والله لو لا الحيا والدين والعبره ~ اضم غض النهد وآبوس عيناها

[سرحان الفكر]

السلام عليكم ورحمة الله وبركاته

اقدم القصائد وعسا وفقت بالاختيار

تفضلوا متواضعتي

ناجيت ياليل سولفلي عن القمره = ارسل مواري حلاته كود نلقاها
عيّت عيوني تكف الشوف والنظره = الجادل اللي في نص الليل شفناها
هذي حلاة الظبي الجود من قدره = الوجه نور القمر والليل غطاها
والخد نرجس وريح العطر منتشره = والزول ريم الفلا والعود غناها
والحب من أول النظرات ياعذره = صحيح من قالها وصح منقاها
هذي سبايب مولع طاح من كسره = عية مزون الهوى تشفيه من ماها
عيني بدونه شنون البدو منشطره = والعين تشكي لذيذ النوم ماجاها
لامر طيف الغلا والروح منجبره? = اثبت اطيافها بالحيل وانصاها
والله لولا الحيا والدين والعبره = اضم غض النهد وآبوس عيناها
مير التقاليد والعادات محتكره = الوضع حساس والعربان ماواها
قالو تقدم? وقلت البنت معتذره = حسبي على النفس والشيطان سواها
والتاليه للاسف هلت بي العبره = مالوم اهل الهوا من زود ماجاها
لا جاك وقت الوداع وانقضا فتره = سِنّـة حياة الحبايب مانسيناها
وش حيلتى في الغرام غير ياستره = والخاتمه دمعة الرجال ماشقاها

وسالمين

سرحان الفكر

[راكان اليامي]

لاهنت وصح لسانك يالقرم

[محمدالمحلكم]

صح لسانك جزله

[سرحان الفكر]

المشاركة الأصلية كتبت بواسطة راكان اليامي

لاهنت وصح لسانك يالقرم

ارحب راكان وصح بدنك ولاهنت على المرور

[سرحان الفكر]

المشاركة الأصلية كتبت بواسطة محمدالمحلكم

صح لسانك جزله

ارحب ابن محلكم وصح بدنك ولاهنت على المرور

[الجوـوـوـوـري]

قالو تقدم? وقلت البنت معتذره
حسبي على النفس والشيطان سواها



الله الله
وصح الله السانكـ على ذالقصيـــده الجريئـــــــــــه،،
وتسلم ايدينك ،،

[راع البلها]

لاهنت وقصيده جزله ونطمح نشوف كل جديد

[سرحان الفكر]

المشاركة الأصلية كتبت بواسطة الجوـوـوـوـري

قالو تقدم? وقلت البنت معتذره
حسبي على النفس والشيطان سواها



الله الله
وصح الله السانكـ على ذالقصيـــده الجريئـــــــــــه،،
وتسلم ايدينك ،،

ومن يقول وصح بدنش ولاهنت على المرور

[سرحان الفكر]

المشاركة الأصلية كتبت بواسطة راع البلها

لاهنت وقصيده جزله ونطمح نشوف كل جديد

ولانت
ولاهنت على مرورك
باذن الله

سرحان الفكر