(ياتركي الليله على خط الارتـال) قصيدة قلتها في "تركي محمد المتلقم "

[هادي بن فهاد]

السلام عليكم ورحمة الله وبركاته

اسعد الله اوقاتكم بكل خير




هذي القصيدة قلتها في اخي واابن عمي "تركي بن محمد المتلقم" وهو يستاهل اكثر من ذالك

انتمى ان تنال اعجابكم وسامحونا على القصور





:

ياتركي البارح على خط الارتـال=طريت في بالي وشـب الزقـاره
جات القصيده فيك ياطيب الفال=شرواك غالي والكرامه وقـاره
كريم سبلا بالمواقف والافعـال=ياتركي محمد كسبـت الامـاره
الطيب كايد مكسبه خوة ارجال=ماهمتك لوكان فيهـا خسـاره
الصيت عز وينظرب فيك الامثال=واليوم صيتك مركزه فالصـداره
ما قيل حق وكلمة الحق تنقـال=والمدح في شرواك ماخذ قراره
هيضتني يالقرم يانسل الابطـال=ماوفتك لوكـان فيهـا مهـاره
وختامها سلام والعهد لازال=منهاج دربه ماتغيـر مسـاره

اخوكم / هادي بن فهاد

: