{{ آخر حقوقك علي رد السلام }} ....!

[المااسه]

,




الظنون الّلي ملت دربي ظلام
.....................أوهمتني , وعكست بعض الأمور !




( القلم ) .. حاله على مالا يرام
.................( والورق ) .. يشكي من اجحاف السطور




صاحـبي والعين ماتقدر تنام
..........................والسكوت اشبه بـ كتمات القبور !




من كثر صدمات عمري فـ الغرام
................صرت اعاني من مرض ( ضيق الصدور ) !




ماتخـيّلتك .. تـرد الإحـترام !
................................في جروح غلافها كثر القصور




كيف كنت تقول له نفس الكلام ؟
............................وكيف كنت تبادله نفس الشعور ؟




تظهر اللّهفه .. بكثر الإهتمام
..........................والجذور الخاينه ( نفس الجذور ! )




صرت في أرض الجفاف وفـ إنعدام
.............................بعد ماكنت الشّذى بين الزهور !




لاتفكر في بلوغك لـ المرام
...........................وأنت من حطّمت بيديك الجسور !




كثر ماكنت أبتسم عند الملام
............................ماجبرت بـ خاطري كثر الكسور !




صرت فـ مرورك مع مرور الكرام
................................وخابره ماهو بـ حيّالله مرور !




آخر حقوقك علي ( رد السلام )
.............................والشعر , يبقى لـ طعناتك شكور




أربع سنين أعشقك عامٍ بـ عام
........................فرحتي منها مغير ( أربع شهور ! )




ماتت أحلامي , ومن مثلي:- حرام !
..........................ينسرق عمره , ولو راح ( معذور ) !




بتركك ياحب , وأرقا لـ الغمام
.................................والحزن , يلقاله إنسانٍ صبور




إنـقفل بـاب المـحبّه والهـيام
............................وانكتب بـ اعلاه ( ممنوع العبور ) !!




,

[مليحة العجمان]

صح لسان قايلها ولاهان ناقلها

[المااسه]

صح بدنش
لاهنتِ ع المرور ..

[الغروب]

المااسه

اختيار مميز كما عودتينا

اشكرك

وصح لسان شاعرها.

[المااسه]

العفو
تسلمين يالغاليه ع المرور ..

[على دروب الغانمين]

صح لسان الشاعر
وتسلم يمينش على الاختيار المميز للقصيده الجزلة

[المااسه]

يسلمك ربي من عذآبه
لاهنت ع مرورك ..

[النـوف\نايفه عن كل البنات]

من كثر صدمات عمري فـ الغرام
................صرت اعاني من مرض ( ضيق الصدور ) !


صـبـآح الشوووق



لآهنتي يا المآسه عالذوووق دايمـآآ روووعه


يعطيج آلف عافيه يا الغلااا

[المااسه]

الله يعافيش لبى روحش
لاهنتِ ع مرورش ..