ان زان لك وقتك تخير بالاصحاب (( قصيده اعجبتني ))

[عساف ال محفوظي العجمي]

أن زان لك وقتك تخير بـالأصحاب
...............وان شـان وقتـك كلهـم مايبـونـك



أن جيتهم قامـو يحـدّون الأنيـاب
..............وان رحت عنهـم بالقفـا يشذبونـك




لا..دبّـرت دنيـاك والحـظّ ماطـاب
.............الناس لا..مـن طحـت مايرحمونـك





أهل السيوف اللي يقصّون الأرقاب
................. أمّـا كفاهـم واقـعـك يظلمـونـك





لا..تامن العقـرب ولاتامـن الـداب
................السمّ واحـد لا..رقـا فـي متونـك





ياجاهل الدنيـا ودورات الأسبـاب
.............أعرف ترى من خان غيرك يخونـك




لو كان لك ربع(ن) موالين واحبـاب
...................لابدّهـم عقـب الـغـلا ينكـرونـك




وقت(ن) يشيّـب بالمخاليـق ماشـاب
.................أسأل رجـال(ن) جرّبـو يخبرونـك




(واحذر تخاوي كـل هافـي وكـذّاب
............... أهـل الـردى بطبوعهـم يطبعونـك )




أرفع مقامك عن ردييـن الأ نسـاب
.................لو شفتهم فـي حضرتـك يمدحونـك




فارق ثراهم وارق في راس مرقـاب
..................أبعد عن اللـي لونهـم غيـر لونـك




خلاّن مـال ومالهـم ربـع واقـراب
.......................لاقـلّ مالـك عـدّهـم يكرهـونـك




أعتاض فيهم من طويليـن الأشنـاب
.....................اللـي الـى مـال الدهـر ينفعونـك




لاصكتـك دنـيـاك وافـتـرّ دولاب
...................بانـت مواقفـهـم ولا يرخصـونـك




هذا رفيقـك مـن قريبيـن واجنـاب
...................ذخرك وهم في واجبـك يذخرونـك




عندك قريبين (ن) ولو قلـت غيّـاب
................على صدى صوت النـدى ياصلونـك




ياللي سمعـت العلـم لاتفتـح البـاب
..................لاتنحشر في شـي ماهـوب شونـك




ربعك ألى من شفتهم صارو احـزاب
...................وتشـاورو بالـراي والعلـم دونـك




لاتبدي برايـك عليهـم ولـو صـاب
...............لو صحت باعلى الصوت مايسمعونك




ومن لاحسبّلك لاتسـوي لـه حسـاب
...............لو كان يسوى وحدة(ن) مـن عيونـك

---------------------------------------------------------------------------------------------------------------

اخواني الاعزاء القصيده جدا معبره انقلها لاخواني وللاسف لم استدل على القائل ومن يعرف قائلها لا يبخل علينا شاكرين للجميع مرورهم

[عبيد العرجاني]

فارق ثراهم وارق في راس مرقـاب
..................أبعد عن اللـي لونهـم غيـر لونـك

الله الله على شاعرها

صح لسان شاعرها وتسلم يمين ناقلها

وإن شاء الله راح نبحث عن قائل القصيدة

تحياتي

[عساف ال محفوظي العجمي]

اخي العرجاني 99 اشكر مرورك وتقبل تحياتي واما القصيده اعلاه وردني من احد الاخوان انها للشاعر (((((( زابن ابن محمد الدوسري ))))))

[محب ابن الذيب]

رااااااااااااااائعه جداً

صح لسااان شاعرها وسلمت يمين ناقلها

تحيااااااااااااااااتي لك وللجميع

[أســـيــر الــقوافــي]

صح لسانك على القصيدة الرائعة