لغزان من اربعه حلول ( تم الحل بواسطة .. وافي بن وافي + صاحب الموضوع )

[ذيب المضيح الاول]

بسم الله الرحمن الرحيم

السلام عليكم ورحمة الله وبركاته

لغزان من اربعه حلول لسليمان بن شريم وثاني مرشد البذال (رحمهم الله)

قال واحد منهم

1- ويش اثنين بسم(ن) واحد=من خلق الدنيا والدين
2-واحد منهن من صنع الله=واحد من صنع الشياطين

قال الثاني

1-ويش اثنين بسم(ن) واحد=موجودات الى هالحين
2-واحد اوتاد وقرايا=وعدودٍ تروي القطين
3-واحد منهم من فعل الله = ويدعابه للمصاخين

[ابوعبدالرحمـن]

وعليكم السلام ورحمة الله وبركاته

المحاوله بالنسبه للغز الأول

يمكن يكون ( الحلم )

من صنع الله .. الرؤيا

من صنع الشياطين .. الكابوس

ونشوف الثاني بعد ردك علينا

[ذيب المضيح الاول]

يابو عبدالرحمن مالك لوا بالرمعتين
لابـــحـــلــــمــهـــــا و لا نـــومــــهـــا

[وافي بن وافي]

حياك الله ياذيب نبدأ بالاول ايش رآيك في عقرب النجم او الحشره وعقرب الساعه تحياتي لك

[ذيب المضيح الاول]

	السلام عليكم ورحمة الله وبركاته سلمك الله من العقارب كلها و مالك لواء

[ثامر الشميعان]

السلام عليكم ورحمة الله وبركاته

انا اقول التأني
والعجله من الشيطان وش قلت

[ابوعبدالرحمـن]

طيب طيب

بالنسبه للغز الأول طبعآ

شرايك لوقلنا .. الألف و اللآم

الـله

الـشياطين

[ذيب المضيح الاول]

اخواني الاعزاء
ابو عبدالرحمن وثامر الشميعان ( كل عام وانتم بخير ومن العايدين)
اما بالنسبه للغزين
الغز المكتوب من ثلاث اشطر يوجد بين مكه والطائف
اما الغز المكتوب من شطرين فهما صفه فقط والاسما تربطهما ربط
فارجو توضيحهما برمعات (ومالــكـــم لــــــواء)
تقــــــــــبلو تحـــــــــياتــــــــــــــي

[ثامر الشميعان]

هلابك وانت بخير
وش قلت برمعه الغز الي مكتوب من ثلاث اشطر هو سوق عكاظ بين مكه والطائف

[وافي بن وافي]

اخ ذيب اللي يدعابه للمصاخين (الشفا) وهناك حي او منطقه اسمها (الشفا) ايش تقول ؟