تكفون يالربع .. ابيها ضروري!!...,,,

[المنجرح]

تكفون يالربع ابي قصيدة لسعد علوش مدري في بيت كذا مهوب محترم حافظة يقول : شف ترا ذولاك جنوس رياجيل بس من نوع ثاني وأبي أسم القصيدة أو رابط لو ممكن !!

[مهرة النسيان]

قصدك القصيده اللي يوصف فيها انواع الرياجيل ؟

[بطاح]

اناعندي جميع قصائد سعد بن علوش لكن البيت هذا ماعمري سمعتبة ولا انا مخطئ ..


شف موقع الرسمي لسعد بن علوش تلقاها اكيد

[المنجرح]

مهره لله لله هذه هي اذا تقدرين تجيبينها جزاش الله خير !!

[المنجرح]

بطاح في وصف الرياجيل

[مهرة النسيان]

والله مدري اذا تقصد ذي ولا لا

اسمها اللوبي
اللوبي

العقل بيت شيوخ والحلم جاسوس=للنفس يقطع من تركها ثواني
خذني وطلعني ولو الهوا كوس=ابااتنفس شي..صافي وهاني
داخل تصادم فكر ومزاحم نفوس=على فتافيت الغوى والغواني
في هاللوبي كل شي ضايع ومعكوس=ماكن في هالكون رب واماني
اثاثه الغامق وتصفيفه الكوس=تدل على ذوق راقي.وداني
شفهم وشف كيف الفشل يجعل الروس=اشيا....كماليه مبين الاذاني
وشف كيف هذا ثمل ويعتثر ويدوس=على مسمى جده الأولاني
وشف كيف هالشايب برغبته محبوس=تحت شعار ان اخر العمر فاني
احس عنده عيله وبنت عروس=تخجل من ابوها كثير وتعاني
وشف الاثنين هناك؟ ترهم ((ج..))=رجال بس رجال من نوع ثاني
ضحايا نفط وقل طاعه وناموس=والام كانت طيش والاب اناني
وشف هالجمال اللي مدثر ومحيوس=مثل الكلام اللي بليا معاني
فتاة تعرض جسمها الغض بفلوس=ويبيعها فاليوم عشرين زاني
كل الزوايا طافحه قبح ونجوس=تسبح وفالركن الاخير المواني
واحد يغني وعنده حثالة جلوس=كأن مافي هالحياة الا اغاني
ياوخز قلبي وخزة الجرح بالموس=ياعالم(ن) مافيه حلم وتفاني
في هاللبي مافيه ريس ومريوس=الكل بايع نفس والكل جاني
والكل عنده عذر واهي ومدروس=لو قلت ليه انت كذا؟ قال اعاني
انا اللي اعاني من القوس للقوس=هذا مهب جوي ولاهو بمكاني
بركض وابي اركض معي الف فانوس=اللي صباحات الغلا والتهاني
روح معي والواقع احيان كابوس=وانا ماحط اللوم على زماني
احمد ربي كل ما دق ناقوس=واعرف حدودي واستحي من كياني
وأصمت ليا جا للحكي روس وعسوس=واضحك ولو وجهي من البكي حاني
لو كل شي محسوس ياخوك ملموس=شليت اخر جرح بين المحاني

مدري ياختك اذا هذي قصدك لانك ماجبت لي بيت منها

[المنجرح]

عندش ايها مهره بالصوت ؟؟

[مهرة النسيان]

انا دورتها في النت ماحصلتها حتى في موقعه الرسمي مافيه
يؤسفني اني ماقدرت البي طلبك بس ,,
شوف محمد الهتلاني من الاعضاء عنده قصائد مميزة دائما ..
تحياتي لك..

[المنجرح]

الله يسلمش ويبقيش يا مال العافيه يا مهره وكفيتي وفيتي ومهب لازم بس طبعتها

[مهرة النسيان]

الله يسلمك يارب وماسويت شي