شيلة ما عاد يمديك .. كلمات ابن فطيس وأداء بحر الكلام العذب

[عبدالله آل عامر]

بسم الله الرحمن الرحيم
:
أسعد الله أوقاتكم بكل خير اخواني وأخواتي مرتادي مجالس قبيلة العجمان
:
أقدم لكم في هذا الموضوع شيلة لقصيدة من روائع وفرائد شاعر المليون: محمد بن فطيس المري
:
وبأداء: بحر الكلام العذب
:
أتمنى إنها تعجبكم
:

:
للحفظ اضغط هنا
:

الله يجازي مـن يسـوي سواتـك= وبذنوب من سوى سواتك يجازيـك
مشيت درب الثقـل وتحـب ذاتـك= ما تـدري إنـه للمهالـك يـوديـك
غـرك جمالـك ياخسـاره حلاتـك= ما تدري إن ما غير طبعـك يحليـك
بتقـول زينـك يشفـع لسيـآتـك= الحسن ما هو عن وفا الحب يعفيـك
لوالتواضع والوفـا مـن سماتـك= بعت الحبايب كلهم ديـن وأشريـك
لكـن عجـزت أغيـرك يا جراتـك= على الغياب اللي بلا عـذر ينجيـك
خطاي في توضيح وش هي غلاتـك= وخطاك في توضيح وش هـو تغليـك
وش لون توصيني وتنسـا وصاتـك؟= وتصد عن صوتٍ تقطّـع يناديـك
ما فاتـك التجريـح والعـذر فاتـك= وتبغي الراي ألحين ما عاد يمديـك
صحيح أحبك بس هـذي جزاتـك= بعلمـك درس يفيـدك ويحيـيـك
تدري وش أبيض من خفوقك؟.. عباتك!= وتدري وش اللي غرني؟ نظرتي فيك!!
أدري بتستغـرب تصبـر وجاتـك= قصيدة مـن واحـد كـان يبغيـك
وتبغي تناظر وأنت عايش مماتـك= شف وحدتك والناس تجلس حواليك
وتبغي تشوف أشجع رجل في حياتك= شفني وأنا مقفي على كثر ما أغليـك

:
تقبلوا تحياتي وتقديري
: