مجموعة قصائد مختاره للامير عبدالعزيز ال سعود (السامر)

[ثامر تركي]

جرح جديد

ودي تـشوف الـهم وش لـون سوى
في حال من حبك على غير مصلوح

جـرحـتـنـي جــــرح جــديــد iiتــلـوى
عـلى خـفوق مـنك بـالحيل iiمـجروح

وســويـت بــي شــيٍ مــا iiيـنـتسوى
وأقــول يـا سـيد الـمماليح iiمـسموح

لــيــتـك بـــزلاتــك عـــلــي iiتــــروى
يـوم ان حـبي لـك من الروح للروح

إن كـــان حــبـل وصـالـنـا iiمـاتـقوى
الله يـعين عـيون سـامر على iiالنوح

لا يـــا بــعـد مــن جـابـواآدم iiوحــوا
خـطاك مـهما صـار منسي iiومدموح

لــيـتـك دخــلــت بــداخـل iiالـقـلـبجوا
حـتى تـشوف بعينك الجرح iiوتروح





فرحـة لقـانا

لا تستحي قل أحبك تعبت iiأسماعي
أرجوك لا تستحي يا صاحبي iiقلها
أطلق أحجاجك و خله يرسل iiالداعي
فرحة لقانا ترى ما بيك iiتقتلها
ضاح إبجبينك لعيني نور و iiإشعاعي
و عيوني لشوفتك مع خافقي ولها
خذ جرحك العام بي من هاجس أوجاعي
و إلا يابو ضحكة بيديك iiكملها
و إن قالوا الناس عمري بالهوا iiضاعي
بانت لك أسرار قبل اليوم iiتجهلها
يا صاحبي هاجسي بك دايم iiواعي
فيك إنت نفسي تجادلني و iiأجادلها
مر تكون الرعية و الهوى iiراعي
و مر أكون الرعية و أنت iiكافلها
أفرح بطيفٍ يجيك و أرفع iiشراعي
و النفس بوعودك اللي كذب iiعللها


الجـرح الأول

الجرح الأول برى يا مجدد iiالثاني
ترى الغلا بالغلا و بشارتي iiشوفك
أبجرحك بالهوى لاشك ما iiأمداني
الله على جرح قلبِ في لجا iiجوفك
يوم عن الحب تأمرني و iiتنهاني
و يوم تناولني الإخلاص iiبكفوفك
أعاني اللي من هموم الغلا iiتعاني
لا شك رجواي بالله تسمح ظروفك
ألقاك يا صاحبي شفق و iiتلقاني
سعادتي بين عرفك لي و iiمعروفك
متى تجيني على مر الزمن iiعاني
لأجلك على كل غالي عالي iiنوفك
غيرك إلى مر صديت iiيتعداني
و لعتني بالهوا يا كامل iiوصوفك


قصاص

كان الجروح قصاص وشلون مااقتص
وأخـذ قـضى فعلك بي العام واليوم
يـومك تخصّص في عذابي iiوتختص
بـأخذ قـاضاي وميت الحب iiمرحوم
ذبـحتني مـا قلت يا صاحبي iiوص
وتـلومني لـو كان ما جيت في iiلوم
تـليت غـصن الحب بيديك iiونقص
مـا تـأخذ اسـلومٍ ولا تعطي iiاسلوم
هـذي أسوات الحب غارات iiوفرص
تـقسمت مـا بـين معطي iiومحروم
مـحبتك قـلبي على تركها iiاحرص
فـي جـوها ما تدرج طيوري iiالحوم



شرطان الذهب

لـف شرطان الذهب فوق المتون
لـفها يـوم الـتوت فوق iiالبياض
خـاف غـضّات الصبايا iiيزعلون
سـيّدات البيض ما فيها iiاعتراض
إن حـكى غصبٍ عليهم iiيسكتون
وإن سكت تسكت معه كل الرياض
يـا جـماعه يـوم سلهم iiبالعيون
قـال يا رمشي من السامر iiتقاض
لـوهو ما وصى المدامع iiيرحمون
كـان مـتنا يوم برق العين iiناض
يـا صـل الله يا عيونٍ iiتقطعون
وتـهلكون الحي بصحاحٍ iiمراض



ودع هواي

ودع هـواي و جـدد الـهجر iiبفراق
أول غـرامك بـالهوى مـثل iiتـاليه
أحـسبك مـثلي في دجى الليل iiتشتاق
و اثـرك تـعلمفي هـوى نفسك iiالتيه
حسبك تعبث في غصن خضر الأوراق
أغـرى الـنسيم و تاه من قبل iiيغريه
يـوم الـحشا مـثمر لك ورد الأشواق
تـسقيه مـن ماء الياس صد و iiترويه
و تحسب هواي من الهوى بعد ما iiفاق
و عـاصي ملائكة الهوى كيف iiتهديه
و أرقـى بـعيني من على متن iiالآفاق
و ألـقاك كـوكب داجـي الـعتم فيه


زاد شوقي

على الجمال المحتشـم زاد شوقـي ....
والشوق أنا مالي على الشوق سلطان
ابـو جبيـن فيـه مثـل البروقـي ....
ما غيره أحدٍ في خفا الروح سكّـان
له صورةٍ ما بيـن عينـي وموقـي ....
بيني وبين الناس في كـل الأحيـان
ما شوف غيره من بنات الشروقـي ....
و لا لي بغيره كاين كان مـن كـان
فيه اجتمع شوفي وعقلـي وذوقـي ....
كامل جمال وما خلق مثلـه إنسـان
لو حط كفه فـوق نبـض معلوقـي ....
ماراح عني والسفر كلـه أشجـان


باقه مقتطفه من الامير/عبدالعزيز ال سعود (السامر)

[ليــه يازمـــن]

مشكور على النقل والسامر شاعر غني عن التعريف


مشكور على القصائد

وتقبل تحياتي

[فهد ال مفرح الضاعني]

مشكور على الطرح وصح السان السامر وتسلم يمينك

[" مــــابه جديــــد "]

اما قصاص شي

لااهنت يالشيخ على النقل المميز

[shmoo5_ al_ajmy]

مشكور على الطرح

وصح السان السامر وتسلم يمينك

تحياتي

[((الغنج))]

صح لسان شاعرها
تسلم يمينك
ولاهنت يا عريب الجدود على النقل

[ثامر تركي]

سرني مروركم وارائكم

[ثامر تركي]

المشاركة الأصلية كتبت بواسطة ((الغنج))

صح لسان شاعرها
تسلم يمينك
ولاهنت يا عريب الجدود على النقل

ولانتي يالغنـــــج