[ شذى الجوري ]

[خالد وبس]

معزوفة القلب ..!

كلك على بعضك .. من الألف .. للياء=معزوفـةٍ .. قلبـي يداعـب لحنـهـا
لله درك .. منت من ضمـن الاشيـاء=اللي تجي وتـروح .. واصـد عنهـا
لا والله الا حاجـةٍ .. بيـن الاحشـاء=المضغه .. اللي صرت فيهـا ومنهـا!

[خالد وبس]

../

اكذب علي في كل حاجه .. وموّه=وانا بصدّق كل شـيّ .. تقولـه
وابعد وغيب .. وما تسويه سـوّه=وبرضى ولو قلبك .. تغيّر ميولـه
لكن ترى مالي على الظلم .. قـوّه=لا انهار .. كل اللي بنيت بـسهوله

[خالد وبس]

../

الله يبيّض وجه .. من تندى يمينه بالكرم = كفّه .. سحابٍ تبكي رعوده .. ويضحك بارقه
يا جعلني منّه .. ومن مدّات جوده .. ما انحرم = ويبقى .. وتبقى شمس عِزّه .. فوق راسه .. شارقه
سِعد الرفيق .. اللي همومه كنّها .. سيل العرم = تجمّعت .. ولا تركت له غير .. عبره حارقه
يكفيني انه في عيوني ثابتٍ .. مثل الهرم= ونظرات عينه ثاقبه .. وسهوم فكره خارقه!

[خالد وبس]

../

انا وشلون اببدى فيك .. والا كيف .. والا منين؟ = ترى ما يجرح الشاعر .. سوى شعوره .. ليا خشّه
صحيح ان الطفوله والبراءه فيك .. لا ذالحين = وعظامك في دروب اهل المحبّه .. عادها هشّه
لكن من حقّي اعبّر .. ما دام الله عطاني .. عين = اشوف بها .. وانا متأكّد ان ماهيب .. منغشّه
يا ما شالله على السحر الطبيعي .. والحلا والزين = شف التاج .. وشف الشعر .. وشف اليدّ .. وشف الخشّه!

[خالد وبس]

الجاذبيه والبراءه ..!

يالله اني في رجاك من الخطيئه = والظليمه .. والإهانه .. والإساءه
جاك من يبغى المسارات .. المضيئه = واحدٍ قدّم .. خضوعه وانحناءه
انطواءه عنفوان .. ولا يُسيئه = حب .. من هو اوّل اسباب .. انطواءه
واقتحام الحب .. للنفس البريئه = يستغلّ القلب .. ويغيّر ولاءه
علمي بقلبي .. ودقاته بطيئه = عاده بصدري .. وانا اتْحكّم بـ اداءه
وارتضيت .. بما تدبّره المشيئه = واقتنعت .. ان الهوى جهد وكفاءه
و[الخجل] لا حاصر .. البنت الجريئه = زاد فيها الجاذبيّه .. والبراءه!

[خالد وبس]

لو القلوب تفكْ .. مثل البراغي = يمديني من العام .. عايش بلا قلب ..!

[خالد وبس]

ابطيت من ركني .. ولا ادري ليه ..!



باك

[خالد وبس]

*

ما اشك في حبك .. ولذّة مشاعرْك = واني الوحيد اللي .. لعب في حياتك
دوّرتني .. وانا لي سنين ادوّرْك = ولقيتني واقف .. وماسك عباتك
وانا انبهرت بـ طبعك .. وحسن مظهرْك = وجنونك .. ووقفاتك .. وتضحياتك
يبادلك لذة مشاعرك .. شاعرْك = ويهواك .. لو خبّت .. عباتك صفاتك!

[خالد وبس]

الغصب .. والنصب ..!

اذا صارت الفرقا .. مابيني وبينه غصب = بمر المكان اللي جمعنا .. وببقى فيه
لكن كانها فرقا خيانه .. وغدر .. ونصب = ابروح .. واوسّع له الدار .. واخلّيه!

[خالد وبس]

لكاعة حبيب ..!

قال .. قلّي : متاني بـ اكبر بـ عينك = قلت: تحتاج 5 سنين .. والا اكثر
قال .. واللي .. رسمته بيني وبينك = قلت: هذا مجرّد شي .. ما يذكر
قال .. وهو معصّب صدق .. يا شينك = قلت: اخذ راحتك .. انا اصلاً مقدّر!