شمس الربيع

[المهدي بن تركي]

ابطيت عنكم لضروف
اما غلاكم ياكثره0
لعلها تشفع في بعض الغياب


|

مع غفوة الجفن يـوم ان المنـام اسرقـه = حلمت لكن صـار الحلـم حلمـا ً جميـل
كأني على موعد ً مع شمسـي المشرقـه = اليا تسلـل ضئاهـا فـوق روس النخيـل
شمس ٍ ماهي شمس اغسطس نارها محرقه = شمس الربيع ان تهادى نورهـا بالاصيـل
جاني عليها عقب طـول الغيـاب اشفقـه = واصبح مثل ضلي الحرمان مالـه بديـل
يوم اغتشا نورها وجهي شهقـت اشهقـه = وكبـرت لله حيـث الله يحـب الجمـيـل
وتفتحت فـي الضميـر ابوابـه المغلقـه = يوم الزمان استطـاع ايحقـق المستحيـل
وحسيت في كل غصن اثمرو نبت ورقـه = ولا اشوف من نورها الا كل شئً جميـل
يوم احتوتني بلطـف وروحهـا المغرقـه = ما كأن يوجد على الدنيا شحيـح ً بخيـل
من ثغرها اللي يسيل الشهد مـن منطقـه = كأن العسل يوم تحكي ذاب فيـه ويسيـل
الله مختصهـا بـا الحسـن يـوم اخلقـه = عز الله انه عطاهـا مـا عطاهـا قليـل
ويوم اشتكت من عذاب اهمومها المطبقـه = حسيـت كأنـه يلـوذ بمنكبينـي دخيـل
ومن عينها اللي بدمعـة حزنهـا مطرقـه = ياما خذ الهم فـي قلبـي يحـط وايشيـل
وجدي عليها وجود اللـي علـى المشنقـه = معصبيـن ً عيونـه جاهـز ً لرحـيـل
يا نسمة ً جـت بريـح الطيـب متعتقـه = تعطـر الليـل منهـا وقـام شقـه يميـل
ويا مهرة ً يوم تمشـي فـي ثبـات وثقـه = اللي تولـع ابهـا يبطـي وشـره طويـل
انا على الباب وابغى من عطاك اصدقـه = أعظم من الفقر لا أمتـدت ايديـن النبيـل
ويوم ان جفني صحى عقب المنام اسرقـه = اثر اني احلم وصار الحلم شكله جميل
وأصبحت كأني مهب الريح مثـل ورقـه = وانا من اول مـع الاحـداث دائـم ثقيـل

[عبيد العرجاني]

ويــوم اشتـكـت مـــن عـــذاب اهمـومـهـا المطـبـقـه
حـــســـيـــت كــــأنـــــه يــــلـــــوذ بـمـنـكـبـيــنــي دخــــيـــــل

الله الله عليك

صح لسانك أخي / المهدي بت تركي

قصيدة جزله ورائعه