قصيـــــدة مزايــــن يـــــــام

[سعيّد ابوجعشه]

هذه القصيده للشاعر / سالم بن جخير
بمناسبة مزاين قبايل يام , والذي أقيم في المنطقة الشرقية بوادي العجمان _ جنوب هجرة أم الغربان
بحضور كل من صاحب السمو الملكي الأمير مشعل بن عبدالعزيز ال سعود وصاحب السمو الملكي الأمير تركي بن محمد بن فهد بن عبدالعزيز ال سعود وأصحاب السمو الملكي الأمراء وعدد من شيوخ وأبناء القبيله وضيوفهم الكرام

تباشروا بي يابنـي عمـي لاجـا وقـت اللـزوم=وأنا أحمـد الله يـوم أنـا قـد المواقـف كلهـا
والشعر وهبه والعرب مابيـن معطـى ومحـروم=والرابـح اللـي يعقـد حبـال الشعـر ويحلهـا
واليوم هذا حسب عرفي غيـر عـن أيـات يـوم=يستاهـل انـي أبـدع أبيـات الشعـر وهلـهـا
جمعه وكيف وشعـر ومزايـن وترحيبـة قـروم=ماباقـي الا سبحـة علومـي وجـيـت أفلـهـا
سلام تسليمـة وفـاء لأهـل العوايـد والسلـوم=من طنختـي ماعـاد أميـز كثرهـا مـن قلهـا
لكنهـا فـي عيونـي الثنتيـن تطـرد كـل لـوم=وتخلـي اللـي مانـوى يفطنلهـا يفطـن لـهـا
ويامرحبـا ياسيـدي مشعـل قبـل كـل العلـوم=ترحيبتـن مثـل الجبـال اللـي يظلـل ظلـهـا
عروقها وسط الثرى وايلا أعتلـت فـوق الغيـوم=تنطـق بهـا الألسـن لكـن قلوبـنـا محلـهـا
يامرحبـا بـك عـادك تنـوي علينـا بالـقـدوم=ويامرحبا بك يـوم جيـت وجيتـك فـي حلهـا
أقلط علـى اللـي مـن وصايفهـا نسميهـا ردوم=يمنـاك تفعلهـا طـرب وان جاتنـا تفعـل لهـا
شوفك هنا يبهج خواطرنا ونسلـى مـن الهمـوم=تقبل لنـا الفرحـه بشوفـك مثـل مانقبـل لهـا
ياراعي الراس العنيد وراعـي القلـب الجـزوم=نظرات عينـك تعمـي عيـون العـداء وتخلهـا
اسمك على صدور الرجال أهل الوفاء مثل الوشوم=وقدرك سوات الفرض لاجات الصـلاه فصلهـا
وتقديرنا ماهوب في حـب المناكـب والخشـوم=ولاهوب فـي مصافـح يديـن وسلهـا وأسلهـا
تقديرنا لـك يعتبـر فـي كـوم والعالـم بكـوم=ومعزتك في صدورنا ماأظـن أحـد ياصـل لهـا
الا طويل العمـر عبـدالله عسـى عمـره يـدوم=هـذاك بلحـالـه سـكـن بقلوبـنـا واحتلـهـا
القايد العدل الصدوق الوافـي الصلـف الرحـوم=الشامـخ اللـي يجـرح كبـود العـداء ويعلهـا
من حبنا له لاغفينـا شـوي جانـا فـي الحلـوم=وحتى العقـل مـن حبنـا لـه تعتـدل ونصلهـا
لاشـاش ششنـا كلنـا مابيـن حاكـم ومحكـوم=والمملكـه مثـل الهنـوف وتعتـزي فـي خلهـا
حنا حماة الدين وحمـاة الوطـن مـن كـل قـوم=حنـا لهـا لاقيـل ياشعـب الوفـاء يامـن لهـا
حنـا قبايـل يـام صلفيـن الفعايـل والـعـزوم=وايـلا مشينـا لـلـدروب الكـايـدات ندلـهـا
نشوم عن درب الـردى واللـي يوالينـا يشـوم=ونفوسنـا ماعـاش مـن ياتـي يــدور ذلـهـا
عاداتنـا ناقـف لقادتنـا وايـلا قـامـوا نـقـوم=ناتـي لهـم وأرواحنـا فـي كفوفنـا نشتلـهـا
نبيـع فـي سـوق المنايـا مابعـد جينـا نسـوم=وأيـات حـاجـه لابغينـاهـا نـجـي ونتلـهـا
حنـا أهـل البـل لاتعصبنـا وشمرنـا الكمـوم=نعـرف طبايعهـا ونعـرف دقهـا مـن جلـهـا
من دونها ناقف بحد السيـف وأقـواس السهـوم=ونـارد حيـاض المـوت ونكـرع بهـا ونعلهـا
علـى عزاوينـا تجـي وتـروح مافيهـا وسـوم=وايلا أقبلت قمنا نجـر الصـوت ونعوبـل لهـا
هـذي عوايدنـا وهـذا قسمنـا بيـن القـسـوم=لـو ماتكلمنـا بـهـا فــي عيـونـا تحلـهـا
وهذا بفضل الله وفضل اللي يضـدون الخصـوم=خيالة العوجـاء ايـلا جـات السيـوف وسلهـا
مـن الملـك الـى ولـي العهـد للقـاده عمـوم=اللابـه اللـي لاأحتمـى الميـدان تشفـي غلهـا
الحمـد لله والشكـر والشـك مبعـد ومـعـدوم=والعاقـل الـلـي لاتكـلـم كلمـتـه مازلـهـا
انتوا سمانا والسمـاء فيهـا الكواكـب والنجـوم=أقولهـا واللـي عقـد روس الحـبـال يحلـهـا

[مسفر مبارك]

تسلم يمينك ياسعيد ...!

وصح لسانك يبن جخير جزل ولد جزل ...!

[سعيّد ابوجعشه]

الله يسلمك من الشر يـ أبومبارك وحياك الله على المرور الرائع

[الغروب]

الاخ / سعيد ابو جعشه

تسلم على تذكيرنا بالمزاين من خلال القصيدة الرائعة لابن جخير

سلمت عالنقل وصح لسان شاعرها

ودائمآ الى الاعلى ياياااااااااام وكل مزاين والجميع بخير

[الفرس]

والنعم والله ..


تسلم الاخ سعيد على نقل هالنادره ..


تحيات مزدوجه بالترحيب برجعتك ..

[سعيّد ابوجعشه]

المشاركة الأصلية كتبت بواسطة (لولين)

الاخ / سعيد ابو جعشه

تسلم على تذكيرنا بالمزاين من خلال القصيدة الرائعة لابن جخير

سلمت عالنقل وصح لسان شاعرها

ودائمآ الى الاعلى ياياااااااااام وكل مزاين والجميع بخير

الأخت / ( لولين )

الله يسلمش من الشر وحياش الله على المرور العطر

[سعيّد ابوجعشه]

المشاركة الأصلية كتبت بواسطة الفرس

والنعم والله ..

والنعم بحالش

تسلم الاخ سعيد على نقل هالنادره ..

الله يسلمش من الشر وحاضرين للطيبين

تحيات مزدوجه بالترحيب برجعتك ..

الله يحييش ويرحب بش أكثر وأسعدني تواجدش في متصفحي

ولاهنتي على المرور العطر والرائع