قصيدة للشاعر حسين طالب آل شرمه

[زعيم القوافي]

أنقل لكم هذه القصيدة للشاعر حسين بن طالب صالح آل شرمه يرثي بها صديقه سالم بن دوغان الهاجري من قبيلة بني هاجر

البارحه ذبيت عالي المراقيب=وأقنب كما تقنب جياع الذيابه
عليك ياللي ما بعرضه عذاريب=ولا أحد(ن) سمعته قد قفاه وحكا به
سوالفه ناخذ عليها تعاجيب=وبيته لمنه جاه ما صك بابه
وافي الخصايل يوم تاتي المواجيب=أنا أشهد ان الموت جاه وغدى به
كانه لما جيته يثني التراحيب=وافرح لما شفته وربي حدا به
مرحوم يا سالم عريب المناسيب=من لابة(ن) جسرين يوم الحرابه
هواجر(ن) تقلط على الموت لا هيب=في ساعة(ن) كل(ن) يضيع صوابه
مضى لهم يوم الجهالة تجاريب=ولا أحد(ن) ينام وعنده لهم طلابه
كم في حماهم قد رعت شمخ النيب=ولا أحد(ن) يجي تيك الديار المهابه
نعم بهم لو انهم من لجانيب=رجالهم لي قال هرج(ن) وفى به
قول في اهل الطول في حق ومصيب=ولاخير في اللي ما يثمن جوابه
وصلاة ربي عد مافي المكاتيب=على النبي الهاشمي والصحابة

هذا ما يحضرني من القصيدة وأرجو المعذره إذا حصل قصور أو خطأ

[وين العاقل]

صح السانك

جزل

ويستاهلون اهل الوفاء