محمد بن فطيس المري

[فزت فيها]

سولفوا تكفون لا عاد تسكتون ..
. . قبل لا أهوجس وياتيني بلاي


السكات يزود طعوني طعون ..
.. وتنكسر لا جا على راسي عصاي


سولفوا لو ما بغيتوا اتسولفون ..
.. قبل لا اقعد في الحزن رايح .. وجاي


واضحكوا لو بالعماله تضحكون ..
.. وجاملوني لو يضايقكم حكاي


لي وليفٍ راح جعله ما يهون ..
.. هو دواي وداي .. أو داي ودواي


راح لكن طيف زوله في العيون ..
. . مرةٍ قدامي ومرة وراي


وإن سكتوا جا وهو طيفه يمون ..
. . رحت أهوجس له وأبين له ولاي


مكسب عيوني من الفرقا مزووون ..
. . تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي


أدري إنه ما تناسى الود كون ..
.. تسمع إذنه في قفاي اللسن عداي


وكانهم قالوا نسيته يكذبون ..
. . وإلا أنا فيه أمتلك نظرة وراي


كان حبه لي على خبري مصون ..
. . والله ان كني بقدري .. وبغلاي


ذي بقايا الحب وأطلال الجنون ..
. . والله أعلم في ضميره وش بقاي


غير طيعوني ولا عاد تسكتون ..
. . ولا والله إن أسمعكم بكاااي

[المااسه]

روووووووووعه
صح السآان شآاعرهـآا
فزت فيهـآا لاهنت ويعطيك العـآافيه ~

[عـســاف]

الله لله علي محمد بن فطيس قصاايده حلوا وتنحفض

لاهنت اخوي فزت فها

[فالك طيب]

صح لسان

الشاعر / محمد بن فطيس

وشكرا لك أخي الكريم علي نقل لقصيده

وفالك طيب

[shmoo5_ al_ajmy]

روووووووووعه
صح السآان شآاعرهـآا

[ثامر الشميعان]

صح لسان

الشاعر / محمد بن فطيس

وشكرا لك أخي الكريم علي نقل لقصيده

[فزت فيها]

المشاركة الأصلية كتبت بواسطة المااسه

روووووووووعه
صح السآان شآاعرهـآا
فزت فيهـآا لاهنت ويعطيك العـآافيه ~

هلا وغلا نورت المشاركة

[فزت فيها]

المشاركة الأصلية كتبت بواسطة عـســاف

الله لله علي محمد بن فطيس قصاايده حلوا وتنحفض

لاهنت اخوي فزت فها

هلا وغلا نورت المشاركة

[فزت فيها]

المشاركة الأصلية كتبت بواسطة فالك طيب

صح لسان

الشاعر / محمد بن فطيس

وشكرا لك أخي الكريم علي نقل لقصيده

وفالك طيب

هلا وغلا نورت المشاركة