الشعر وبحوره (مصــــافحه ثانيه) في قصيده

[فيصل بن محمد الوعيلي]

السلام عليكم ورحمة الله وبركاته اخواني الغالين اليكم المصافحه الثانيه اتمنى ان ترتقي بذائقتكم

يالله يامنـزل حديـث وســوره=قد انجلـى عنـا الظـلام بنـوره
انـت الموفـق ربـنـا وفقـنـي=دار الفلك هـذا الزمـان يـدوره
مبدع ولي في الشعـر ابداعاتـي=يزورنـي جـزل الشعـر وازوره
عروق راسي تنتخي في شعـري=ولالدم في كـل عـرق(ن) فـوره
يفـور دمـي وينتعـت شريانـي=ماعاد يقدر يحتمـل ذي الفـوره
وضلوع صدري حوطت بالفكـره=وعاتب قصيدي افكاره المحصوره
وقام الشعر يجتث جـزل المعنـى=يجتث جزله من صميـم جـذوره
حالف رفيقي مـا اقصـده بالزلـه=بعض العرب هرجه ردي ويخوره
احمي رفيقي وافتخـر فـي فعلـه=احمي غيابه وابتهج في حضـوره
لاتمد لي الفنجـال يالـي تصبـه=ان كان مانفسي لربعـي غيـوره
وان كان ذكري ما يجمـل ربعـي=راسي وذكـري الحـدو لقبـوره
وان كان ماني بفيصل بن محمـد=لقطف رياحين الشعـر وزهـوره
انا احمـد الله يـوم ربـي وفـق=وعطاني بيوت الشعـر وقصـوره
ان انتهى يومـي وجانـي ليلـي=لفتنـي ابيـات الشعـر موفـوره
ونا بشعري حالـف(ن) اسعدكـم=ببعد طلاسيـم الشعـر وسحـوره
الشعـر فكـره والكـلام حروفـه=ضمه وفتحـه فوقهـم منشـوره
والحرف ساكن اويجـي متحـرك=واوقات تاتـي سكنتـه مستـوره
واحذر ترى بعض الحروف تخذلك=بعض الحروف الساكنه مكسـوره
واخذ كلامي صـادق(ن) بالمعنـى=صدق الكلام اخـذه وجنـب زوره
بشرح لكـم موروثنـا والشعبـي=وبكتب عن اوزان الشعر وبحوره
البحر الاول مـن الهـلال هلالـي=يرجع باسمـه لاسـرة مشهـوره
بنـو هـلال مزبنـة كـل جانـي=ولهم قصايـد مخلـده مسطـوره
وثاني البحور من الصخر ضخري=من اقدم بحور الشعـر ونهـوره
معروف عنـه للحـزن والفرقـى=ماهو يعرفه مـن لعـب بالكـوره
ويتلاه بحـرن بالحـدى ومسمـى=معروف عنـه للبـدو محشـوره
ويتلاه بحرن مخلـدن فـي ذكـره=بحرن جميل(ن) ويعجب المبحوره
بحر المروبع والمروبـع واضـح=بحرن بصوتـه يشبـه النافـوره
لشاعر المعروف محسـن هزانـي=كان السبب في بدايتـه وظهـوره
وبحر المعارك والغزاوي هجينـي=يحمس الفرسـان نهـار الثـوره
والبحـر هـذا يعرفـه اكثـركـم=القلطـه الـي للعـب والــدوره
وقصيدتي المسحوب هـذا بحـرها=جبرتها ليـن اصبحـت مجبـوره
هاذي الاصول وبه فروعن واجـد=والشعر له ناسه ولـه جمهـوره
منها المديـد والطويـل و وافـر=وكامل ورزجر والرمل في الصوره
وخفيف ومضارع ومحـدث بفنـه=ومتقارب ومجتث وبسيط(ن) طوره
هذا ونا اطلـب عذركـم ياسـاده=هاذي موازيـن الشعـر وبحـوره

فيصل محمد ال فروان الوعيلي

وسلامتكم

[محمدالمحلكم]

صح لسانك جزل

[همس الجنون]

ااهنت يالوعيلي ع هالابيات الطيبة
بارك الله فيك
وننتظر منك جديدك دوووم
عرفتني ابيات ماكنت اعرفها
قصيدة تحمل معلوومات كثيرة قيمة بمعانيها ومافيها
جزاك ربي مليوون خير


السموحه

[سعود الخويطري]

بنـو هـلال مزبنـة كـل جانـيولهم قصايـد مخلـده مسطـوره
وثاني البحور من الصخر ضخريمن اقدم بحـور الشعـر ونهـوره
معروف عنـه للحـزن والفرقـىماهو يعرفه مـن لعـب بالكـوره
ويتلاه بحـرن بالحـدى ومسمـىمعروف عنـه للبـدو محشـوره
ويتلاه بحرن مخلـدن فـي ذكـرهبحرن جميل(ن) ويعجب المبحوره
بحر المروبع والمروبـع واضـحبحرن بصوتـه يشبـه النافـوره
لشاعر المعروف محسـن هزانـيكان السبب في بدايتـه وظهـوره
وبحر المعارك والغزاوي هجينـييحمس الفرسـان نهـار الثـوره




الله الله الله




صح الله لسانك ولاهنت يـ فيصل بن محمد الوعيلي





وبيض الله وجهك وبكل صراحه قصيدة وافيه من راس وافي





ولله درررك على هكذا نص ونص امتلى بالجزاله وانت جزل



سلمت وسلمت يمناك


ودائما بـ أنتظار كافة ابداعتك معنا يابومحمد




وتقبل سلامي واشواقي ومتابعتي

[عبدالله آل عامر]

مبدع يا فيصل لاهنت وصح لسانك

تحياتي لك

[مهرة النسيان]

صح لسانك ملييييييون ,,,

[فيصل بن محمد الوعيلي]

الاخ الغالي محمد المحلكم شرفني مرورك وصح الله بدنك


همس الجنون شرفني مرورك الكريم وصح الله بدنك شرفتي المشاركه بوضع بصمتك عليها


سعود الخويطري شرفني مرورك يالغالي وصح الله بدنك وابشر بسعدك وما عليك زود ياالغالي نقول الجزاله في هذا المنتدى الجزل باعضاءه مرورك شرفني واضاء مشاركتي


عبدالله ال عامر ما عليك زود يالذيب شرفني مرورك وكلماتك وسام على صدري


مهرة النسيان صح الله بدنك ملايين

[راشد العتل]

صح لسانك يافيصل وسلمت يمينك

نترقب جديد شعرك

[ابومحمد الشامري]

مبدع ولي في الشعـر ابداعاتـي* * * يزورنـي جـزل الشعـر وازوره

اي والله انك مبدع يا ابو محمد وما فيك حيله صح لسانك وفي انتظار جديدك

[فيصل بن محمد الوعيلي]

الاخ الغالي راشد شرفني مرورك وصح الله بدنك