قتيل الحب يا ناصر

[قناص الحداء]

ياناصر قلبي من عنا الفكرمشغول=خلي له اسبوع ما جاني اتصاله
ارسلت له مرسال ولا رد مرسول=وكونت من كل المشاعر رساله
احبارها من صافي الدم معمول=واقلامها من ضلع صدر شكا له
اشكي له الهجران والبين واقول=القلب يامحبوب زاد انشغاله
ليش الجفا بيني وبينك على طول=طال الجفا والهجر طالت حباله
كنت اعتقد غيبتك لحظات وتزول=وش الذي غير حبيبي وجاله
وش ذنب قلب بحبك متيم ومتبول=بعدك عنه لحظه يسبب شقا له
خوفي من الدهر لا حال بك حول=غيب حياتي عن حياتي وشاله
ياناصرقلبي من الحزن معلول=حزن الفراق اللي يزيد احتماله
نويت الصبر والصبر ما جاب مفعول=يبطل مفاعيل الصبر شوق الزماله
هل يجتمع صبر والشوق معقول؟=لا!والذي ارسى عليها جباله
كلما هزني الشوق رددت لا حول=الموت جاني ولا وصلني وصاله
وان مت يا ناصر ترى الحب مسئول=الحب هو حب اللي سلبني دلاله

هذه اول مشاركة لي في هذا المنتدى المباركه واتمنى ان تحوز على رضاكم
اخوكم عبدالله البخيتي (ابوصالح)