وصيت قلبي عليك وفكري وضني

[مسفر مبارك]

وصيت قلبي عليك وفكري وظني

ان غبت عنهم عليك عتابهم هادي

ماودي تجرح شعورك كلمةٍ مني

وانت حياتي وعمري ومهجة فوادي

ودي تعيش العمر راضي ومتهني

مرفوع راسك عليك العز متبادي

ياتاج راسي وانت مني وعني

تامر وتنهي وأمرك أول البادي





ياشوق روحي وقلبي وقطعةٍ مني

عتابك ألطف من النسمة على فوادي

مايجرح القلب إلا غيبتك عني

ولا عتابك يشابه طبعك الهادي

أنا أهتني يوم أشوفك انت متهني

وأشوف نور الهنا في طلتك بادي

مايختلف فيك ظني ياحسن ظني

دايم وفيٍ معي ياوردة بلادي





من كثر خوفي عليك الخوف يمحني

وأفقد شعوري وأشوفك غاية مرادي

إن غاب صوتك أناجي الليل وأوني

وأتخيلك واتذكر هامة بلادي

مديون لك بالغلا والحب مشقني

يامستحل الفواد العاشق الغادي

من يشبهك في البشر ياذوقي وفني

ياراحتي وبسمتي وموتي وميلادي





لاتخاف مني ومن قلبي إذا وني

أكيد مشتاق لك ياغاية مرادي

مايتعب القلب غير الشوق لكني

أصبره بالقصيد وصوتك الشادي

أنا أحبك وأحبك من صغر سني

ماأبالغ إن قلت لك من يوم ميلادي

أكبر ... ويكبر غلاك اللى مجنني

غصبن على عيون حسادك وحسادي




وصيت قلبي عليك وقال متجني

احذر غيابك على قلبي ماهو بعادي

وصيت قلبي عليك وفكري وظني

إن غبت عنهم عليك عتابهم هادي

ماودى تجرح شعورك كلمة مني

انت حياتي وعمري ومهجة فوادي

ودى تعيش العمر راضي متهني

مرفوع راسك عليك العز متبادي



لاتوصي القلب لي بالشوق متعني

مادمت أحبك عتابك ماهو بعادي

عتاب قلبك على حبك يطمني

خله يعاتب أنا سلمته فوادي

ياشوق روحي وقلبي وقطعة مني

عتابك ألطف من النسمة على فوادي

مايجرح القلب إلا غيبتك عني

ولا عتابك يشابه طبعك الهادي

اعجبتني ونقلتها لكم


كلمات الشاعره مطلع الشمس


ارجو ان تنال اعجابكم

[الفرس]

لاهنت اخوي مسفر ابيات رائعه ..


تقبل مروري

[عـسـاه خـيـر]

لاهنت يا السنافي على نقل هذه الابيات الجميله

[مسفر مبارك]

لاهنتـي يالفـرس على مرورش .

[مسفر مبارك]

قايـلاً مايهـون يبو بـدر .

[مسعطر]

صح لسااان الشاعرة مطلع الشمس..
و صح نقلك و إختيارك الجميل يا ابو مبارك..
تقبل مروري..

[مسفر مبارك]

لا هنت يالضاعنـي علـى مرورك .