قصيده محتاجلك حيل لثامر شبيب الدقباسي

[صمتي أبلغ من الكلام]

محتاجلك حيـل والله يقطـع الحاجـه
حدتني وجيـت اداري دمعـت عيونـي
باين علي التعـب والضيـق وانتاجـه
منهار لونـي متغيـر ماهـو بلونـي
لقيتـك اللـي يصـد معـق احجاجـه
وانت اقرب الناس والغالي ومضنونـي
سكـرت بابـك وقفلـتـه بمـزلاجـه
قدام وجهـي وكـل النـاس شافونـي
لكن على الله بديـه الضيـق وافراجـه
والا انت الله معك خابت بـك ضنونـي
بلاش منك ومـن موقفـك واحراجـه
رح واتبع اللي خـذوا منـي وخلونـي
من صد عني تـرى مانـي بمحتاجـه
اعيـش دامـه عـاش مـن دونــي
ان قـدر الله مـع الايــام نتـواجـه
تمر مثلـك مثـل نـاس(ن) يمرونـي
في عيوني تصير ماتسوى ولا حاجـه
من عقب ماكنت تسوا الناس في عيوني

[ناثرة الورد]

{{ صمتـي أبلـغ مـن الكـلام }}

يعطيــج الـف عـافيه علـي هالقصيـده الرائعـه و المميــزه ....

تقبلـــي ::

كل الشكــر و التقــدير ....

[الغروب]

تسلمي ع الاختيار المميز

وصح لسان قائلها

شكري وتقديري

[خالدي يحب العجمان]

الله الله على الانتقاء الجميل ياصمتي ابلغ من كلام
بل كلامك ابلغ من الصمت وتسلم اناملك يالذيب

[صمتي أبلغ من الكلام]

ناثره الــــــــــــــــــــــورد

الغـــــــــــــــــــــــــــروب

خالدي يحب العجمان


شكرا لحلولكم على متصفحي
خالدي >>> أخجلتني بصراحه


دمتم بخير