قودوا جملكم يوم راعيه ماهان***عبدالله عبيان فرخ القطامي

[عبدالله آل عامر]

هذي القصيدة هي لـ شحذ همم رجال يـــام في التصويت للشاعر عبدالله بن عبيان:

من جال وادينا العوج وسط نجران=سلام يا اهل الدار صبيان يامي
سلام يا اهل العز يانصرة العان=يا اهل العزاوي في نهار الزحامي
ياللي لكم شاره على كل ميدان=شارة فخر تطلى بدم الكرامي
تزها بضرب الشلف وامّات تيجان=ويشهد لها من كان عنها محامي
اللي حموها يوم صيّاح راكان=نادا عيال العون والضرب حامي
فقامو مقامٍ عجل مافيه كسلان=وشدو سروج الخيل وارخو اللجامي
وحطو النصر وسط التواريخ نيشان=ويعود عيده كل ما زل عامي
والكل منّا يذكره دون نسيان=من بعد صار الوضع برد وسلامي
عديت قولي كل هذا على شان=اشحذ همم شجعان يام العظامي
من بعد ما دبو ظهر بنت صوغان=ثم زعفرت من كف زين الوشامي
باصيح ياربعي فحلنا كحيلان=ايقول بيد رجال يامٍ خطامي
قودوا جملكم يوم راعيه ماهان=عبدالله عبيان فرخ القطامي
اللي طلب قبلان من شان بدهان=ابجاه من له جاه ذرب المقامي
فيا فزعتي ويا نصرتي لي بدا شان=ويابندقي ويامحزمي وياحسامي
الواجب انحن ناقف بصف ذيبان=ثم نردفه وانقلده بالوسامي
حنا هل الميقاف لي كاينٍ كان=دام ان ولدنا ما ضرا بالرخامي
نادا يبا عقال ونجيه خبلان=نارد على شانه حلال وحرامي
ودام الوفا فينا من شروط الايمان=يبشر بعزه كلنا له حزامي

منقول

[محمد الهتلاني]

صح لسانك يا الغالي وبيض الله وجهك والله يفوز عبد الله بن عبيان

[بدر العرجاني]

الله يوفق عبدالله بن عبيان


والله يفرحنا بفوزه

[عبدالله آل عامر]

صح بدنك يالهتلاني وصح لسان قايلها والله يسمع منك

[عبدالله آل عامر]

الله يسمع منك يالعرجاني

[ناصر ال مهذل]

صح لسانك يا الغالي وبيض الله وجهك والله يفوز عبد الله بن عبيان

[عبدالله آل عامر]

صح بدنك ووجهك أبيض يا ناصر نفداك ويستاهل الطيب شاعرها

هالله الله في التصويت يا بني عمي

[محمد ال الضريره]

الشهم عبدالله ال عامر

بيض الله وجهك

وصح السان قايلها

اما عن شاعر المليون حلقه البارح بينت ان البرنامج يتولاه رجال مافيهم خير وانهم مثل الارجوز وعاد الارجوز راسه له
( تحيز وظلم ومجامله وقبليه ) والشعر خارج اللعبه
وعلى فكره تعطلت ارقام البرنامج في اتصالات نجران بعتراف مسؤلي الاتصالات ووعدوا بصلاح العطل ولم يفو بالوعد ومعظم الاتصالات الصادره من نجران ضاعت في عطل ضمائرضعاف النفوس قبل الاجهزه
وسلملي على ام الامارات ياتركي المريخي .

تحيه الى المبدعين

الرائع ابن ساقان والمبدع السكيبي والداهيه ابن سرور والشهم ابن عبيان
ولا تنسى اكرر للتنبيه شاعر السبع لغات سبع ماهي خمس سبع اكرر.

وحبة خشم الى عصب الرقبه والشهم والرائع والمبدع ووووووووووو وبعد ووووومحمد بن فطيس

اكرر سلملي على ام الامارات ياتركي المريحي ومافيك حيله ياالسعيد وفالك المليون يالمسعودي وكم كليو الزعتر يادكتور غسان وعلى قول هزار في طاش ماطاش ( بدي امي بدي امي ) الله يرحمش ياامه اللهم امين
وسلم لي على ام الامارات ياتركي المريخي .

[عبدالله آل عامر]

أرررحب يابن الضريره ولاعليك زود نفداك وبيض الله وجهك على كلمة الحق

لكن عزانا فيك يابن فطيس وبإذن الله شاعر المليون بشهادة جماهيرك وألد خصومك

تحياتي للجميع؛؛؛؛؛؛؛؛؛؛؛؛؛؛؛؛؛؛