الجــروح العــمــيــقه....

[عبد العزيز العجمي]

هذي قصيده متواضعه أتمنى أن تحوز على رضى الجميع

ودعـت أنا هـم الجــروح العمــيقه = وعـانـقت أنا دنـيا هواجـيـس وهـمــوم
يـاسيـد العـشاق وين الـعـشيـقه = مـالـوم قلبٍ يطـري الحـب مـالـوم
مانـي بلاقـي للمـحبـه طريـقـه = قلت اللـقا يمـكن ولاهو بـمحـتوم
وين الذي مـن شافها جـف ريـقه = ولا قدر ينـسى ويـفكر بها دوم
في ضامـر العـشـاق شبت حريـقه = في ضامـر البـاكي لواهـيب وسمـوم
أخـذ الكـلام اللـي بـقولـه حقيـقه = إحسـاس شـاعر ماهو الـيوم مكتوم
ياكيـف أبلقى من لـروحي رفيـقه = أقفت وخـلتني حزيـنٍ ومهـموم
ترى الفـراق الـيوم مـاني بطـيقه = قـلبٍ شطـيرٍ من سبايـبك محـروم
تبقى عيـوني فـي دمـوعي غريـقه = مـاني بلايـمها عسـى دمعها دوم
دايـم دموعي تنـزل فكـل ضيـقه = أسكت وأقول أمرٍ مقدر ومقـسوم

[فهد بن محسن]

صح لسانك ولا هنت

اخوي الكريم

على هذه الابيات الرائعه

تحياتي لك

[حمود بن فطيس]

صح السانك اخي على هذه الرائعه


أسكت وأقول أمرٍ مقدر ومقسوم؟


صح السانك مره اخرى

تقبل تحيات مودعك

حمود بن فطيس

[بندر العجمي]

صح لسانك ولا هنت


على هذه الابيات الرائعه



والله لايشينك

[عبد العزيز العجمي]

هلانت أخوي فهد على المرووورك الكريم ...

وأتنمنى أن القصيده حازت على رضااكم...

تقبل تحيااتي ..

روحي بدونك يتيمه..

[عبد العزيز العجمي]

لاهنت أخوي حمود بن فطيس على مرورك بالقصيده ....

وأنا من متاابعين قصاائد أخي الكريم ..

مع الف شكر..

روحي بدونك يتيمه...

[عبد العزيز العجمي]

تسلم أخوي بندر وأتمنى ان الابيات حاازت على رااضااك..

مشكوور يالغلا على مروورك...

أخووك .. روحي بدونك يتيمه...