ياإلهي !!

[فهد الذويب]

((القدس))

ياإلهي وش بقى فينا يشرف ياإلهي ** لا انتصار ولا اعتبار ولا شموخ ولاكرامه

اتباعيه وذُل وقل جهد وعذر واهــي ** وانكســارٍ ماعرفنا وش حلاله من حرامه

الحقائق والدلائل في زمان الذل هاهي ** واضحه وضوح شمسٍ ماتغشتها غمامه

وين صنّاع القرار اهل الأوامر والنواهي ** وش عذر قادات الامه والمناصب والزعامه

بعد ماكنّا الأسود اللي بحاضرها تباهي ** كيف صرنا بالحقيقه مثل سالفت النعامه

الخطر يحيط فينا والعقل بالغي لاهي ** والله إنا نستحقك يالعقوبه والملامه

يومنا نومٍ طويلٍ مابه الا الحلم راهي ** وإن حلمنا ماحلمنا بالفرح والابتسامه

وإن بدأ الليل ابتدينا بالملاهي والمقاهي ** ضحك ومزوح وسوالف نسأل الله السلامه

والقنوات الفضيعه تعرض انواع المشاهي ** رقص في رقص وتسابق للسفور والوسامه

من دعايه في مسلسل في اغنيه في لبس زاهي ** واهتمامٍ بالمظاهر والمراكب والإقامه

كيف حتى اعلامنا اصبح في طروحاته يضاهي ** النصارى واليهود وقلّ بالدين اهتمامه

والغريب اللي خذاني فعلاً وشد انتباهي ** التبلّد في قضيتنا الأساسيه علامه

جيت اذكر كل غافي بالمنام وكل ساهي ** مايرجِّع مجد الامه غصن زيتون وحمامه

شوفوا اسرائيل تفتك بالبلاد ام الدواهي ** مالقت فينا رجال ولاجيوووش ولاصررامه

اسرفت فينا وصرنا للمقاصل والمطاهي ** واطلقت شارون فينا والجحش صرنا طعامه

وكل ماشفت القهر والذل يممت اتجاهي ** يمّة أولى القبلتين وقلت قومي ياقيامه

ماتت النخوه وماتت كل بسمه في شفاهي ** ياعرب وين العروبه والحميه والشهامه

ياإلهي جيتك ادعو ياإلهي وانت جاهي ** يرجع القدس السليب وتنجلي عنّا الغمامه

الشاعر :- محمد بن عبدالله الجلبان

تقبلوا تحياتي,,

أخوكم فهد

[الفرس]

ياإلهي جيتك ادعو ياإلهي وانت جاهي = يرجع القدس السليب وتنجلي عنّا الغمامه

اللهم امين ..

الله يرفع الكرب عن المسلمين ..


لاهنت على الابيات المحزنه من واقع مؤلم ..

وتسلم يمينك ..

[فهد الذويب]

مشرفتنا العزيزه

الفرس

اللهم آمين اللهم آمين

مشكوررره أختي على هالمرور العطِر وتقبل الله منّا صالح الدعاء

دمتي بووود

[الغروب]

الأخ / فهد الذويب

شكرآ للفتك الكريمه لثالث المساجد القدس وصح لسا ن قائلها ...وتقبل مروري الشاكر

دمت بخير

[فهد الذويب]

مشرفتنا العزيزة لولين

مرررةً أخرى أشكر لكِ مرورك الغير عادي والغير مستغرررب على أمثالك

دمتي بووود

[شيخة الغلا]

أخوي (( فهد الذويب ))

مبدع دومااا في إختياراتك

الله يعطيك العافيه ،، تسلم يمينك

دمت بحمى الرحمن

تحياتي

[&آهــــات الحــــزن&]

صح لسااااااااااااان شااااااااعرهاااااااا

ولاهنت اخوي فهد على الاختيااااااار الرووووعه

[فهد الذويب]

أختي شيخة الغلا

الله يعافيك وهذا من لطفك وطيب أصلك

سررت بطلتك التي لا أملك إلا أن أشكرررك عليها

دمتي شيخَةً للغلا

[فهد الذويب]

مشرفتنا الحزينه (آهات الحزن)

صح بدنك بالنيابة عنه ولاهنتي على مرورك الرائع

دمتي بووود

[مسعطر]

بيض الله وجه الجلبان ,,

على القصيدة السامية ,,,

و الله يرجع القدس أولى القبلتين ,,

و يرجع حقوق العرب المغتصبة ,,,


و بيض الله وجهك اخي فهد على القصيدة و صح لساااااانك و لسااان الجلبان ,,


تقبل مروري ,,