*·~-.¸¸,.-~*طبق اليوم*·~-.¸¸,.-~*

[أبعاد]

الغـــــــــروب والله أثرش طباخه ماهره؟!...
يؤ .. كل ذا العلوم عندش ؟!...
لو تعلمت منش صراحه بغدي أحسن طباخه ...*
انزين المره الجايه جيبي لنا طبخة سلطة ملفوف ..*
تصدقين خاطري أكلها من فتره وخليت أبي يجيب كل أغراضها وفرحت بشكل كبير..*
ولما جيت أدور على الملفوف مالقيته ..تخيلي؟!..
أثر صاحب الدكان نسى ما يحطها ..قلت الحمد لله أهم حاجه ونساها...*
علميني أياها وأنا بعلمش أياها على حسب الطريقه السودانيه..*
علمتني أياها وحده صديقتي سودانيه ...*
ولاهنتي وبيض الله وجهش يالسنافيه ..*

...*أبعاد..*

[الغروب]

الغاليه / ابعـــــــــاد :::: ياهــــــــلا

وسمـــــــــي ياام ميمي تــأمرين امـــــــر

المقادير

أربع كاسات ملفوف مبشور قليل من الجزر مبشور ملعقة طعام بصل أبيض مفروم صغير ربع كاسة مايونيز ملعقتين وثلثين طعام سكر ملعقتان طعام حليب سائل ملعقتان طعام لبن سائل ثلاثة أرباع ملعقة طعام خل أبيض ملعقة طعام وربع من عصير الليمون ربع ملعقة صغيرة ملح رشة فلفل أسمر

الطريقة:

1- يمزج السكر مع الملح و الفلفل والحليب واللبن والمايونيز والخل وعصير الليمون ويخفق جيداً حتى يصير المزيج متجانس. 2- يضاف الملفوف والقليل من الجزر المبشور والبصل المفروم ويخلط جيداً 3- تغطى السلطة وتترك بالثلاجة مدة ساعتين قبل تقديمها

وسامحيني عالعجلــة ...بس اوعدك بطريقة ثانيه مررررره لذيدة < خاصــة>

[IMG][/IMG]

وبالعــــــــــافيه

[أبعاد]

أوووف والله لذيذه هذي شكلها مره ..*
تصدقين تختلف تماما عن الطريقه الي عطتني أياها صديقتي السوادنيه بالمدرسه..*
حقتها بسيطه كثير ...*
قالت لي أجيب ملفوف على حسب رغبتي ..*
ثمن جزر وفلفل أحمر .. وليمون ومايونيز وزبادي..*
أبشر الجزر والملفوف ..عقبن أحمس الجزر على زيت لين يتغير لونه شوي..*
ثمن أجيب الروب والمايونيز والفلفل والليمون وأخلطهم مع بعض..*
عقبن احط الملفوف ثم الجزر عليه واخليه في الثلاجه لين يزين ..*
عقبن ناكله وانا صراحه ذقت حقها جابت لنا الدوام مره حلو ..*
ولكن حقتك غير وأنا أن شاء الله بجرب الثنتين ...*
عاد اليوم جمعه أن شاء الله أحاول أحطه على الغدا ..*
مع أني واعده أبي ما أسويها الا اذا كان في البيت وهو صوبكم في الرياض الحين ..*
كتب الله أجرك يا الغروب هذا الجهد الطيب وجعلك الجنه ..*

..*أبعاد..*

[سمو الرووح]

طبق لذيذ وجميل من يد يارب ما نعدماها

تشكرات الغالية / الغروب

دمتي باسعد حااااااااال

[سمو الرووح]

أرجوا ان تسمحوااا لي بالمشاركه بهذا الطبق الذيييييذ.. متمنيه ان يحوز على رضاكم

سلطة الأرز والخضراوات!!!!





هذا الطبق يعطيك فرصة الاستمتاع بالسلطة الباردة المليئة بالأرز والخضراوات والمغطاة بالصلصة الإيطالية.


المقادير:


4 أكواب أرز بني مطهي
كوب ونصف شرائح خيار
علبة فاصوليا سوداء مصفاة ومغسولة
كوب طماطم مقطعة منزوعة البذور
نصف كوب بصل مقطع
ربع كوب بقدونس طازج ومقطع
ثلاثة أرباع كوب صلصة إيطالية خالية من الدهون



طريقة التحضير:


1- امزجي جميع مكونات السلطة في وعاء كبير فيما عدا الصلصة الإيطالية.
2- اضيفي الصلصة إلى المزيج بشكل متجانس بحيث تغطيه.
3- غطي وعاء السلطة وضعيه في البراد عدة ساعات حتى تبرد .

ودمتم سالمين ..

[الخزااامى]

رهيبات يا بناااااات شغل عدل مدل////

[الغروب]

الغاليات /

ابعـــــــاد *** فضـــــــــــه *** الخزامى

مرحبا بكم ومن جــــــــد اعطيتوا الصفحة رونق وجمال

[الغروب]

المبدعه / فضــــــــــه

تسلمين يارائعــــــــــه على هالطبق المتعوب عليه ...واكيد كفاية انه من يدينك

وسفرة دايمة يالسنافية

[سراب]

عندي لكم حلا لذيذ .. أخذته من النت
أول مرة سويتها بالضبط من النت .. وماعجبتني بصراحة
وثاني مرة غيرت فيها .. واطلعت أحلى بواجد

بعطيكم طريقتي

الـمـقــاديـــــر

شعيرية باكستانية
ظرف كريم كراميل
2 ظرف دريم ويب
بسكويت شاي .. أو أي بسكويت مايكون حالي
قشطه
علبه حليب مكثف = نستلة
4 حبات كيري
ملعقه زبده

الـطـــريــقـــــة

1
تسوين الكريم كراميل المعتاد

2
إخذي شعيرية باكستانية "كميتها كافية لتكوين طبقة"
واقليها بالزبدة لحد ماتصير لونها بني
لمن تخلص حطيها في صينية بايركس .. بحيث تكون طبقة " بس مو سميكة"

3
حطي فوقها طبقة من البسكويت

4
بعدها صبي الكريم الكراميل وهو سائل وساخن .. بحيث ما تغرقينه بس المهم يحوش البسكوت والشعيرية

5
بعدها طبقة ثانية من البسكويت ونفس الشي صبي الكريم الكراميل

6
أخلطي في الخلاطة
قشطه
2 ظرف دريم ويب
علبه حليب مكثف = نستلة
4 حبات كيري

نصيحة مجربة:
تقدرين تتحكمين
في حلا الخليط إذا أضفتي كيري زيادة
وفي كثافته إذا أضفتي قشطه
و زيادة حلاه إذا أضفتي النستلة

7
بعد خلط الخليط
صبيه في البايركس الذي يحوي البسكويت والشعيرية

8
طلعي الكراميل"البني" من علبة الكريم الكراميل
ووزعيه بشكل عشوائي

9
حطيه في الثلاجة حتى يتماسك
بعدها تقدرين تتلذذين فيه


أتمنى تعجبكم إن شاء الله
أنتظر أرائكم

[الغروب]

الرائعـــــــــة / ســــــــــــراب

تسلم يدينك ::::::::ومايبي لها رأي الطبق مبين من مواصفاته

شكله مررررررررررره لذيـــــــــــــــــــــــــذ

تسلم الايادي يا ذوق