انا اللي معى ربعي على الحق والخطا

[العلم الوكاد]

	الهي طلبتك واعلم انك ودود رجيتك سهيرن والعباد رقود وبديت القصيد بذكر مولاي خالقي اله له الرووس الصعاب سجود الى ضاق صدري واستجلت مصيبتي فلا عنك يا الرب الرحيم صدود بصيرن بحالي يا الهي وتعتلم دموع الوحيد اللي دهته جرود وانا اللي بحث سدي وحرك مشاعري خباث النفوس اهل القلوب السود وانا ابحث خوافيهم واعلق ردودهم واعرف القدا واحذر من المنقود واوقف ركايبكم واكذب علومهم وهل الراية العليا علي شهود يعرفون ماضي قصتي كيف ذكرها شرودن من الدرب الرذيل شرود بهتني رفيقن قبل ذا اليوم ذاخره واثر بعض ربعي في قفاي هدود بهتني بظلمن منه سامحه خالقه وانا ادراه من جدي وقدره عود ولا جاه مني ما يحسس بخاطره انا ابغيه لاجار الزمان يعود ويلقى رفيقه محزمه في الشدايد الى جاه من بعض الجموع فهود الى صار كلن ينتخي في قبايله فانا عزوته لا ثور البارود ابدمح خطاه وغلطته ما حسبتها سحاب صيفن تقتفيه النود وسرحان من يوسف برين من الخطا يشهد له الشايب مع المالود وانا سيرتي وانا احمد الله نظيفه الين عودي يبتليه الدود وذي زلة الصاحب ولا ينجزابها تمر الليالي والامور تعود وانا اللي معى ربعي على الحق والخطا جحودن لزلات الرفيق جحود ومن لا لحس دبسن فلا لحق شاربه ولا قام بيتن ما رفعه عمود ولا كل من يضحك بوجهك يحبك ولا كل من يبدي الصدود صدود ولا كل من يرمي الهدف صايب الهدف ولا كل من يغزي يجيب الفود ولا كل عينن تذرف الدمع صادقه ولا تنبت الزهرة بأية عود ولا كل من رام المراجل ينولها سوى واحدن يبذل لها المجهود وراعي الجمايل ما نجازيه بالردى وراعي الردى ما ينجزا بالجود ومن يفعل الحسنا يجازا بمثلها ومن يفعا السية يجيه الكود

[wolf]

سوى واحدن يبذل لها المجهود
وراعي الجمايل ما نجازيه بالردى
وراعي الردى ما ينجزا بالجود
ومن يفعل الحسنا يجازا بمثلها
ومن يفعا السية يجيه الكود


الله الله الله عليك

صح اللسانك مليار يا محلفي

[نفسي اتعلم الشعر]

يا بحر ياعالي أ تلاال موجك &&متلاطم الموج على عالي البروجي


نفسي اتعلم الشعر يا خووك دخلت قلبي وحسيت في نبض الحياة في قصائدك الرائعه

سجل اعجابي يا بعدي


نفسي اتعلم الشعر

[العلم الوكاد]

يا مرحبا بكم
يا اخواني

مشكوررررررررين
على المرور

الله لايهينكم

[محمد ال الضريره]

المبدع الشاعر
العلم الوكاد
كان مني العلم الوكاد
انك شاعر مبدع
وكم كنت اتمنى ان تكتب باسمك الصريح
لانك شاعر كبير

[محمد ال الضريره]

المبدع الشاعر
العلم الوكاد
خذ مني العلم الوكاد
انت شاعر مبدع
وكم كنت اتمنى ان تكتب باسمك الصريح
لانك شاعر كبير

[شيخ قحطان]

لاهنت قصيده جزله من جزل