( خطاك .. ) !!

[هـاردلكـ يـاقلبي]

السلام عليكم ورحمة الله وبركاته



مسائكم / صباحكم : ورد








الحزن ( مجلـس للعـزا ) والعالـم بصـدري ضيـوف
والبارحـه مـن ضيقتـي ذاقـت ضيـوفـي قوتـهـا

واللي فتـح بـاب الحـزن ماهـو علـى حالـي رؤوف
ولاّ مايعـزم كــل شيـخـان الـحـزن ببشوتـهـا ؟

اللي يقول اقبل بهجري ( ظرف مـن ضمـن الظـروف )
كيـف السنيـن المقبلـه بـالـذات تقـبـل موتـهـا ؟

انـا مدينـه : - كـل مافيهـا مـن العالـم وقــوف
لان المديـنـه مــن فـراقـه ماتشـيـل بيـوتـهـا

حتى البحـر لاجاتـه العالـم علـى الشاطـي تطـوف
ماعـاد يجلـي همهـا ويشيـل عنـهـا سكوتـهـا !!

واليوم جـا ( بـرد الغيـاب ) ولا لقيتـه لـي صـوف
وش لـون تقلبهـا وانـا اللـي كنـت دايـم كوتهـا ؟

وش لون ما اغضب وانفجر واضيق واصفـق بالكفـوف
لاشفـت شجـرة حبـه الخضـراء تنـكـر توتـهـا !!

انـا رجـل / مانـي علـى حبـه مـلـزم بالحـلـوف
يكفـي دموعـي لانزلـت مـن قـو بـحـة صوتـهـا

والرجـل دمعـه ينتخيـه الضعـف لاصـار بهـنـوف
حتـى القصـايـد ترتـجـف قيفانـهـا وبيوتـهـا !!

ياللي بصبحي { شمس } وبليلي { قمر } / خنت الوصوف
لاتقـول انـا المخطـي / وخـذ منـي دليـل ثبوتهـا :

قبل ليا منّك خطيـت / اشـوف فـي شمسـك كسـوف
واليـوم شمسـك كلهـا غـابـت وبــان خفوتـهـا

ماعـاد تتبعنـي ( ظـلال الشـوق ) مثـل اول يانـوف
جاهـا ظـلام الحـق لاســراب الـريـاح يشوتـهـا

ولاعـادت انسامـك علـى صـدري تحملهـا الكتـوف
اخـذت تنهيـدة هجـر ( قـبـل الزفـيـر يفوتـهـا )

( خطـاك ) عارضـه الوفـا مايقبلـه غيـر الضعـوف
اللـي عليهـم بنـت ( ام نيتيـن ) يمـشـي بوتـهـا

واكبـر خطيـه جـات مـن يمنـى مقاديـر الصـدوف
خطيـة ٍ تربـط ( عـروق الضيـق ) مـن مفلوتـهـا

لامـن ذكـرت ايامنـا اللـي تشعـل الدنيـا قـنـوف
ووش لـون كنـت اعشقـك يابحـر الحيـاه وحوتهـا

كنت اعشقك مثل الشجاع اللي عشـق حمـل السيـوف
كنـت احفظـك مثـل البحـور اللـي اتحفـظ ياقوتهـا

كنتـي قصيـده عشتهـا بيـن الدفـاتـر والـحـروف
كنتـي ( رسايـل حـب ) والاشـواق هـي كروتـهـا

واليـوم غلطـه سلّمـت طيفـك وشوقـك للـرفـوف
ولاتقـول باكـر ينكـسـر قلـبـك عـلـى تابوتـهـا

الشـوق : - لـو علمنـي آسلـم عيونـي للطـيـوف
ماصغّـر بعينـي ( خطـاك ) اللـي غـدى طاغوتهـا !





إحتِرامي

[فزت فيها]

صح لسانك والله يعطيك العافيه بحر قصيد يضفيه حرفك الوافى ... دمت بخير ولا هنت ... هاردلك قلبى

[عمر الرشيدي]

وعليكم السلام و رحمة الله و بركاته

لاهنت على القصيده الاخت ][ هاردلك يا قلبي ][

يعطيج العافيه على القصيده الجزله

تقـبلي تحيــأتي ][ عــمر الرشــيدي ][

[ناثرة الورد]

{{ هـاردلكـ يـاقلبـي }}
,
,
آآبداع غير مستغرب
دمتـي بهذا الرقي
تقديري ..,

[ليــه يازمـــن]

<هـاردلكـ يـاقلبـي >

صـــح الله لســـانك وإبـــداع وروعـــــــه مــــاقدمـــتي

تقبــلي تحيـــتي

[فهـد العجمي]

صح لسانش هاردلك

نقل مميز ورائع جدا

لاهنتي

[شيخة الغلا]

الله صح لسانك هادلكـ وتسلمين على النقل الحلو ياحلوه دمتى لي