سهيل=وشلون ما يبغون شوفـه يشوقـه
اللي يعـدون الصقـاره غرابيـل=ما ذاقوا اللي فالصحاري نذوقـه
انقوم صبح ونرقد من اول الليـل=في دار عشب ٍ تلحق الماء عروقه
انقـوم للمـذن مقـام ٍ بتهلـيـل=يوم ٍ طوال الليل نرقـب شروقـه
برض ٍ بها لبرق الدواغر مداهيل=قد مرها الوسمي وشافت بروقـه
نسيمها كن فيه من نكهـة الهيـل=يكفخ بخفـاق ٍ قبضـه معلوقـه
ما شيف فيها الا ثر الصيد والسيل=وخاطي ثر ٍ للـي يـدور لنوقـه
الصيد فيها لـه مـداس ومقاييـل=كنك لها من كـل ديـره تسوقـه
وندوج بأشقر صافي الظهر والذيل=مطروح قد ريشة ظهره محروقـه
له هيبة فالجـو قبـل المحابيـل=فرخ العقاب ايخاشره في حقوقـه
على عيونه له قحوف ٍ مضاليـل=اقحوف شيخ ٍ تاج الامجاد فوقـه
يطلع وطلعه لا طلع.. طلع دربيـل=زود ٍ على طلعه وطبعـه.. لحوقـه
لاقفت تغرف الجو وتجر وتميـل=راع الحمامه دونهـا مـا يعوقـه
اذكر عليه اللي له الحول والحيـل=الى اتقت من تحت ذيلـه اسبوقـه
اطياره ايخلـي المقافـي مقابيـل=ارماش عين اللي قذى العج موقه
هاذي طراة العمر من دون تقليـل=بهواية اللي ذوقنـا غيـر ذوقـه
وهذا اللي يحبب هل الطير بسهيل=وخوة رجال ٍ الخوى مـا تبوقـه
موجز عن المقناص ماهو بتفصيل=وكل ٍ يمدح ربح سوقـه بسوقـه
والرابعه عاطفيّه
قد عطيتك وانت ماضنـك لئيـم=والنصيحـه لليـالـي تـذكـره
لاتحرك جرحي الماضـي الاليـم=ولاتحسب ان طول بعدك طهـره
كل جرح يهون يالجـرح القديـم=وكل شي قد مضا معـك اذكـره
جرحي وذكـراك والليـل البهيـم=حـزت فـوادي بمثـل المنشـره
العذول غراب وانا اكبـر غشيـم=والجروح الماء وطاريك حجـره
والزمان اكرم من الحـظ الكريـم=لانفتح لي بـاب صوبـك سكـره
وحبك اللي لاطرى لي رحت اهيم=قمت احسب اصغر كلامك واكبره
ليتني عـاد الهـوا تـوه فطيـم=انعذلـت لعاذلـي بـس خـيـره
مالقيت من الوفـاء يـااول نديـم=كون صدق الحزن وجهه وظهـره
عقب رمح الشوق في وجه الصميم=سيف هجرك في قفاه وشف ثـره
وانت شكلك تحسبني فـي نعيـم=لنـي اخبـي صوابـي واستـره
لايغـرك حلـم رجـال حلـيـم=مهون اللي مـن سكوتـه فجـره
ولاتحسب الجفن من دمعه عقيـم=يستحي منك والى اقفيـت انثـره
ولايغرك وان بدا جسمـي سليـم=والله انـه مثـل سـور المقبـره
والله ان امر من ضحك الخصيـم=شوف حقي بيـن اياديـه اشكـره
والله ان احـر مـن دمـع اليتيـم=دمعة الرجـال مـن فرقـا مـره
والخامسه بشتى مواضيعها
غاسل ٍ كفـي مـن مصافحـة بعـض اليديـن=وقافـل ٍ بوجيـه اهلهـا صنـاديـق البـريـد
وشايف ٍ شي ٍ لـي اعـوام مالـي فيـه عيـن=وقاطـع ٍ خيـط الهقـاوي بسكيـن الوكـيـد
وخالص ٍ من طيـب ضـن ٍ موهقنـي سنيـن=وظاهر لي عقب عرف العـرب عقـل ٍ جديـد
وطايح ٍ من عيني ارجـال عنـدي كـان ويـن=وحاقـر ٍ منهـو يقـيـس الاوادم بالرصـيـد
ومحتمي ٍ من غدر الاصحاب في حصن ٍ حصين=ولابس ٍ لرمـاح الاقـراب ثـوب ٍ مـن حديـد
وماضي ٍ منـي علـى اللـي تمشينـي يميـن=ما تجي منهـو قريـب ٍ والـى احتجتـه بعيـد
المواقـف تشخـل النـاس والطـيّـب يبـيـن=كل عـام يطيـح تسعـه ويصفـا لـي وحيـد
اشهـد ان خيـر المـدارس تجـارب الاوليـن=واشهد ان راي التجارب هـو الـراي السديـد
واشهـد انـي للبـلاوي علـى الدنيـا مديـن=كـل مـا راجعـت نفسـي طلعـت المستفيـد
وانت ياللي عقبك الزيـن بيـن البيـض شيـن=مستحيل يطوفك الشعر وانـت اصـل القصيـد
القصيـده فـي عيونـي بدونـك مـا تـزيـن=لازم ان اجيـب طاريـك يـا ملـح النشـيـد
انت ياللـي مـن بطيـن الفـؤاد الـى الاذيـن=والله ان حبـك مـع الوقـت ماينقـص يزيـد
في غيابـك لـك محبـه ولـك شـوق وونيـن=وفي حضورك شف عيوني كلامـي مـا يفيـد
اقهـر الضيقـه بذكـراك مـن حيـن لحيـن=وانثر دموعي على الوصـل مـن عيـد ٍ لعيـد
لك غـلا ً سبحـان ربـي ملـى الدنيـا حنيـن=ولك وفا ً سبحـان ربـي مكـن فالكـون غيـد
شف مكانك فـي مكـان ٍ عـن العالـم دفيـن=في مكـان ٍ مـن ورى مثـل عيـدان الجريـد
مكرم ٍ حبـك ولـه فالحشـى سمـن وسميـن=يقدع مـن الحـال واصـب لـه بـن الوريـد
افتضحـت مـن الهواجيـس بـك فالمسلميـن=كل من سولف علي قلت له وش قلـت؟ ..عيـد
الهوى سجـن العشاشيـق وانـا لـك سجيـن=وودي ان سجني مؤبـد ولـي حـارس وقيـد
عزتي لـي مـن فراقـك عسـى ربـي يعيـن=ادري انه فـي طريقـي ولـو وصلـك مديـد
صابر ٍ غصبا ورى الخشم لو جرحـي مكيـن=ودي افعـل لكـن الله يفـعـل مــا يـريـد
والسادسه غزليّه اشتهرت قبل شاعر المليون في المسجات والآن زيادة الخير خير ...
ودي بك وابيك وابـاك وابغـاك=جمّعتها لرضاك واختـار فيـهـا
شف ويش منها يتبع احكاك ورضـاك=اللي لك اسقي مسمعـك لا ضميهـا
غديت (افر)احكاي واسايـر احكـاك=انـا تشّـرف لكنتـي واهتويـهـا
مضمونهـا ودي بشوفتـك واهـواك=اللي دروب اهل الردى مـا تجيهـا
صانك ولي امـرك وحبـك وداراك=لاقـدر ردع الحظـوظ ومجيـهـا
نفسـك مهذبهـا وعـز الله ربّــاك=ايـدري ان جيـش الهيـام يغزيهـا
الله قسم يبلاك بـي وانـت يبـلاك=اللي سواتي فـي العـرب يرتجيهـا
محبة (ن ) ذربه من القلـب تكسـاك=حبة (ن) صـدق الهـوى يكتسيهـا
يامرك قلبـك بالوفـا لـي وتنهـاك=اس (ن) على لامـاك تفـرك يديهـا
رزين عقـل ومـن مزايـا مزايـاك=فسـك تحـب وعفتـك تمتطيـهـا
تطيع عقل (ن) ما بعد زل واغـواك=شاعرك تعصاه ..وانـت تعصيهـا
ماشفت منـك الا عيونـك ويمنـاك=حبـة (ن) راع الـردى مـا يبيهـا
يقبـض فـوادي لا تخيلـت فرقـاك=اشف عين (ن) مـا سـواك يعنيهـا
وياعزوة اخوانك ومطلـب هـذولاك=ـاس (ن) محبـة والـدك تدعيهـا
ناس (ن) تخدم ابيـك كلـه لعينـاك=هو يحسـب ان الله عليـه يهديهـا
ياجعلها تفدى علـى الارض ماطـاك=الله بمـن هـو مثلـهـا يبتليـهـا
لكـن لعـب فـي ياوليفـي تغّـلاك=نفسي غلاك من الصـدود يحديهـا
تبطي علـي وانـا هنـا واتحـراك=كبدي لواهيـب الصبـر تشتويهـا
اجمّع علومك امـن هنـاك وهنـاك=الله لو انهـا تنشـرى لا اشتريهـا
وعذرك (انا لاهي) يا ويش اللي الهاك=اهـي ومر(ن)منـت لاهـي تليهـا
كانك مشكك في الوفا والغـلا هـااك=والـي اقـر القائمـه كـل ابيهـا
رقمك مع (الصادر) ولا (وارد ) اسـواك=الناس في اللي ( لم يـرد عليهـا ).
وايـاك واياني...وايـانـي ايــاك=من غيبة (ن) من دون عذر يحميهـا
وهذي القصيدة الرئيسيه .. بحثت عنها واهديها لكم
يالله عفوك يوم تصفية الحساب = يومٍ حصاد لما زرعنا في السنين
يوم الحشر قرب ولا معنا زهاب =اليوم في الدنيا وبكره راحلين
نجني ذنوب ونرتجي عفو وثواب = وعلى نصر ربي لنا مستعجلين
تدرون ليه امالنا كنها سراب= تدرون ليه النصر سيف الاولين
الاولين اعمالهم وفق الكتاب=قاموا عليه وباعوا الدنيا بدين
وحنا غفلنا بين ما لذ وطاب= والنصر سيفٍ مايسله غافلين
نصبح على شوف انتهاكات وخراب= ونمسي على دمع وتنهات ونين
بصدورنا شي تذوب اله الهضاب= وافعالنا والواقع رياح ..وطحين
وعلى العيون من الفتن مثل الضباب= معد درينا من يسار ومن يمين
ما للضعيف الا الدعا لو مايجاب=ماغيره الا الشوف مكتوف اليدين
يالله زلزل تحت الاعداء التراب=والطف بنا واحقن دماء المسلمين
ندوعك ياقادر على جعل السحاب=جيش لنصرة قلةٍ مستضعفين
اغرقهم بنوع من انواع العقاب=غرق الغلام اللي يحسب انه فطين
لوما عصى نوحٍ نجا به في رحاب=سفينته وامضى معه في العمر حين
لكنه اختار الخساره والذهاب=اصنع بهم صنعك به وانت المتين
والا اخذهم يامجري ٍ سود الحقاب=اخذ العجوز اللي بقت في الغابرين
ذوقهم اللهم انواع العذاب= اللي عثوا في ارضك امن المفسدين
والطف بمن لبسوا من التقوى ثياب=عبادك المستهدفين المتقين
تكالبت عليهم انياب الذئاب=ولا غير عونك يامعين الصابرين
من بينهم شيبه يعجزون الشباب= من وقفته من طولها. في الركعتين
ومن بينهم بنت تون بلا حجاب= احجابها لفوا به الجرح المكين
وطفلٍٍ عن عيون امه الثنتين غاب=تبكيه عين وتلتفت لأخيه عين
من هول مايجري لهم شاب الغراب=ياوسع حلمك وانت مافوقك مدين
ادعيك وانت ادرى بحال اهل المصاب=وامد كفي لك يا اكرم الاكرمين
09-03-2007, 05:35 PM
العرض العادي
المواضيع المتشابهه
