ربيح بن جارلله الوطيب (رحمه الله) وقصيدة العيينه

[مليحان]

الســـلامـ عليــكمـ ورحمــــة الله وبـــركاتـــة



هـــذه قصيده لشــــاعر ربيح بن جارلله الوطيب ال شـــامر رحمه الله .....


والتي كنت أبحث عنها من وقت... وأخيراً وجدتها .....لكن ليست كامله ... وبعض الأبيات لاتصلح للنشــر ...

وهي قيلت فالعيينه .... ويوصف فيها فعل العجمان .....ذاك اليــوم والنصر الذي تم للعجمان ....عسى يرحم شهداااائه .

ذي دارنا اللي مرهـا كنـه حليـب=نشـرب حلاويهـا وحـن عمالهـا
دارن خذيناها غصبن من غير طيب= مـن سـد مـارب جدنـا عنالـهـا
تكفون يالعجمان ياسقـم الحريـب =نـوح العيينـه تنتخـي برجالـهـا
ومن كان في مرزوق عنها لايغيب =وعيبن على اللـي لادرى ماجالهـا
ليلن عليها شيـب اللـي مايشيـب =من مزنتن ضـرب الفشـق همالهـا
تبرق وترعد وبلها جالـه صبيـب =منا صنـع الكفـر حقـوق إخيالهـا
عند ابوخالد حل محروم الغصيـب =لين اكتفى الديـان عشـر امثالهـا
غير لي لابتن تستاهل الني الغصيب =بافعالهـا دافـي الشحـم يعبالـهـا
ليلن يسر القلـب طاريـه عجيـب =تحت ابرق الضيان شـب اشعالهـا
يوم ابن منصور على اكوار النجيب= مثل ارنبن صـرت علـى مدحالهـا
والهاجري والخالدي راحوا هريـب =وجموعهـم قفـت وزاد واجفالـهـا
اللي نجـا مازيـد راوع للصويـب =وتشتت وصـار الطقيـق اشوالهـا
أما السبيعي قـال هيـا يالحبيـب =ياويش جابني فـي منـاخ اجمالهـا
مير ماقدر الوالي على عبده يصيب= وذي عمـارن مكتوبتـن آجالـهـا
وبعض الجماعه قال دنت ياغريـب =لادفعهـا الـرب مـاحـدن حالـهـا
ودور حماده عند ترداي النصيـب =يـوم الجعيـرا زهـبـت لعوالـهـا
ومحرم ابن ابجاد يبكـن بالنحيـب =يبكـن مـن بقعـا وسـو غربالهـا
ونسوانا صفرن يشوبشها الهديـب =وينومس الخفـرات فعـل ارجالهـا
ونمشي وحنا مثل لعابـة نصيـب =وشربت ازلالن عقـب رج احثالهـا
والعود رد اصباه من عقب المشيب= وتخضر ابها الاوطان عقب امحالهـا
ياطامعن في دارنـا قلبـك عطيـب =مانالها اطيـب منـك كيـف اتنالهـا
حنا سكنها لا عوى ذيبـن لذيـب =لاقربـت عقـب الكمـام ارحالـهـا

وهي اطول من ذلك لـــكن كما ذكرت ... بعض الأبيات لاتصلح لنشر .





وسلامتكم

[راكان المحفوظي]

لاهنت يا مليحان على القصيده والله يرحم الشاعر ربيح الشامري بيض الله وجهك

[فطيح]

لاهنت يا مليحان على القصيده والله يرحم الشاعر ربيح الشامري بيض الله وجهك

[وسيع البنايد]

الله لايهينك يا مليحان

لاكن انت ذكرت الشطر الاول من كل بيت فقط

تكفون يالعجمان ياسقم الحريب ....... انخوا العيينه تنتخي برجالها
من كان عليها من مرزوق لايغيب...... عيب على اللي لادرى ماجالها
ليل عليها شيب اللي مايشيب............... يامحلا ضرب الفشق همالها
والهاجري والخالدي راحو هريب.............................................. .
والسبيعي قال هيا هيا يالحبيب......... ياويش جابني في مناخ جمالها

[ابومحمد الشامري]

لا هنت اخي العزيز مليحان على القصيدة الرائعة ورحم الله الشاعر ربيح بن جارلله الوطيب ال شـــامر الله يسكنه الجنه

[محمد الشامري]

ياطامعن في دارنـا قلبـك عطيـب مانالها اطيب منـك كيـف اتنالهـا
حنا سكنها لا عوى ذيبـن لذيـب لاقربـت عقـب الكمـام ارحالهـا

صدق الشاعر الله يرحمه

قصيده جزله في موقف ماينسى

الله يرحم شاعرها ويسكنه الجنه

ولاهنت يامليحان

[سعود الخويطري]

سلمت يـ مليحان على القصيده



والله يرحم الشاعر ربيح بن جارالله الوطيب ال شامر



وبيض الله وجهك على النقل ولاهنت ,,,,